அண்ணா சாலையில் உள்ள BSNL அலுவலகத்தில் தீ விபத்து! சென்னையில் 108 ஆம்புலன்ஸ் சேவை முடங்கியது!

சென்னை: சென்னை அண்ணா சாலையில் உள்ள BSNL அலுவலகத்தில் தீ விபத்து ஏற்பட்டுள்ளதால், 108 ஆம்புலன்ஸ் சேவை பாதிக்கப்பட்டிருக்கிறது. இதனால் 108 எண்ணுக்கு அழைப்பு மேற்கொள்வதில் சிக்கல் எழுந்திருக்கிறது.

சர்வர் அறை உள்ள கட்டிடத்தில் மின்சாரம் துண்டிக்கப்பட்டதால் அவசர அழைப்புகளை மேற்கொள்ள முடியவில்லை என தகவல்கள் வெளியாகியுள்ளன. தீயை அணைக்க 7 வாகனங்களில் விரைந்த தீயணைப்பு துறையினர் விரைந்துள்ளனர்.

108 ஆம்புலன்ஸ் சேவை

பொதுமக்கள் தங்கள் தொலைபேசியில் இருந்து, '108' என்கிற என்னை அழைக்கும் போது, அந்த அழைப்பு உடனடியாக அவசர கால கட்டுப்பாட்டு அறைக்கு கொண்டு சேர்க்கும் வேலையை பிஎஸ்என்எல் செய்கிறது. 108 என்பது கட்டணமில்லா அவசர எண். பிஎஸ்என்எல் நிறுவனம் இந்த எண்ணுக்கான தொலைத்தொடர்பு இணைப்புகளை அரசுடன் இணைந்து வழங்குகிறது. இந்த எண்ணை அழைக்கும் நபரின் செல்போனில் பேலன்ஸ் இல்லை என்றாலும் கூட, பிஎஸ்என்எல் நெட்வொர்க் வழியாக இந்த அழைப்பு 108 மையத்தை சென்றடையும்.

சென்னை தேனாம்பேட்டையில் உள்ள, 108 கட்டுப்பாட்டு மையத்திற்கு வரும் ஆயிரக்கணக்கான அழைப்புகளை கையாள, பிஎஸ்என்எல் அதிவேக தரைவழி இணைப்புகளை வழங்குகிறது.

BSNL ஏன் முக்கியம்?

108க்கு அழைப்பவர், ஜியோ, ஏர்டெல், வோடபோன் என எந்த நிறுவனத்தின் சிம் கார்டை வைத்திருந்தாலும், 108 நம்பருக்கு போன் செய்யும் போது அருகிலுள்ள பிஎஸ்என்எல் அல்லது அரசு அங்கீகரித்த டவர் மூலமாகத்தான் கட்டுப்பாட்டு அறையுடன் அந்த அழைப்பு இணைக்கப்படுகிறது. சென்னையில் மட்டும் சுமார் 70க்கும் மேற்பட்ட ஆம்புலன்சுகள் 108 நெட்வொர்க்கில் இயங்கி வருகின்றன. எனவேதான் அண்ணா சாலையில் உள்ள பிஎஸ்என்எல் அலுவலகத்தில் தீ விபத்து ஏற்பட்டதால் சென்னையில் 108 ஆம்புலன்ஸ் சேவை பாதிக்கப்பட்டிருக்கிறது.

BSNL நெட்வொர்க்கும் பாதிப்பு

அதேபோல பிஎஸ்என்எல் நிறுவனத்தின் இணைய சேவையும் இந்த தீ விபத்தால் பாதிக்கப்பட்டிருக்கின்றன. சென்னையில் பிஎஸ்என்எல் நெட்வொர்க்கை பயன்படுத்துபவர்கள் இதனால் கடுமையாக பாதிக்கப்பட்டிருக்கின்றனர்.

மற்ற தனியார் நிறுவனங்கள் எல்லாம் 5ஜி சேவைலைய கொடுத்து வரும் நிலையில், பிஎஸ்என்எல் மிகவும் தாமதமாகத்தான் 4ஜி சேவையை அமல்படுத்தியது. இந்த 4ஜி சேவையும் மற்ற தனியார் நிறுவனத்தின் சேவையை போல வேகமாக இல்லை என்றும் பலரும் புலம்பி வருகின்றனர். இப்படி இருக்கையில் திடீரென இந்த சேவை பாதிக்கப்பட்டிருப்பது பயனாளர்களிடையே அதிருப்தியை ஏற்படுத்தியிருக்கிறது.

English summary

A fire at the BSNL office on Anna Salai in Chennai has disrupted the 108 ambulance service. This has resulted in difficulties in making calls to the 108 emergency number.