இன்று மாலை வானத்தில் ஒரு அதிசயம் நடக்கப்போகுது.. 6 கோள்கள் ஒரே நேர்கோட்டில்.. எப்படி பார்ப்பது?
சென்னை: இன்று வானில் ஒரு அதிசயமான நிகழ்வு அரங்கேறுகிறது. ஒன்று, இரண்டு இல்லை.. 6 கோள்கள் இன்று ஒரே நேர்கோட்டில் தென்படும். புதன், வெள்ளி, சனி, வியாழன், யுரேனஸ் மற்றும் நெப்டியூன் ஆகிய 6 கோள்கள் ஒரே நேர்கோட்டில் வருகிறது. இதில் சில கோள்களை நாம் வெறும் கண்களால் பார்க்க முடியும்.
நமது சூரிய குடும்பத்தில் பூமி உள்பட அனைத்து கோள்களும் வெவ்வேறு சுற்றுவட்டப் பாதைகளில், வெவ்வேறு சுற்றுப்பாதை வேகத்துடன் சூரியனைச் சுற்றி வருகின்றன. இவ்வாறு சுற்றி வரும் கோள்களை நாம் பூமியில் இருந்து சில சமயங்களில் ஒரே நேர்கோட்டில் காணக்கூடிய வாய்ப்பு மிகவும் அரிதாக அமைகிறது.
ஒரே நேர்கோட்டில் 6 கோள்கள்
நமது சூரிய மண்டலத்தில் உள்ள கோள்கள் சூரியனைச் சுற்றி வரும்போது, அவை எப்போதாவது விண்வெளியில் வரிசையாக நிற்கின்றன என்று நாசா தெரிவித்துள்ளது. கோள்களின் சீரமைப்பு (Planetary parade) நிகழும்போது, கோள்கள் எப்போதும் ஒரு கோடு அல்லது ஒரு வளைவில் தோன்றும் என்று நாசா மேலும் கூறுகிறது. ஏனெனில் அவை பூமியிலிருந்து பார்க்கப்படும் விதம் இதற்குக் காரணம்.
பொதுவாக 3 அல்லது 4 கோள்களை ஒரே நேர்கோட்டில் காணக்கூடிய வாய்ப்பு ஏற்படும். ஆனால், 6 கோள்கள் ஒரே நேர்கோட்டில் அணிவகுத்து வரும் அபூர்வ நிகழ்வானது இன்று அரங்கேறுகிறது. அதாவது, வெள்ளி, வியாழன், சனி, செவ்வாய், நெப்டியூன் மற்றும் யுரேனஸ் ஆகிய கோள்கள் ஒரே நேர்கோட்டில் தென்படும்.
இதில் வெள்ளி, வியாழன், சனி மற்றும் செவ்வாய் கோள்களை வெறும் கண்களாலும், நெப்டியூன் மற்றும் யுரேனஸ் கோள்களை மிகவும் சக்திவாய்ந்த தொலைநோக்கிகளாலும் காண முடியும். இவற்றை காண்பதற்காக அறிவியல் அமைப்புகள் சார்பில் நாடு முழுவதும் சிறப்பு ஏற்பாடுகளை செய்துள்ளன.
எப்போது பார்க்கலாம்?
பிப்ரவரி 28 சனிக்கிழமை மற்றும் மார்ச் 1 ஞாயிற்றுக்கிழமை சூரிய அஸ்தமனத்திற்குப் பிறகு, தெளிவான வானம் இருக்கும்போது, புதன், வெள்ளி, வியாழன் மற்றும் சனி ஆகிய கோள்கள் நேர்கோட்டில் இருப்பது உலகெங்கிலும் உள்ள மக்களுக்கு நிர்வாணக் கண்ணுக்குத் தெரியும். யுரேனஸ் மற்றும் நெப்டியூன் ஆகிய கோள்களை தொலைநோக்கிகள் மூலம் மட்டுமே காண முடியும்.
இதைப் பார்ப்பதற்கு சிறந்த நேரம் சூரிய அஸ்தமனத்திற்குப் பிறகு 30 முதல் 45 நிமிடங்கள், தோராயமாக இந்திய நேரப்படி மாலை 6:15 மணி முதல் இரவு 8 மணி வரை. இருப்பினும், இந்தியா முழுவதும் சூரிய அஸ்தமனம் சற்று மாறுபடும் என்பதால், இதை பார்ப்பதற்கான சிறந்த நேரம் உங்கள் இருப்பிடத்தைப் பொறுத்தது.
எந்தெந்த நகரங்களில்
டெல்லி, மும்பை, கொல்கத்தா, பெங்களூர் மற்றும் சென்னை போன்ற மெட்ரோ நகரங்களிலும், நாட்டின் பெரும்பாலான பகுதிகளில் இருந்தும், பிரகாசமான கிரகங்களை ஒரே நேர்கோட்டில் இன்று காண முடியும்.
லடாக்கில் உள்ள சில இடங்கள், ராஜஸ்தான், மத்திய பிரதேசத்தின் கிராமப்புறப் பகுதிகள், தமிழ்நாட்டின் கடலோரப் பகுதிகள் அல்லது சென்னைக்கு அருகிலுள்ள ஜவ்வாது மலை போன்ற முக்கிய நகரங்களுக்கு அருகிலுள்ள மலைகள் சிறந்த பார்வை இடங்களாக அமைகின்றன.
இது கண்ணுக்கு விருந்தாக அமையும் என்பது வானியல் ஆர்வலர்களின் எதிர்பார்ப்பாக இருக்கிறது. சூரியன் முழுமையாக மறைவதற்கு முன்பு அதை ஒருபோதும் பார்க்க வேண்டாம், ஏனெனில் அது கண்களைப் பாதிக்கலாம் என்றும் எச்சரிக்கப்பட்டுள்ளது.
Click it and Unblock the Notifications
Sign in with Google