அதிமுக முன்னாள் அமைச்சர் எம்.ஆர்.விஜயபாஸ்கருக்கு சிக்கல்.. ரூ.100 கோடி நில அபகரிப்பு வழக்கில் சம்மன்

சென்னை: கரூரில் போலி ஆவணங்கள் மூலம் ரூ.100 கோடி மதிப்பிலான நிலத்தை அபகரித்த வழக்கில், அதிமுக முன்னாள் அமைச்சர் எம்.ஆர்.விஜயபாஸ்கர், அவரது சகோதரர் சேகர் உள்ளிட்ட 17 பேரும் மே 11 ஆம் தேதி சிபிசிஐடி விசாரணைக்கு ஆஜராகசம்மன் அனுப்ப கரூர் குற்றவியல் நீதிமன்றம் உத்தரவு பிறப்பித்துள்ளது.

கரூரில் போலி சான்றிதழ் கொடுத்து மோசடியாக பத்திரப் பதிவு செய்யப்பட்டதாக மேலக்கரூர் சார்பதிவாளர் கரூர் நகர காவல் நிலையத்தில் அளித்த புகாரில், யுவராஜ், பிரவீன், ரகு, சித்தார்த்தன், மாரப்பன், செல்வராஜ், ஷோபனா ஆகிய 7 பேர் மீது 8 பிரிவுகளின் கீழ் கடந்த 2024 ஆம் ஆண்டு வழக்குப் பதிவு செய்யப்பட்டது. பின்னர் இந்த வழக்கு சிபிசிஐடி விசாரணைக்கு மாற்றப்பட்டு அதிமுக முன்னாள் அமைச்சர் எம்.ஆர். விஜயபாஸ்கர் மற்றும் அவரது சகோதரர் சேகர் பெயர்கள் வழக்கில் சேர்க்கப்பட்டனர்.

அதே நாளில் நில உரிமையாளர் ஷோபனாவின் தந்தை பிரகாஷ் கரூர் நகர காவல் நிலையம் மற்றும் எஸ்.பி. அலுவலகத்தில் முன்னாள் அமைச்சர் எம்.ஆர்.விஜயபாஸ்கர், அவரது சகோதரர் சேகர், பிரவீண் உள்ளிட்ட 13 பேர் மீது புகார் அளித்தார். இந்த புகாரின் பேரில் 13 பேர் மீதும் 6 பிரிவுகளின் கீழ் வாங்கல் காவல் நிலையத்தில் வழக்குப் பதிவு செய்யப்பட்டது.

கரூரில் போலி ஆவணங்கள் மூலம் ரூ.100 கோடி மதிப்பிலான நிலத்தை அபகரித்த வழக்கில், அதிமுக முன்னாள் அமைச்சர் எம்.ஆர்.விஜயபாஸ்கர், அவரது சகோதரர் சேகர் உள்ளிட்ட 17 பேரும் வரும் மே 11 ஆம் தேதி சிபிசிஐடி விசாரணைக்கு ஆஜராக சம்மன் அனுப்ப கரூர் குற்றவியல் நீதிமன்றம் உத்தரவு பிறப்பித்துள்ளது.

இந்த வழக்கில், சிபிசிஐடி போலீசார் குற்றப்பத்திரிகை தாக்கல் செய்த நிலையில் அதிமுக முன்னாள் அமைச்சர் எம்.ஆர்.விஜயபாஸ்கர், அவரது சகோதரர் சேகர் உள்ளிட்ட 17 பேரும் வரும் மே 11 ஆம் தேதி சிபிசிஐடி விசாரணைக்கு ஆஜராகசம்மன் அனுப்ப கரூர் குற்றவியல் நீதிமன்றம் ஆணை பிறப்பித்துள்ளது.

English summary

In connection with a case involving the usurpation of land worth ₹100 crore in Karur using forged documents, the Karur Criminal Court has issued an order directing that summons be sent to 17 persons including former AIADMK Minister MR Vijayabaskar—requiring them to appear for a CBCID inquiry on May 11.