தேசதுரோக வழக்கு: வைகோவுக்கு விதிக்கப்பட்ட 1 ஆண்டு சிறை தண்டனையை நிறுத்து வைத்தது ஹைகோர்ட்!

சென்னை: தேசதுரோக வழக்கில் மதிமுக பொதுச்செயலாளரும் ராஜ்யசபா எம்.பி.யுமான வைகோவுக்கு விதிக்கப்பட்ட 1 ஆண்டு சிறை தண்டனையை சென்னை உயர்நீதிமன்றம் நிறுத்தி வைத்துள்ளது.

2009-ம் ஆண்டு திமுக ஆட்சிக் காலத்தில் வைகோ மீது தேச துரோக வழக்கு தொடரப்பட்டது. இவ்வழக்கை விசாரித்த எம்.எல்.ஏ., எம்.பி.க்கள் மீதான வழக்குகளை விசாரிக்கும் சென்னை சிறப்பு நீதிமன்றம் அண்மையில் வைகோவுக்கு 1 ஆண்டு சிறை தண்டனை விதித்தது.

அப்போதே வைகோவின் தண்டனையை 1 மாதம் நிறுத்தி வைப்பதாகவும் நீதிபதி சாந்தி தீர்ப்பில் கூறியிருந்தார். இத்தீர்ப்பை எதிர்த்து சென்னை உயர்நீதிமன்றத்தில் வைகோ மேல்முறையீடு செய்தார்.

இம்மேல்முறையீட்டு மனுவை விசாரித்த சென்னை உயர்நீதிமன்றம், வைகோவுக்கு விதிக்கப்பட்ட தண்டனையை நிறுத்தி வைத்து உத்தரவு பிறப்பித்திருக்கிறது. இதனிடையே வரும் 25-ந் தேதி ராஜ்யசபா எம்.பி.யாக வைகோ பதவி ஏற்க இருப்பது குறிப்பிடத்தக்கது.

English summary

Madras high court suspended one year imprisonment ordered by trial court against MDMK General Secretaray and Rajyasabha MP Vaiko.