தமிழகத்தில் 2 லட்சத்தை தாண்டிய பாதிப்பு.. இன்று மட்டும் 6,988 பேருக்கு கொரோனா

சென்னை: தமிழகத்தில் 3ஆவது நாளாக இன்று கொரோனா பாதிப்பு 6 ஆயிரத்தை தாண்டியது. அதாவது 6,988 பேருக்கு கொரோனா பாதிப்பு ஏற்பட்டது.

தமிழகத்தில் நாளுக்கு நாள் கொரோனா பாதிப்பு அதிகரித்த வண்ணம் உள்ளது. இந்த நிலையில் இன்றைய தினம் கொரோனா பாதிப்பு குறித்த செய்திக் குறிப்பை சுகாதாரத் துறை வெளியிட்டது.

இதில் இன்றைய தினம் மேலும் 6,988 பேருக்கு கொரோனா பாதிப்பு ஏற்பட்டுள்ளது. இதனால் மொத்த பாதிப்பு எண்ணிக்கை 2,06,737 ஆக உயர்ந்துள்ளது.

கொரோனா பாதிப்பு

கடந்த வியாழக்கிழமை முதல் தமிழகத்தில் கொரோனா பாதிப்பு 6000-த்தை தாண்டியது. நேற்று 6,785 பேருக்கு கொரோனா பாதிப்பு ஏற்பட்டது. தற்போது 3-ஆவது நாளாக தொடர்ந்து 6 ஆயிரத்தை தாண்டியது. இது என்னதான் கவலையளிக்கும் செய்தி என்றாலும் தினமும் கொரோனா பரிசோதனைகள் அதிகரிப்பது வரவேற்கத்தக்கது.

சளி மாதிரிகள்

இன்றைய நிலவரபடி தமிழகத்தில் மொத்தம் 6,926 பேருக்கு கொரோனா பாதிப்பு ஏற்பட்டது. சர்வதேச விமானம், உள்நாட்டு விமானம், ரயில் மற்றும் சாலை மார்க்கமாக வந்த 62 பேருக்கு கொரோனா பாதிப்பு ஏற்பட்டது. இன்று 64, 315 பேரின் சளி மாதிரிகள் எடுக்கப்பட்டு கொரோனா பரிசோதனை செய்யப்பட்டது.

சேம்பிள்கள்

அது போல் இதுவரை 22,87,334 பேருக்கு சளி மாதிரி எடுத்து கொரோனா சோதனை மேற்கொள்ளப்பட்டது. இன்று மட்டும் 61,729 பேருக்கு கொரோனா சோதனை நடத்தப்பட்டது. இதுவரை 22,00, 433 பேருக்கு கொரோனா சோதனை நடத்தப்பட்டுள்ளது. இன்று வெளியான கொரோனா முடிவுகளில் 4,164 ஆண்களுக்கும் 2,824 பெண்களுக்கும் கொரோனா பாதிப்பு ஏற்பட்டுள்ளது.

89 பேர் பலி

தமிழகத்தில் 115 பரிசோதனை மையங்கள் அமைக்கப்பட்டுள்ளன. இன்று மட்டும் 7,758 பேர் கொரோனாவிலிருந்து மீண்டு டிஸ்சார்ஜ் செய்யப்பட்டுள்ளனர். அது போல் இதுவரை 1,51,055 பேர் கொரோனாவால் குணமாகி வீடு திரும்பியுள்ளனர். இன்று மட்டும் 89 பேர் கொரோனாவுக்கு பலியாகியுள்ளனர். இதுவரை 3,409 பேர் பலியாகிவிட்டனர்.

சென்னையில் பாதிப்பு எவ்வளவு

சென்னையில் இன்று கொரோனாவால் பாதிக்கப்பட்டோரின் எண்ணிக்கையான 1,329-வுடன் சேர்த்து இதுவரை பாதிக்கப்பட்டோரின் மொத்த எண்ணிக்கை 93,537 ஆக உயர்ந்துள்ளது. இன்று மட்டும் சென்னையிலிருந்து 1131 பேர் குணமாகி வீடு திரும்பியுள்ளனர். இன்று மட்டும் சென்னையில் கொரோனாவுக்கு 20 பேர் பலியாகிவிட்டனர்.

English summary

6,988 were affected for Corona virus cases today. total cases mounts to 2,06,737.