கர்நாடகாவில் கட்டுக்குள் வந்த கொரோனா 3ஆம் அலை.. 100% அனுமதியுடன் பல தளர்வுகள் அறிவிப்பு - முழு தகவல்
பெங்களூர்: கொரோனா பாதிப்பு தொடர்ந்து குறைந்து வரும் நிலையில், கர்நாடகாவில் பல்வேறு தளர்வுகள் அறிவிக்கப்பட்டுள்ளது.
இந்தியாவில் கடந்த மே மாதம் கொரோனா 2ஆம் அலை ஏற்பட்டது. டெல்டா கொரோனாவால் ஏற்பட்ட 2ஆம் அலையின் பாதிப்பு மிக மோசமாக இருந்தது.
அதன் பின்னர் மாநிலத்தில் வைரஸ் பாதிப்பு தொடர்ந்து குறைந்த வந்த நிலையில், தென் ஆப்பிரிக்காவில் முதலில் கண்டறியப்பட்ட ஓமிக்ரான் அப்படியே நிலைமையை மாற்றியது.
ஓமிக்ரான்
கொரோனா 2ஆம் அலையில் இருந்து கற்ற பாடங்களால் ஓமிக்ரான் அலை ஏற்பட்ட உடன் நாட்டின் பல்வேறு மாநிலங்களிலும் ஊரடங்கு அல்லது அதற்கு இணையான கட்டுப்பாடுகள் விதிக்கப்பட்டது. நல்வாய்ப்பாக ஓமிக்ரான் கொரோனா 2ஆம் அலை அளவுக்கு மோசமான பாதிப்பை ஏற்படுத்தவில்லை. இதனால் வைரஸ் பாதிப்பு விரைவாகக் கட்டுக்குள் வந்தது. அதைத் தொடர்ந்து பல்வேறு மாநிலங்களும் ஊரடங்கில் தளர்வுகளை அறிவித்து வருகிறது.
கர்நாடக முதல்வர்
அண்டை மாநிலமான கர்நாடகாவில் கொரோனா பாதிப்பு மெல்லக் குறையத் தொடங்கிய சமயத்திலேயே தொழில்துறையினர் ஊரடங்கில் தளர்வுகள் கோரி வலியுறுத்தினர். அதன்படி கடந்த ஜன. மாதமே அங்கு வார இறுதி ஊரடங்கு ரத்து செய்யப்பட்டது. அதன் பின்னர் ஊரடங்கில் பல்வேறு தளர்வுகளும் அறிவிக்கப்பட்டது. அங்கு வைரஸ் பாதிப்பு தொடர்ந்து குறைந்து வரும் நிலையில், மருத்துவ வல்லுநர்கள் உடன் நடந்த ஆலோசனைக் கூட்டத்திற்குப் பின்னர், அம்மாநில பசவராஜ் பொம்மை இப்போது கூடுதல் தளர்வுகளை அறிவித்துள்ளார்
புதிய தளர்வுகள்
இதுவரை அனைத்து திரையரங்குகள், ஜிம்கள், யோகா மையங்கள், நீச்சல் குளங்கள் 50% வாடிக்கையாளர்களுடன் மட்டுமே இயங்க அனுமதி அளிக்கப்பட்டிருந்த நிலையில், இப்போது அவை முறையாக கொரோனா வழிகாட்டுதல்களைப் பின்பற்றி 100% வாடிக்கையாளர்களுடன் இயங்க அனுமதி அளிக்கப்பட்டுள்ளது. இந்த இடங்களுக்குச் செல்ல 2 டோஸ் வேக்சின் கட்டாயம் போட்டிருக்க வேண்டும் என்றும் அறிவிக்கப்பட்டுள்ளது.
திரையரங்குகள்
குறிப்பாகத் திரையரங்குகளில் மாஸ்க் கட்டாயம் அணிந்திருக்க வேண்டும் என்றும் திரையரங்குகளில் உணவுப் பொருட்கள் அனுமதிக்கப்படாது என அறிவிக்கப்பட்டுள்ளது. கர்நாடகாவில் கடந்த 24 மணி நேரத்தில் 16,436 பேருக்கு கொரோனா கண்டறியப்பட்டுள்ள நிலையில், பாசிட்டிவ் விகிதமும் 11.31ஆகக் குறைந்துள்ளது. குறிப்பாகப் பெங்களூரில் 10 நாட்களில் பாசிட்டிவ் விகிதம் 27.2%இல் இருந்து 11.7ஆகக் குறைந்துள்ளது.
Click it and Unblock the Notifications
Sign in with Google