தமிழகத்தின் அடுத்த டிஜிபி யார்?.. டெல்லியில் ஆலோசனை.. ஸ்டாலினின் சாய்ஸ் யாராக இருக்கும்?

Updated: Monday, June 28, 2021, 19:19 [IST]

Subscribe to Oneindia Tamil

சென்னை: சென்னையில் அடுத்த டிஜிபி யார் என்பதை தேர்வு செய்வதற்கான கூட்டம் டெல்லியில் தொடங்கியுள்ளது. ஸ்டாலின் பொறுப்பேற்ற நாள் முதல் ஒவ்வொரு அதிகாரியையும் பார்த்து பார்த்து தேர்வு செய்து வரும் நிலையில் முக்கிய பதவியான டிஜிபி பதவிக்கு ஸ்டாலின் யாரை தேர்வு செய்வார் என்ற எதிர்பார்ப்பு எழுந்துள்ளது.

தமிழ்நாட்டின் சட்டம் ஒழுங்கு டிஜிபியாக உள்ளவர் ஜே கே திரிபாதி. இவரது பதவிக்காலம் வரும் 30-ஆம் தேதியுடன் முடிவடைகிறது. இதனால் அப்பதவிக்கு அடுத்தவரை தேர்வு செய்ய வேண்டிய கட்டாயத்தில் திமுக அரசு உள்ளது.

டிஜிபி

இவர்கள் அனைவரும் காவல் துறையில் 30 ஆண்டுகளுக்கு மேலாக பணிபுரிந்து வருகிறார்கள். இவர்கள் டிஜிபி, ஏடிஜிபி உள்ளிட்ட பதவிகளை வகித்தவர்கள். மேற்கண்ட பட்டியலில் 3 பேரை மத்திய உள்துறை அமைச்சகம் தேர்வு செய்து தமிழக அரசுக்கு அனுப்பி வைக்கும்.

தமிழக அரசு தேர்வு

அந்த 3 பேரில் இருந்து ஒருவரை தமிழக அரசு தேர்வு செய்யும். திமுக அரசு மே 7ஆம் தேதி பொறுப்பேற்ற நாள் முதல் ஒவ்வொரு அதிகாரியையும் பார்த்து பார்த்து தேர்வு செய்து வருகிறது. அந்த வகையில் தமிழ்நாட்டின் சட்டம் ஒழுங்கு டிஜிபியாக முதல்வர் ஸ்டாலின் யாரை தேர்வு செய்வார் என்ற எதிர்பார்ப்பு எழுந்துள்ளது.

ரயில்வே துறை டிஜிபி

சீனியாரிட்டி அடிப்படையில் ரயில்வே துறை டிஜிபியாக உள்ள சைலேந்திர பாபுவை ஸ்டாலின் தேர்வு செய்வார் என தெரிகிறது. 1987 ஆம் ஆண்டு ஐபிஎஸ் பேட்ச்சான இவருக்கு அடுத்த இடத்தில் கரன் சின்ஹா உள்ளார். இவருக்கு அடுத்த பணி மூப்பு அடிப்படையில் மூன்றாவது இடத்தில் சுனில் அரோரா உள்ளார். இவர் 1988 ஆம் ஆண்டு பேட்ச்சை சேர்ந்தவர். சிஆர்பிஎஃப்பின் சிறப்பு டிஜிபியாக உள்ளார்.

ஆலோசனை கூட்டம்

தமிழகத்தின் முக்கிய பிரிவான சட்டம் ஒழுங்கு டிஜிபியாக யாரை தேர்வு செய்வது என்பது குறித்து டெல்லியில் ஆலோசனை கூட்டம் தொடங்கியுள்ளது. இதற்கான அதிகாரப்பூர்வ அறிவிப்புகள் இன்று வெளியாகும் என தெரிகிறது. சீனியாரிட்டியில் முதலிடத்தில் உள்ள சைலேந்திர பாபுவே தமிழக டிஜிபியாக தேர்வு செய்யப்படுவார் என தகவல்கள தெரிவிக்கின்றன.