ஆம்பன் புயலின் தாக்கம்.. இரவு முழுக்க விடாமல் பெய்த மழை.. சென்னை முழுக்க வெளுத்து வாங்கியது!

Updated: Tuesday, May 19, 2020, 10:12 [IST]

Subscribe to Oneindia Tamil

சென்னை: ஆம்பன் புயல் காரணமாக இரவு முழுக்க சென்னை மற்றும் சுற்றுவட்டாரத்தில் விடாமல் மழை பெய்தது.

தமிழகத்தை தாக்காது

ஆனால் இந்த புயல் தமிழகத்தை தாக்காமல் விலகி சென்றுள்ளது. ஒடிஷாவின் பாரதீப் துறைமுகத்தில் இருந்து 750 கி.மீ. தொலைவில் இந்த புயல் இருக்கிறது. அதேபோல் மேற்கு வங்கத்தில் இருந்து இந்த புயல் 650 கிமீ தூரத்தில் இருக்கிறது. வங்கத்தின் டிகா- வங்கதேசத்தின் ஹாதியா தீவுகளுக்கு இடையே இந்த புயல் கரையை கடக்கிறது.இந்த புயல் மே 20-ந் தேதி கரையை கடக்கும்.

சாரல் மழை பெய்தது

இந்த புயல் காரணமாக தமிழகத்தில் நேற்று பல மாவட்டங்களில் சாரல் மழை பெய்தது. மேற்கு தொடர்ச்சி மழைக்கு அருகே இருக்கும் மாவட்டங்களில் சாரல் மழை பெய்தது. கோவை, தருமபுரி, சேலம், நாமக்கல், ஈரோடு, திருப்பூர் ஆகிய மாவட்டங்களில் சாரல் மழை பெய்தது. கொங்கு மாவட்டங்களில் கடந்த இரண்டு நாட்களாக மழை பெய்து வருகிறது. அது தொடர்ச்சியாக இரவும் பெய்தது.

சென்னை மழை

இரவு முழுக்க சென்னை மற்றும் சுற்றுவட்டாரத்தில் விடாமல் மழை பெய்தது. சென்னை, காஞ்சிபுரம், செங்கல்பட்டு, திருவள்ளூர் ஆகிய மாவட்டங்களில் மழை விடாமல் பெய்தது. ஈக்காட்டுத்தாங்கல், ராமாபுரம், கே.கே நகர், போரூர், பம்மல், வேளச்சேரி பகுதிகளில் சாரல் மழை பெய்தது. நந்தம்பாக்கம், ஆவடி, மணலி, மடிப்பாக்கம், கனமழை பெய்தது. பூந்தமல்லி, அம்பத்தூர் உள்ளிட்ட பகுதிகளிலும் சாரல் மழை பெய்து வருகிறது.

திடீர் வானிலை

சென்னையில் கடந்த சில நாட்களாக கடுமையான வெப்பநிலை நிலவி வந்தது. அக்கினி நட்சத்திரம் என்பதால் தினமும் 40-42 டிகிரி செல்ஸியஸ் வெப்பநிலை நிலவி வந்தது. ஆனால் தற்போது வெப்பநிலையை தணிக்கும் வகையில் சென்னையில் மழை பெய்துள்ளது. இதனால் சென்னையில் கடுமையான கோடையால் பாதிக்கப்பட்ட மக்கள் கொஞ்சம் புத்துணர்ச்சி அடைந்து உள்ளனர்.