"ஒற்றைத் தலைமை"..ஜெயக்குமார் யாரு? இவர் என்ன அதிமுகவின் செய்தித் தொடர்பாளரா? வெளுத்த கோவை செல்வராஜ்

Updated: Thursday, June 16, 2022, 17:49 [IST]

Subscribe to Oneindia Tamil

சென்னை: ஒற்றைத் தலைமை குறித்து பேசுவதற்கு முன்னாள் அமைச்சர் ஜெயக்குமார் என்ன அதிமுகவின் செய்தித் தொடர்பாளரா என அந்த பதவியில் இருக்கும் கோவை செல்வராஜ் கேள்வி எழுப்பியுள்ளார்.

Recommended Video

#AIADMK ஒற்றைத்தலைமை விவகாரம்..என்ன நடக்கிறது? #EPS #OPS

அதிமுகவில் நடந்து முடிந்த மாவட்டச் செயலாளர்கள் கூட்டத்தில் ஒற்றை தலைமை குறித்து விவாதித்ததாக செய்தியாளர்கள் சந்திப்பில் முன்னாள் அமைச்சர் ஜெயக்குமார் போட்டு உடைத்துவிட்டார். இது நாளுக்கு நாள் பற்றி எரிகிறது.

மேலும் ஒற்றை தலைமை காலத்தின் கட்டாயம் என்றும் ஜெயக்குமார் தெரிவித்திருந்தார். இந்த பேட்டியை தொடர்ந்து ஓபிஎஸ் தரப்பினரும் ஈபிஎஸ் தரப்பினரும் மாறி மாறி போஸ்டர் ஒட்டி வருகிறார்கள். அந்த போஸ்டர்களை ஒருவருக்கு ஒருவர் கிழித்து வருகிறார்கள்.

ஓபிஎஸ் வீட்டில்

நேற்றைய தினமும் ஓபிஎஸ் வீட்டில் ஆலோசனை கூட்டம் நடைபெற்றது. தொண்டர்களும் இரு தலைவர்களின் வீடுகள் முன்பு குவிந்துள்ளார்கள். இந்த நிலையில் ஓபிஎஸ் தனது ட்விட்டர் பக்கத்தில் அதிமுக தொண்டர்கள் அனைவரையும் தயவு செய்து அமைதி காக்குமாறு அன்புடன் கேட்டுக் கொள்கிறேன் என பதிவிட்டிருந்தார்.

கோவை செல்வராஜ்

அதை தொடர்ந்து செய்தியாளர்களை சந்தித்து பேசிய அதிமுக செய்தித் தொடர்பாளர் கோவை செல்வராஜ், அதிமுகவில் ஒற்றைத் தலைமை என்ற பேச்சுக்கே இடமில்லை. ஜெயக்குமாரின் கருத்து கட்சியின் கருத்து அல்ல, அவர் என்ன அதிமுகவின் செய்தி தொடர்பாளரா, அவர் கூட்டத்தில் நடந்ததை பற்றி ஊடகங்களிடம் பேசியதே தவறு.

சுயநலம்

அவர் மீது நடவடிக்கை எடுக்குமாறு கோரிக்கை விடுத்துள்ளோம். ஜெயக்குமாரின் கருத்து அவருடைய சொந்த கருத்தாக இருக்கலாம். அதை அதிமுகவின் கருத்தாக எடுத்துக் கொள்ள முடியாது. ஒற்றைத் தலைமைக்கான ஆலோசனை எங்கும் நடைபெறவில்லை. ஒரு சிலர் சுயநல ஆசைக்காக கூறுகிறார்கள். தனிப்பட்ட முறையில் யாருடைய கை ஓங்குவதையும் தொண்டர்கள் விரும்பவில்லை.

ஓபிஎஸ் விட மாட்டார்

அதிமுக ஒருங்கிணைப்பாளர் - இணை ஒருங்கிணைப்பாளர் தலைமையில் சீராக கட்சி செயல்பட்டு வருகிறது. மேலும் ஒற்றைத் தலைமை என்பதை ஓபிஎஸ்ஸும் ஈபிஎஸ்ஸும் விரும்பவில்லை. ஆனால் அவரை சுற்றியுள்ள சில முன்னாள் அமைச்சர்கள் குட்டி ராஜாக்களை போல் இவ்வாறு செய்து வருகிறார்கள். கட்சியை அழிக்க யார் நினைத்தாலும் ஓபிஎஸ் விடமாட்டார் என்றார் கோவை செல்வராஜ்.