இந்து முன்னணி நிறுவனர் இராம. கோபாலன் காலமானார்!

சென்னை: சென்னையில் இருக்கும் தனியார் மருத்துவமனையில் சிகிச்சை பெற்று வந்த இந்து முன்னணி தலைவர் இராம கோபாலன் இன்று காலமானார். இதை மருத்துவமனை நிர்வாகம் தெரிவித்துள்ளது.

இந்து முன்னணி தலைவர் இராம கோபாலன் வயது 94. இவருக்கு கடந்த 26ஆம் தேதி மாலை திடீரென மூச்சுத்திணறல் ஏற்பட்டது. இதையடுத்து போரூரில் உள்ள ராமச்சந்திரா தனியார் மருத்துவமனையில் தீவிர சிகிச்சை பிரிவில் அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வந்தது. மேலும் அவருக்கு கொரோனா பரிசோதனை செய்யப்பட்டது.

இதையடுத்து அவருக்கு தீவிர சிகிச்சைப் பிரிவில் சிகிச்சை அளிக்கப்பட்டு வந்தது. ஆனாலும், சிகிச்சை பலனின்றி மரணம் அடைந்ததாக மருத்துவமனை தெரிவித்துள்ளது. கொரோனா தொற்றில் இருந்து மீண்டு வந்த பின்னர் ஏற்பட்ட உடல் நலக்குறைவால் காலமாகி இருப்பதாக தகவல் வெளியாகியுள்ளது.

கடந்த ஆகஸ்டு மாதமும் இராம கோபாலன் மூச்சுத்திணறல் காரணமாக இதே ஆஸ்பத்திரியில் அனுமதிக்கப்பட்டு சிகிச்சை பெற்று வீடு திரும்பி இருந்தார்.

English summary

Hindu Munnani Leader Ramagopalan died in Chennai