இவ்வளவு சீரியஸ் ஆகும்ன்னு நினைக்கல.. அமித் ஷாவை சந்திப்பதை தவிர.. விஜய்க்கு வேறு வழியில்லை? செக்!

Updated: Friday, January 2, 2026, 10:04 [IST]

Subscribe to Oneindia Tamil

சென்னை: கரூர் வழக்கில் சிபிஐ விசாரணை தீவிரம் அடைந்து வருகிறது. தவெக தரப்பு எதிர்பார்த்ததை விட.. இதில் சிபிஐ கடுமை காட்டி வருகிறது. சிபிஐ அதிகாரிகள் வழக்கில் கடுமையான போக்கை கடைப்பிடித்து வருகிறார்கள். இதன் மூலம் தவெக உடன் கூட்டணி அமைக்க பாஜக நெருக்கடி கொடுக்கும் என்று எதிர்பார்க்கப்படுகிறது.

ஜனவரி 4ஆம் தேதி மத்திய உள்துறை அமைச்சர் அமித்ஷா தமிழ்நாடு வர உள்ளார். அவரது வருகை, வரவிருக்கும் 2026 சட்டமன்றத் தேர்தல்களுக்கான கட்சிகளின் தேர்தல் பணிகளுக்கு இடையே முக்கியத்துவம் பெறுகிறது. இவரின் இந்தப் பயணம், மாநிலத்தில் அரசியல் கட்சிகள் 2026 சட்டமன்றத் தேர்தலுக்குத் தயாராகி வரும் நிலையில் முக்கியத்துவம் பெறுகிறது.

பாஜகவின் கூட்டணிக் கட்சியான அதிமுகவுடன் விரிவான பேச்சுவார்த்தை நடத்துவதும், அவர்களின் ஒத்துழைப்பை மறுஆய்வு செய்வதும் ஷாவின் முக்கிய நோக்கமாகும் என வட்டாரங்கள் தெரிவிக்கின்றன. அதிமுக உட்கட்சி மோதல்கள், எடப்பாடி பழனிசாமிக்கு இருக்கும் வருத்தங்கள் , எத்தனை இடங்கள் ஒதுக்குவது என்பது உள்ளிட்ட பல விஷயங்களை அமித் ஷா இதில் பேச வாய்ப்பு உள்ளதாக கூறப்படுகிறது. இதன் மூலம் கூட்டணி உறவை மேலும் வலுப்படுத்த அவர் திட்டமிட்டுள்ளார்.

விஜய் அமித் ஷா

அதேபோல், நடிகர் விஜய் தலைமையிலான தமிழக வெற்றிக் கழகத்தின் (TVK) பிரதிநிதிகளையும் அமித் ஷா சந்திப்பார் என எதிர்பார்க்கப்படுகிறது. இந்தக் கூட்டணி, தமிழகத்தில் பாஜகவின் நிலையை வலுப்படுத்தும் என பாஜக தலைமை நம்புகிறது. ஏனெனில், தமிழக அரசியலில் தேர்தல் கூட்டணிகள் வெற்றிக்கு முக்கியப் பங்கு வகிக்கின்றன.

விஜய் அல்லது அவரது முக்கியப் பிரதிநிதிகளுடனான அமித் ஷாவின் சந்திப்பு, சாத்தியமான ஒப்பந்தங்கள், இடப் பங்கீடு மற்றும் கொள்கை ஒருமைப்பாடு குறித்து கவனம் செலுத்தும் என எதிர்பார்க்கப்படுகிறது. ஒன்று அவர் விஜயை சந்திப்பார்.. அல்லது விஜயின் பிரதிநிதியாக வழக்கறிஞர் ஒருவரை சந்திப்பார் என்று கூறப்படுகிறது. இது அனைத்து தரப்பினருக்கும் நன்மை பயக்கும் வகையில் அமையலாம்.

மேலும், விஜய்யின் நெருங்கிய பிரதிநிதி ஒருவர் அமித் ஷாவைச் சந்தித்து பாஜகவின் திட்டங்களை முதலில் அறிந்துகொள்ள வாய்ப்புள்ளதாகவும் தகவல்கள் வெளியாகியுள்ளன. இந்த ஆரம்பகட்டப் பேச்சுவார்த்தையின் முன்னேற்றத்தைப் பொறுத்து, விஜய் நேரடியாக அமித் ஷாவை சந்திக்கவும் வாய்ப்புள்ளது என்று கூறப்படுகிறது. சிபிஐ விசாரணை பிரஷர் காரணமாக.. விஜய்க்கு அமித் ஷாவை சந்திப்பதை தவிர வேறு வழியில்லை என்று கூறப்படுகிறது.

விஜய்க்கு சம்மன்

கரூரில் நடந்த விஜயின் தவெக பேரணியின் போது ஏற்பட்ட கூட்ட நெரிசலில் 41 பேர் உயிரிழந்த சம்பவம் தொடர்பான விசாரணையில் சிபிஐ தீவிரமடைந்துள்ளது. இச்சம்பவம் கடந்த செப்டம்பர் 27 அன்று கரூர் மாவட்டத்தில் நடந்த நிலையில், டிசம்பர் 29 மற்றும் 30 தேதிகளில் டெல்லியில் முக்கிய தவெக தலைவர்களிடம் சிபிஐ வாக்குமூலங்களை பதிவு செய்துள்ளது.

கூட்ட நெரிசலுக்கான காரணங்கள், கூட்டத்தை நிர்வகிப்பதில் பொறுப்பு வகித்தவர்களின் பங்கு போன்ற விவரங்களை சிபிஐ விசாரித்து வருகிறது. இந்த வழக்கின் முடிவு தவெக கட்சிக்கு பெரும் தாக்கத்தை ஏற்படுத்தும். மேலும், 2026 ஆம் ஆண்டு ஏப்ரல் இறுதி அல்லது மே மாத தொடக்கத்தில் நடைபெறக்கூடிய மாநில சட்டமன்றத் தேர்தல் முடிவுகளையும் இது கணிசமாக பாதிக்க வாய்ப்புள்ளது.

சிபிஐ நடிகர் விஜய்யையும் சம்மன் செய்யலாம் என்று ஒரு கூறப்படுகிறது. அவ்வாறு நடந்தால், அது ஜனவரி மாதம் நிகழ வாய்ப்புள்ளது. அதாவது அடுத்த வாரம் விஜய்க்கு சம்மன் அனுப்பப்படலாம். முன்னதாக, சிபிஐ குழு விஜய்யின் கட்சி அலுவலகத்திற்குச் சென்று, சாலைப் பேரணியின்போது பயன்படுத்தப்பட்ட வாகனத்தில் இருந்த சிசிடிவி கேமரா காட்சிகளை சேகரித்தது. இதன் அடிப்படையில் விஜய்க்கு சம்மன் அனுப்பப்படலாம் என்று கூறப்படுகிறது.

டிசம்பர் 29 அன்று டெல்லியில் செய்தியாளர்களிடம் பேசிய நிர்மல் குமார், "நாங்கள் சிபிஐ-க்கு எங்கள் விளக்கத்தை அளித்துள்ளோம். மேலும் சில தகவல்களை அடுத்த நாள் வழங்குமாறு அவர்கள் கேட்டிருந்தனர். 41 பேர் உயிரிழந்ததற்கு யார் காரணம் என்பதை உலகமே அறியும் என்பதால், நாங்கள் அவர்களுக்கு ஒத்துழைக்க வந்துள்ளோம். கரூர் கூட்ட நெரிசலுக்கு யார் காரணம், எதனால் ஏற்பட்டது என்பதை கரூர் மக்களுக்கு நன்றாகத் தெரியும்" என்று கூறினார்.

இந்த விசாரணைக்கு முன்பாக, கடந்த நவம்பர் 24 அன்று, சிபிஐ புஸ்ஸி ஆனந்த் மற்றும் ஆதவ் அர்ஜுனா உள்ளிட்ட தவெக தலைவர்களிடம் 10 மணி நேரம் விசாரணை நடத்தியது. நீண்ட நேர விசாரணைக்குப் பிறகும் கைதுகள் நடைபெறவில்லை என்றாலும், தற்போதைய விசாரணையில் கைதுகள் நிகழக்கூடும் என்று ஒரு தகவல் வட்டாரம் தெரிவித்தது. சிபிஐ-யின் இந்த விசாரணையானது உச்ச நீதிமன்றத்தின் மேற்பார்வையில் நடைபெறுகிறது.

விரைவில்

நிர்மல் குமார் கூறுகையில், தானும் தன் கட்சியும் "உண்மையான குற்றவாளிகள்" அடையாளம் காணப்பட்டு தண்டிக்கப்பட வேண்டும் என்று விரும்புவதாக வலியுறுத்தினார். சமீப கால அரசியல் சாலைப் பேரணிகளில் நடந்த மோசமான துயரம் இது என்றாலும், விஜய் உட்பட தவெக வைச் சேர்ந்த யாரும் அதன் தார்மீகப் பொறுப்பை ஏற்கவில்லை என்று அரசியல் விமர்சகர்கள் தெரிவித்தனர்.