கட்சிக்காக உயிரை கொடுத்து வேலை செய்வேன்.. அமமுகவில் இணைந்த சினிமா டான்ஸ் மாஸ்டர் கலா உருக்கம்

சென்னை: தினகரனின் அமமுகவில் சினிமா டான்ஸ் மாஸ்டர் கலா இணைந்தார்.

நாடாளுமன்றம் மற்றும் 18 சட்டசபை இடைத்தேர்தல் வரும் ஏப்ரல் 18-ஆம் தேதி நடத்தப்படுகிறது. இதில் தினகரனின் அமமுக கட்சி பெரிய கட்சிகளுடன் கூட்டணி வைக்காமல் தனித்து போட்டியிடுகிறது.

நேற்று அவர் தேர்தல் அறிக்கையை வெளியிட்டார். ஆர் கே நகர் தேர்தலுக்கு பிறகு தினகரன் மீதான எதிர்பார்ப்பு அதிகரித்து வருகிறது.

வேறு பணி

இந்த நிலையில் பிரபல சினிமா நடன இயக்குநர் டிடிவி தினகரன் முன்னிலையில் அமமுகவில் இணைந்தார். இதுகுறித்து அவர் கூறுகையில் நான் கடந்த 6 மாதங்களாக வேறு ஒரு பணியில் இருந்தேன்.

துணிச்சல்

எனது நண்பர்களுடன் ஆலோசனை செய்த போது தினகரனின் நேர்மையான பேச்சு, துணிச்சலான செயல்பாடுகள் எதையும் நேரடியாகச் சொல்லும் குணம் ஆகியன என்னை கவர்ந்தன.

30 ஆண்டுகள்

கட்சியில் எனக்கு என்ன பணி கொடுத்தாலும் உயிரைக் கொடுத்து வேலை செய்வேன். 30 ஆண்டுகளாக சினிமா துறையில் இருக்கிறேன். எப்படி வேலை செய்வேன் என்பது அனைவரும் தெரியும் என்றார்.

ரஞ்சித்

கலா இணைவதற்கு முன்னர் நடிகர் ரஞ்சித், பாடகர் மனோ உள்ளிட்டோர் இணைந்துள்ளனர் என்பது குறிப்பிடத்தக்கது. இதனால் நாளுக்கு நாள் தினகரனின் செல்வாக்கு உயர்கிறது.

English summary

Dance Master Kala joins in AMMK in front of TTV Dinakaran.