Vidaamuyarchi: படம் பார்த்துவிட்டு வெளியே வந்த அனிருத்தை திடீரென மடக்கிய போலீஸார்! நடந்தது என்ன?

Updated: Friday, February 7, 2025, 9:11 [IST]

Subscribe to Oneindia Tamil

சென்னை: விடாமுயற்சி படம் பார்க்கச் சென்ற இசையமைப்பாளர் அனிருத்துக்கு போலீஸார் ரூ 1000 அபராதம் விதித்த சம்பவம் பெரும் பரபரப்பை ஏற்படுத்தியுள்ளது. இதுகுறித்த வீடியோ சோசியல் மீடியாவில் பரவி வருகிறது.

நடிகர் அஜித்குமார், திரிஷா நடிப்பில் உருவான படம் விடாமுயற்சி. இந்த படம் நேற்றைய தினம் வெளியானது. முதல் நாளே அஜித் படத்தை பார்க்க அவருடைய ரசிகர்கள் தியேட்டர்களுக்கு படையெடுத்தனர்.

ஒவ்வொரு இடத்திலும் அஜித்தின் கட் அவுட்டுக்கு அபிஷேகம் நடத்தப்பட்டது. ஒரு சில தியேட்டர்களில் அஜித்திற்கு பீர் அபிஷேகம் கூட செய்திருந்தனர். அஜித்தின் படம் ரிலீஸானதால் தியேட்டர் இருந்த இடங்களில் எல்லாம் கூட்டம் அலைமோதியது.

துணிவு படம் வெளியாகி 2 ஆண்டுகள் கழித்து அஜித்தின் விடாமுயற்சி திரைப்படம் வெளியாகி இருப்பதால் அதன் மீது பெரும் எதிர்பார்ப்பு உள்ளது. அஜித் ரசிகர்கள் நீண்ட காத்திருப்புக்கு பிறகு அவரை திரையில் பார்க்க ஆவலுடன் இருந்தனர்.

இந்த நிலையில் அஜித்தின் குழு கடந்த மாதம் துபாயில் நடந்த கார் ரேஸில் 3ஆம் இடத்தை பிடித்து தமிழகத்திற்கு பெருமை சேர்த்ததால் விடாமுயற்சியின் மீதான எதிர்பார்ப்பு அதிகரித்தது. அடுத்ததாக குட் பேட் அக்லி படம் ரிலீஸானது.

இசையமைப்பாளர் அனிருத் சென்னை குரோம்பேட்டையில் உள்ள வெற்றி தியேட்டரில் விடாமுயற்சி படம் பார்க்க நேற்று வந்திருந்தார். இதையடுத்து படத்தை பார்த்துவிட்டு வெளியே வந்த அவருக்கு ஒரு அதிர்ச்சி காத்திருந்தது.

படம் பார்த்துவிட்டு ரசிகர்களுடன் வெளியே வந்த அனிருத்தை போலீஸார் தடுத்து நிறுத்தினர். அதாவது படத்தை பார்க்க வேண்டிய ஆவலில் நோ பார்க்கிங்கில் அனிருத் காரை நிறுத்திவிட்டு சென்றுவிட்டார். இதனால் ரூ 1000 அபராதம் செலுத்த வேண்டும் என போக்குவரத்து போலீஸார் கேட்டுக் கொண்டனர்.

இதனால் ஷாக்கான அனிருத் அபராதத்தை கட்டிவிட்டு அங்கிருந்து புறப்பட்டு சென்றார். அனிருத்தை போல பலரும் நோ பார்க்கிங்கில் இரு சக்கர வாகனம், கார் உள்ளிட்டவைகளை நிறுத்திவிட்டு அபராதம் செலுத்தினர்.

அது போல் சில தியேட்டர்களில் பார்க்கிங் ஃபுல்லானதால் சாலைகளிலேயே வாகனத்தை நிறுத்தி போக்குவரத்திற்கு இடையூறு செய்த ரசிகர்களுக்கும் அபராதம் விதிக்கப்பட்டது. அனிருத்திற்கு அபராதம் விதிக்கப்பட்ட சம்பவம் பெரும் பரபரப்பை ஏற்படுத்தியுள்ளது.