சொந்தமாக வீடு கூட இல்லையாம்! தேர்தலில் போட்டியிடும் மைசூர் மன்னரின் சொத்து மதிப்பு எவ்வளவு தெரியுமா?

பெங்களூர்: கர்நாடாகாவில் உள்ள மைசூரு-குடகு தொகுதியில் பாஜக சார்பில் மன்னர் யதுவீர் போட்டியிடுகிறார். மைசூர் மன்னர் என்பதால் பல ஆயிரம் கோடி சொத்து இருக்கும் என நினைத்துவிடாதீர்கள். அவரது மொத்த சொத்து மதிப்பு ரூ.4.99 கோடி என குறிப்பிட்டுள்ளார். இதேபோல் அவருக்கு சொந்த வீடு கூட இல்லையாம்.

லோக்சபா தேர்தல் நாடு முழுவதும் 7 கட்டங்களாக நடைபெறுகிறது. தமிழகத்தில் வரும் ஏப்ரல் 19 ஆம் தேதி ஒரே கட்டமாக நடைபெறுகிறது. முதல் கட்ட தேர்தலுக்கான வேட்பு மனு தாக்கல் முடிந்து இறுதிவேட்பாளர் பட்டியலும் வெளியாகிவிட்டது. இரண்டாம் கட்ட தேர்தலுக்கு தற்போது வேட்பு மனு தாக்கல் நடைபெற்று வருகிறது.

இரண்டாம் கட்ட தேர்தலில் மொத்தம் 88 தொகுதிகளுக்கு தேர்தல் நடைபெற்று வருகிறது. கேரளாவில் 20 தொகுதிகளுக்கும் கர்நாடகாவில் 14 தொகுதிகளிலும் இந்த தேர்தல் நடைபெற உள்ளது. கர்நாடாகாவில் உள்ள மைசூரு-குடகு தொகுதியில் பாஜக சார்பில் மன்னர் யதுவீர் போட்டியிடுகிறார். இவர் தனது வேட்பு மனுவை தாக்கல் செய்துள்ளார்.

இந்த வேட்பு மனுவில், தனது சொத்து மதிப்பை குறிபிட்டு இருக்கிறார். மைசூர் மன்னர் என்பதால் பல ஆயிரம் கோடி சொத்து இருக்கும் என நினைத்துவிடாதீர்கள். அவரது மொத்த சொத்து மதிப்பு ரூ.4.99 கோடி என குறிப்பிட்டுள்ளார். மேலும் சொந்த வீடு, விவசாய நிலம், கார் இல்லை என தெரிவித்துள்ளார்.

தனது பெயரில் உள்ள 2 வங்கி கணக்குகளில் ரூ.23 லட்சத்து 55 ஆயிரம் இருப்பு உள்ளது. மேலும் ரூ.1 கோடி மதிப்பிலான பங்குகள், நிறுவனங்களின் பத்திரங்கள் இருப்பதாக மன்னர் யதுவீர் குறிப்பிட்டுள்ளார். அவரிடம் 4 கிலோ தங்கம், 20 கிலோ வெள்ளி பொருட்கள் உள்ளதாம்.

ஆனால் மன்னராக இருந்தாலும் தனக்கு சொந்தமாக வீடு, விவசாய நிலம், கார், வணிக கட்டிடங்கள் இல்லை என்று குறிப்பிட்டுள்ளார். சொந்தமாக வங்கிகளில் கடன் பெறவில்லை என்றும், வருமானவரி பாக்கி இல்லை எனவும், தன் மீது எந்தவொரு வழக்கும் நிலுவையில் இல்லை என்றும் மன்னர் யதுவீர் தெரிவித்துள்ளார். அவரது மனைவி திரிஷிகா குமாரி பெயரில் ரூ.1 கோடியே 4 லட்சத்து 25 ஆயிரம் மதிப்பில் அசையும் சொத்துகள் உள்ளன.

English summary

King Yaduveer is contesting from Mysuru-Gutaku constituency in Karnataka on behalf of BJP. Don't think that because the king of Mysore will have thousands of crores of property. He mentioned that his total property value is Rs.4.99 crore. Similarly, he does not even have his own house.