சென்னை மெட்ரோ ரயிலில் பயணிக்க போறீங்களா! இதை கண்டிப்பா தெரிஞ்சுக்கோங்க.. பயணிகளுக்கு சூப்பர் அப்டேட்
சென்னை: மெட்ரோ ரயிலில் பயணிக்கும் பயணிகள் என்ணிக்கை தொடர்ந்து அதிகரித்து வரும் நிலையில், பயணிகளின் தேவையை கருத்தில் கொண்டு சென்னை மெட்ரோ ரயில் நிர்வாகம் அறிவிப்பு ஒன்றை வெளியிட்டு இருக்கிறது. இது குறித்த விவரங்களை பார்க்கலாம்.
சென்னையில் போக்குவரத்து நெரிசல் தொடர்ந்து அதிகரித்துக் கொண்டே வருகிறது. பீக் நேரங்களில் சென்னை சாலைகளில் பயணிப்பது என்றாலே போதும் போதும் என்றாகிவிடும். சென்னை மாநகரின் போக்குவரத்து நெரிசலை குறைக்க மெட்ரோ ரயில் திட்டம் கொண்டுவரப்பட்டது. முதல்கட்ட மெட்ரோ ரயில் கடந்த 2016ம் ஆண்டு முதல் படிப்படியாக அமலுக்கு வந்தது.
தற்போது சென்னை சென்ட்ரல் முதல் பரங்கி மலை வரை மற்றும் விம்கோ நகர் முதல் விமான நிலையம் வரை மெட்ரோ ரயில்கள் இயக்கபட்டு வருகிறது. சுரங்கப்பாதை மற்றும் உயர்மட்ட பாதை இரண்டு பாதைகளிலும், இயக்கப்படுகிறது. சென்னை அண்ணா சாலையில் சுரங்கப்பாதை வழியிலும், வடபழனி, கோயம்பேடு பாதையில் உயர்மட்ட பாதையிலும் ரயில்கள் இயக்கப்படுகிறது.
பயணிகள் கோரிக்கை: இவை இல்லாமல் சென்னை பூந்தமல்லி டு கலங்கரை விளக்கம், மாதவரம் டூ சிறுசேரி, மாதவரம் பால் பண்ணை முதல் சோழிங்கநல்லூர் வரை மூன்று வழித்தடங்களில பணிகள் வேகமாக நடைபெற்று வருகிறது. மெட்ரோ ரயில்களில் சேவை தொடங்கப்பட்ட முதலில் பயணிகள் எண்ணிக்கை சற்று குறைவாக இருந்தது. ஆனால், இப்போது பயணிகள் கூட்டம் மெட்ரோ ரயில்களிலும் அலை மோதி வருகிறது.
சரியன நேரத்திற்கு சென்று விட முடியும் என்பதால் பயணிகள் பலரும் மெட்ரோ ரயிலில் பயணம் செய்ய விரும்புகின்றனர். பயணிகள் எண்ணிக்கை மெட்ரோ ரயில்களில் நாளுக்கு நாள் அதிகரித்துக் கொண்டே செல்வதால் மெட்ரோ ரயில்கள் எண்ணிக்கையை அதிகரிக்க வேண்டும் என்ற பயணிகள் கோரிக்கை விடுத்து வந்தனர்.
7 நிமிட இடைவெளியில்: இந்த நிலையில், தான் சென்னையில் வரும் திங்கள்கிழமை முதல் 7 நிமிட இடைவெளியில் மெட்ரோ ரயில் இயக்கப்படும் என மெட்ரோ ரயில் நிர்வாகம் அறிவித்துள்ளது. நெரிசல் மிகு நேரங்கள் இல்லாது மற்ற நேரங்களில் 7 நிமிட இடைவெளியில் மெட்ரோ ரயில் இயக்கப்படும் என்று மெட்ரோ ரயில் நிர்வாகம் தெரிவித்துள்ளது. 9 நிமிட இடைவெளியில் இயக்கப்பட்டு வந்த நிலையில் பயணிகளை எண்ணிக்கையை கருத்தில் கொண்டு இந்த மாற்றம் செய்யப்பட்டுள்ளது.
Click it and Unblock the Notifications
Sign in with Google