செல்வமகள் சேமிப்பு திட்டத்தில் வந்த நல்ல செய்தி.. தரமான சம்பவம்.. அடுத்த 4 மாதம் ரொம்ப முக்கியம்!

சென்னை: பெண்களுக்கான செல்வமகள் சேமிப்புத் திட்டத்தில் வழங்கப்படும் வட்டி விகிதம் அடுத்த நான்கு மாதங்களுக்கு மாற்றப்படாது என்று அறிவிக்கப்பட்டுள்ளது. இதனால் ஜூன் மாதம் முதல் தொடங்கி உள்ள காலாண்டிலும் தற்போதுள்ள வட்டி விகிதமே தொடரும்.

செல்வமகள் சேமிப்புத் திட்டம் - வட்டி விகிதம்

தற்போது செல்வமகள் சேமிப்புத் திட்டத்தின் கீழ் 8.2% வட்டி வழங்கப்படுகிறது. இந்தத் திட்டத்தில் 21 ஆண்டுகள் வரை சேமிக்க முடியும். இந்த வட்டி விகிதம் இப்போதைக்குக் குறைக்கப்படாது என்று தெரிவிக்கப்பட்டுள்ளது.

செல்வமகள் சேமிப்புத் திட்டம் - ஒரு அறிமுகம்

பிரதமர் நரேந்திர மோடி, ஜனவரி 22, 2015 அன்று செல்வமகள் சேமிப்புத் திட்டத்தை அறிமுகப்படுத்தினார். இந்தத் திட்டம் பெண்களின் சேமிப்பை ஊக்குவிக்கும் நோக்கில் உருவாக்கப்பட்டது. குறிப்பாக, பெண்களின் உயர்கல்வி, திருமணம் மற்றும் மருத்துவச் செலவுகளுக்காக இந்தத் திட்டம் அறிமுகப்படுத்தப்பட்டது.

மத்திய மற்றும் மாநில அரசுகள் பல்வேறு சேமிப்புத் திட்டங்களை அறிமுகம் செய்துள்ளன. அவற்றில் ஒன்றுதான் செல்வமகள் சேமிப்புத் திட்டம். இது பெண்களின் எதிர்காலத்தை மனதில் வைத்து, குறைந்த சேமிப்பில் அதிக வருமானம் கிடைக்கும் வகையில் வடிவமைக்கப்பட்டுள்ளது. இந்தத் திட்டத்தில் வட்டி மூலம் அதிக லாபம் கிடைப்பதால், பல பெற்றோர்கள் தங்கள் பெண் குழந்தைகளின் பெயரில் முதலீடு செய்ய விரும்புகின்றனர். இதன் விளைவாக, இந்தத் திட்டத்தில் முதலீடு செய்பவர்களின் எண்ணிக்கை அதிகரித்து வருகிறது. செல்வமகள் சேமிப்புத் திட்டத்தின் மூலம் அதிகபட்சமாக ₹ 11,16,815 வரை சேமிக்க முடியும்.

செல்வமகள் சேமிப்புத் திட்டத்தில் எப்படி சேமிப்பது?

10 வயதுக்குக் குறைவான பெண் குழந்தைகளுக்கு, அவர்களின் பெற்றோர்கள் அல்லது பாதுகாவலர்கள் பெயரில் இந்தத் திட்டத்தைத் தொடங்கலாம். பெண் குழந்தை 10 வயதை அடைந்ததும், கணக்கு அவர்களின் பெயருக்கு மாற்றப்படும். இந்தத் திட்டத்தில் 15 ஆண்டுகள் வரை டெபாசிட் செய்ய முடியும். 21 ஆண்டுகளுக்குப் பிறகு டெபாசிட்டை திரும்பப் பெறலாம்.

இந்தத் திட்டத்தில் மாதந்தோறும் ₹ 1,000 முதல் முதலீடு செய்ய முடியும். அதிகபட்சமாக ₹ 1.5 லட்சம் வரை முதலீடு செய்யலாம். தற்போது இந்த சேமிப்புத் திட்டத்தில் 8% வட்டி வழங்கப்படுகிறது. உதாரணமாக, நீங்கள் மாதந்தோறும் ₹ 2,000 முதலீடு செய்தால், 21 ஆண்டுகள் கழித்து வட்டியுடன் சேர்த்து சுமார் ₹ 11.16 லட்சம் வரை பெற முடியும்.

இந்தத் திட்டத்தில் கணக்கைத் தொடங்க பெரிய தொகை தேவையில்லை. வெறும் ₹ 250 இருந்தாலே முதலீடு செய்யத் தொடங்கலாம். ஒரு நிதியாண்டில் அதிகபட்சமாக ₹ 1.5 லட்சம் வரை முதலீடு செய்யலாம். ஒருவேளை சில வருடங்கள் முதலீடு செய்ய முடியாவிட்டால், ₹ 50 அபராதம் செலுத்தி கணக்கை மீண்டும் செயல்படுத்தலாம்.

சுகன்யா சம்ரித்தி யோஜனாவின் கீழ், குறைந்தபட்சம் 15 வருடங்கள் முதலீடு செய்ய வேண்டும். அதன் பிறகு, கணக்கு 21 ஆண்டுகள் நிறைவடைந்ததும் முதிர்ச்சியடையும். 15 ஆண்டுகளுக்குப் பிறகு, பெற்றோர்கள் கூடுதல் முதலீடு செய்யத் தேவையில்லை. மீதமுள்ள 6 ஆண்டுகளுக்கு, கணக்கில் டெபாசிட் செய்யப்பட்ட தொகைக்கு வட்டி தொடர்ந்து வழங்கப்படும்.

செல்வமகள் சேமிப்புத் திட்டம் - முக்கிய தகவல்கள்

திட்டம் தொடங்கப்பட்ட பெண், இடையில் வெளிநாட்டிற்குச் சென்று குடியுரிமை பெற்றால், வட்டி நிறுத்தப்படும். 21 ஆண்டு வரை வெளிநாட்டில் வேலை பார்க்கலாம். ஆனால் குடியுரிமை பெற முடியாது. மேலும், செல்வமகள் சேமிப்புத் திட்டத்தின் கீழ் கணக்கு வைத்திருக்கும் பெண் இறந்துவிட்டால், வட்டி நிறுத்தப்பட்டு, கணக்கு மூடப்பட்டு, மீதமுள்ள தொகை பாதுகாவலருக்கு அல்லது பெற்றோருக்கு வழங்கப்படும்.

திட்டத்தின் பிற அம்சங்கள்

இந்தத் திட்டத்தில் குறைந்தபட்ச முதலீட்டுத் தொகை ₹ 1000 ஆகும். அருகில் உள்ள அஞ்சல் அலுவலகத்திலோ அல்லது வங்கியிலோ இந்தத் தொகையை செலுத்தி கணக்கைத் தொடங்கலாம். பெண்ணுக்கு திருமணம் ஆகும் வரை பணத்தை செலுத்தலாம். அதிகபட்சமாக மாதம் ₹ 1.5 லட்சம் வரை டெபாசிட் செய்யலாம். ஆகவே, செல்வமகள் சேமிப்புத் திட்டம் பெண் குழந்தைகளின் எதிர்காலத்திற்கு உதவும் ஒரு சிறந்த முதலீட்டுத் திட்டமாக விளங்குகிறது.

English summary

Interest will not change this quarter in the Sukhanya Samridhi Yojana aka Selvamagal Semippu Thittam