ஆந்திரா ஜெகன் மோகன் ரெட்டியின் ‘வார்டு செயலகம்’ ஸ்டைல்- அதிரும் முதல்வர் ஸ்டாலின் செம்ம வியூகம்!
சென்னை: ஆந்திரா முதல்வர் ஜெகன் மோகன் ரெட்டியின் வார்டு செயலகம் ஸ்டைலில் திமுக வாக்கு சாவடி பொறுப்பாளர்களை களமிறக்கி முதல்வர் மு.க.ஸ்டாலின் அதிரடியாக உத்தரவிட்டுள்ளார்.
ஆந்திரா முதல்வர் ஜெகன் மோகன் ரெட்டி, மக்களுக்கு தேவையான அனைத்து அடிப்படை வசதிகளை செய்து தருவதற்காக வார்டு செயலகம் என்ற திட்டத்தை செயல்படுத்தி வருகிறார். இது பெரும் வரவேற்பைப் பெற்றுள்ளது.
வார்டு செயலகம்: ஆந்திராவில் வார்டு செயலகத்துடன் இணைந்த வார்டு செயலகப் பொறுப்பாளர்களுகு 10 வீடுகள், 50 வீடுகள் ஒதுக்கப்பட்டுள்ளன. ஒவ்வொரு வீட்டுக்கும் தேவையான அரசு சார் உதவிகள், சான்றிதழ்கள், திட்ட உதவிகள் அனைத்தையும் கவனித்து உடனுக்குடன் செயல்படுத்த வேண்டும் என்பதுதான் வார்டு செயலகத்தின் நோக்கம்.
ஜெகனுக்கு ஆதாயம்: ஆந்திரா முதல்வர் ஜெகன் மோகனின் இந்த வார்டு செயலகம் திட்டம் பெரும் வரவேற்பைப் பெற்றுள்ளது. மக்களுடன் இணைந்து மக்களின் தேவைகளை ஆளும் அர்சாங்கம் பூர்த்தி செய்வதால் தேர்தல் பிரசார பணி எளிதாகும் என்பது ஜெகன் மோகன் ரெட்டியின் வியூகம்.
வாக்கு சாவடி பொறுப்பாளர்கள்: இதே அஸ்திரத்தை தமிழ்நாடு முதல்வரும் திமுக தலைவருமான மு.க.ஸ்டாலின் கையில் எடுத்துள்ளார். காங்கேயம் அருகே இன்று மேற்கு மண்டல திமுக வாக்கு சாவடி முகவர்கள்/ பொறுப்பாளர்களின் ஆலோசனைக் கூட்டம் நடைபெற்றது. நீலகிரி, கோவை, திருப்பூர், ஈரோடு, சேலம், நாமக்கல் மாவட்ட வாக்கு சாவடி பொறுப்பாளர்கள் இதில் பங்கேற்றனர்.
அண்ணா மீது சத்தியம்: இதில் பேசிய முதல்வர் ஸ்டாலின், ஒவ்வொரு வாக்கு சாவடி பொறுப்பாளரும் தங்களது வாக்கு சாவடிக்குட்பட்ட வீடுகளுக்கு நேரடியாக செல்ல வேண்டும்; பொதுமக்களுக்கு தேவையான பட்டா மாறுதல், சான்றிதழ்கள் அனைத்தையும் உடனுக்குடன் பெற்றுத் தர வேண்டும். மக்களிடம் இருந்து இப்படி கோரிக்கைகளுடன் வரும் வாக்கு சாவடி பொறுப்பாளர்கள் மனுக்கள் மீது உடனக்குடன் நடவடிக்கை எடுத்தாக வேண்டும். அப்படி செய்ய மறுக்கிற அமைச்சர்கள், மாவட்ட செயலாளர்கள் மீது என்னிடம் நேரடியாக புகார் தெரிவிக்கலாம். வாக்கு சாவடி பொறுப்பாளர்களே! உங்களது கோரிக்கை சத்தியமாக நிறைவேறும்; அண்ணாவின் மீது சத்தியமாக நிறைவேறும் என திட்டவட்டமாக தெரிவித்திருந்தார்.
தேர்தலில் தாக்கம்: ஆந்திரா முதல்வர் ஜெகன் மோகனின் வார்டு செயலகம் மாடலை தமிழ்நாட்டில் திமுகவின் வாக்கு சாவடி பொறுப்பாளர்கள் மூலம் செயல்படுத்துவது என்கிற முதல்வர் ஸ்டாலினின் வியூகம், தேர்தல் களத்தில் பெரும் தாக்கத்தை ஏற்படுத்தும் என்கின்றனர் அரசியல் பார்வையாளர்கள்.
Click it and Unblock the Notifications
Sign in with Google