ரூ.1.1 லட்சம்.. உங்க வங்கி கணக்கை தேடி வரும்.. மத்திய அரசின் அசத்தலான திட்டம்.. மிஸ் பண்ணிடாதீங்க!

சென்னை: தபால் நிலையத்தில் வழங்கப்படும் POMIS மூலம் ஆண்டுக்கு ரூ.1.1 லட்சத்தை சம்பாதிக்க முடியும். இந்த திட்டம் மூலம் எப்படி சம்பாதிக்கலாம் என்பதை இங்கே பார்க்கலாம்.

செலவுகள் அதிகரித்து வரும் இன்றைய சூழ்நிலையில் நிதிகளை நிர்வகிப்பது சவாலானதாக இருக்கலாம், குறிப்பாக மாத சம்பளம் வாங்குபவர்களுக்கு இன்னும் கஷ்டம். சம்பளம் உயர்ந்தாலும்.. பணவீக்கம் காரணமாக பொருளாதார ரீதியாக வளர்வது கஷ்டமாக இருக்கும்.

2024 இல் பாதுகாப்பான மற்றும் நிலையான மாத வருமானத் திட்டத்தைத் தேடுகிறீர்களானால், தபால் அலுவலக மாதாந்திர வருமானத் திட்டத்தை (POMIS) பயன்படுத்திக்கொள்ளலாம். POMIS மூலம் ஆண்டுக்கு ரூ.1.1 லட்சத்தை எப்படி சம்பாதிக்கலாம் என்பதை இங்கே பார்க்கலாம்.

POMIS திட்டம்: தபால் அலுவலக மாதாந்திர வருமானத் திட்டம் அல்லது POMIS என்பது ஒரு மொத்த வைப்புத்தொகையிலிருந்து மாத வருமானத்தை வழங்கும் ஒரு சேமிப்புத் திட்டமாகும். நீங்கள் தபால் அலுவலக்கத்தில் இந்த திட்டத்தின் கீழ் சேமிக்கப்படும் பணத்திற்கு பெறப்பட்ட வட்டி மாதந்தோறும் உங்கள் தபால் அலுவலக சேமிப்புக் கணக்கிற்கு மாற்றப்படும்.

5 ஆண்டுகளுக்கு மட்டுமே நீங்கள் இந்த திட்டத்தின் கீழ் பணத்தை முதலீடு செய்து வைத்திருக்க முடியும். 5 ஆண்டுகளுக்குப் பிறகு அசல் தொகையைத் திரும்பப் பெறலாம் அல்லது புதிய கணக்கைத் திறப்பதன் மூலம் திட்டத்தைத் தொடரலாம்.

இரண்டு அல்லது மூன்று கணக்கு வைத்திருப்பவர்களுக்கு இடமளிக்கும் வகையில் தனிநபர் மற்றும் கூட்டுக் கணக்குகளையும் POMIS அனுமதிக்கிறது. தனிநபர் கணக்கில், 9 லட்சம் ரூபாய் வரையிலும், கூட்டுக் கணக்கில், 15 லட்சம் ரூபாய் வரையிலும் டெபாசிட் செய்யலாம். இதற்கான வட்டி மாதம் மாதம் உங்களுக்கு வழங்கப்படும்.

எப்படி கணக்கைத் திறப்பது: தகுதி - மேயர் வயது கொண்ட எல்லோரும் கணக்கு தொடங்க முடியும். மைனர்கள் (பெற்றோர் அல்லது சட்டப்பூர்வ பாதுகாவலர்களுடன்) உட்பட எந்தவொரு இந்திய குடிமகனும் POMIS கணக்கைத் திறக்கலாம்.

தேவைகள்: அஞ்சலகத்தில் சேமிப்புக் கணக்கு இருக்க வேண்டும், ஆதார் அட்டை மற்றும் அடையாளச் சான்றுக்கு பான் கார்டு ஆகியவை கட்டாயம்.

கணக்கு வகைகள்: தனிநபர் மற்றும் கூட்டு கணக்குகள் உள்ளன. தனிநபர் கணக்கில் ரூ.9 லட்சம் வரையிலும், கூட்டுக் கணக்கில் ரூ.15 லட்சம் வரையிலும் டெபாசிட் செய்யலாம்.

ஆண்டுக்கு ரூ. 1 லட்சம் பெறுவது எப்படி: தற்போதைய வட்டி விகிதம் 7.4 சதவீதம்.இதன் மூலம் ஆண்டுக்கு 1லட்சம் பெற முடியும்.

கூட்டுக் கணக்கு உதாரணம்: நீங்கள் ரூ.15 லட்சத்தை கூட்டாக டெபாசிட் செய்தால், ஒவ்வொரு மாதமும் ரூ.9,250 சம்பாதிப்பீர்கள், இதன் விளைவாக ஆண்டுக்கு ரூ.1,11,000 உத்தரவாத வருமானம் கிடைக்கும்.

தனிநபர் கணக்கு உதாரணம்: ஒரு தனிநபர் கணக்கில் அதிகபட்சமாக ரூ.9 லட்சத்தை டெபாசிட் செய்வதன் மூலம் மாதத்திற்கு ரூ.5,550, ஆண்டு வட்டியாக மொத்தம் ரூ.66,600 கிடைக்கும்.

முன்கூட்டியே மூடல்: ஓராண்டு நிறைவுக்கு முன் பணம் எடுப்பது அனுமதிக்கப்படாது.

விலக்குகள்: ஒரு வருடம் கழித்து ஆனால் மூன்று ஆண்டுகளுக்கு முன்பு மூடப்பட்டால், 2% விலக்கு பொருந்தும்; மூன்று ஆண்டுகளுக்குப் பிறகு ஆனால் ஐந்து ஆண்டுகளுக்கு முன்பு மூடப்பட்டால், 1% விலக்கு அளிக்கப்படும்.

மூடும் செயல்முறை: முன்கூட்டியே மூடுவதற்கு சம்பந்தப்பட்ட தபால் அலுவலகத்தில் பாஸ்புக்குடன் பரிந்துரைக்கப்பட்ட விண்ணப்பப் படிவத்தை சமர்ப்பிக்கவும்.

தபால் நிலையம் சேமிப்பு மூலம் மாதம் நிலையான வருமானத்தை இலக்காகக் கொண்டவர்களுக்கு POMIS பாதுகாப்பான விருப்பமாக உள்ளது.

English summary

How to earn Rs.1.1 lakhs in Post Office: What is the POMIS scheme?