ஐயோ! ஐஸ் பெட்டியில் மாரிமுத்துவுக்கு பதிலாக ஆதி குணசேகரன் படுத்திருக்கக் கூடாதா.. ரசிகர்கள் கண்ணீர்

சென்னை: ஐய்யோ இந்த ஐஸ் பெட்டியில் படுத்திருப்பது மாரிமுத்துவாக இல்லாமல் ஆதி குணசேகரனாக இருக்கக் கூடாதா என ரசிகர்கள் கண்ணீர் மல்க தெரிவித்துள்ளார்கள்.

எதிர்நீச்சல் சீரியலில் ஆதி குணசேகரனாகவே வாழ்ந்தவர் மாரிமுத்து. ஒரு சின்ன கேரக்டர் கிடைத்தாலும் அதிலும் தனித்து நிற்பார் மாரிமுத்து . அந்த அளவுக்கு கிரியேட்டிவிட்டி! இதுதான் சினிமாவுக்கு தேவை.

சொல்லிக் கொடுப்பதை வாசிப்பதை விட கூடுதலாக சில வார்த்தைகளை போட்டு வசனங்கள் பேசுவது மிகவும் நன்றாக இருக்கும். அப்படியொன்றைத்தான் மாரிமுத்து செய்து வந்தார். இதற்காக அவருக்கு எதிர்நீச்சலில் முழு சுதந்திரத்தை இயக்குநர் திருச்செல்வம் அளித்திருந்தார்.

நன்றாக சினிமா, சீரியல் என பிஸியாக தனது 56 வயதிலும் ஓடிக் கொண்டிருந்தார். யார் கண்ணுபட்டதோ தெரியவில்லை. நேற்று காலை டப்பிங் பேசிக் கொண்டிருந்த நிலையில் அவருக்கு மாரடைப்பு ஏற்பட்டது. உடனே தனது காரை ஓட்டிக் கொண்டு மருத்துவமனைக்கு சென்றார். அப்போது அவர் அங்கு சிகிச்சை பலனின்றி இறந்துவிட்டார்.

இந்த நிலையில் அவரது உடல் நேற்று வளசரவாக்கம் இல்லத்தில் வைக்கப்பட்டிருந்தது. சிகப்பு, சாம்பல் நிற கோடுகளை கொண்ட சட்டையை அவர் அணிந்திருந்தார். பார்ப்பதற்கு தூங்குவது போல்தான் இருந்தார். அவருக்கு அஞ்சலி செலுத்திய நடிகர்கள், பிரபலங்கள், ரசிகர்கள், பொதுமக்கள் எல்லாம் இது பொய் செய்தியாக இருக்கக் கூடாது என நினைத்தார்களாம்.

இன்னும் சிலர் ஐஸ்பெட்டியில் படுத்திருப்பது மாரிமுத்துவாக இல்லாமல் ஆதி குணசேகரனாக இருந்திருக்கலாமே என்கிறார்கள். அதாவது எதிர்நீச்சல் சீரியலில் ஆதி குணசேகரன் இறந்துவிடுவது போல் காட்சிகள் இருந்திருக்கக் கூடாது. எதிர்நீச்சலில் அந்த கேரக்டர் இறந்துவிட்டால் ரசிகர்களுக்கு ஏமாற்றம் அளிக்கும்தான். ஆனாலும் மாரிமுத்து உயிருடன் இருந்து அடுத்தடுத்த படங்கள், சீரியலில் நடித்து ரசிகர்களை சந்தோஷப்படுத்தியிருப்பாரே என்பதுதான் அனைவரின் ஆதங்கமாக இருக்கிறது.

ஆதி குணசேகரன் கேரக்டர்தான் அந்த சீரியலுக்கே வலு சேர்த்திருந்தாலும் அவர் உயிருடன் இருக்கிறார், வேறு பிராஜெக்ட்டில் வந்து "மிரட்டுவார்" என்ற ஆறுதல் இருக்கும். ஆனால் இப்போது இனி இந்தாம்மா ஏய் என்ற குரலை நிஜத்தில் எப்போது கேட்பது என எதிர்நீச்சல் குடும்பமும் மாரிமுத்துவின் ரசிகர்களும் எதிர்பார்த்துள்ளார்கள்.

English summary

Fans feel that instead of Marimuthu in the ice box, could Aadi Gunasekar lying there?