பிரபல பாடலாசிரியர் மகள் தூக்கிட்டு தற்கொலை.. திரையுலகினர், ரசிகர்கள் அதிர்ச்சி!

சென்னை : பிரபல திரைப்பட பாடலாசிரியர் கபிலனின் மகள் தூரிகை, வீட்டில் தூக்கிட்டு தற்கொலை செய்து கொண்ட சம்பவம் கடும் அதிர்ச்சியை ஏற்படுத்தியுள்ளது.

தற்கொலை செய்துகொண்ட தூரிகையின் உடல் சாலிகிராமம் தனியார் மருத்துவமனையில் வைக்கப்பட்டுள்ளது. இந்த தற்கொலைச் சம்பவம் தொடர்பாக சென்னை அரும்பாக்கம் போலீசார் விசாரணை நடத்தி வருகின்றனர்.

பாடலாசிரியர் கபிலனின் மகள் தற்கொலை செய்துகொண்ட சம்பவத்தைத் தொடர்ந்து திரையுலகினரும், ரசிகர்களும் அதிர்ச்சியையும், வேதனையையும் வெளிப்படுத்தி வருகின்றனர்.

பாடலாசிரியர் கபிலன்

கவிஞரும், பாடலாசிரியருமான கபிலன், 50க்கும் மேற்பட்ட திரைப்படங்களில் பாடல்கள் எழுதியிருக்கிறார். ரஜினிகாந்த், விஜய், அஜித் என பல முன்னணி நடிகர்களின் படங்களுக்கு பாடல்கள் எழுதி இருக்கிறார். தசாவதாரம் திரைப்படத்தில் நடிகர் கமல்ஹாசனுடன் நடித்தும் இருக்கிறார் கபிலன். கபிலன் சென்னை அரும்பாக்கம் எம்.எம்.டி.ஏ பகுதியில் தனது குடும்பத்தினருடன் வசித்து வந்தார். அவரது மகள் தூரிகை சற்றுமுன் அவரது வீட்டில் தூக்கிட்டு தற்கொலை செய்துகொண்டார்.

தூரிகை

கபிலனின் மகள் தூரிகை ஆடை வடிவமைப்பாளராகவும், எழுத்தாளராகவும் இருந்து வந்தார். இவர் 'Being Women Magazine' எனும் இதழையும், 'The Label Keera' எனும் ஆடை வடிவமைப்பகத்தையும் நடத்தி வந்தார். இந்நிலையில், அவர் சற்று முன்பு தூக்கிட்டு தற்கொலை செய்துகொண்ட சம்பவம் கடும் அதிர்ச்சியை ஏற்படுத்தியுள்ளது.

தற்கொலை

தற்கொலை செய்துகொண்ட தூரிகையின் உடல் சாலிகிராமம் தனியார் மருத்துவமனையில் வைக்கப்பட்டுள்ளதாக தகவல் வெளியாகியுள்ளது. இந்த தற்கொலைச் சம்பவம் தொடர்பாகவும், தற்கொலைக்கான காரணம் என்ன என்பது குறித்தும் சென்னை அரும்பாக்கம் போலீசார் விசாரணை நடத்தி வருகின்றனர்.

திரையுலகினர் அதிர்ச்சி

பாடலாசிரியர் கபிலனின் மகள் தற்கொலை செய்துகொண்ட சம்பவம் பெரும் அதிர்ச்சியை ஏற்படுத்தியுள்ளது. இச்சம்பவத்தைக் கேள்விப்பட்ட திரையுலகினரும், ரசிகர்களும் தங்கள் அதிர்ச்சியையும், வேதனையையும் வெளிப்படுத்தி வருகின்றனர்.

English summary

Thoorigai, daughter of lyricist Kabilan, committed suicide by hanging. Chennai Arumbakkam police investigating about suicide.