“வஞ்சம்”.. தமிழகத்துக்கு மத்திய அரசு வெள்ள நிவாரணம் வழங்கனும்! சென்னையில் நாளை சிபிஎம் போராட்டம்

சென்னை: மத்திய அரசு தமிழ்நாட்டின் மீது கொண்டு உள்ள வஞ்சப் போக்கை கைவிட்டு தமிழ்நாட்டிற்கு வெள்ள நிவாரண நிதி வழங்க மார்க்சிஸ்ட் கம்யூனிஸ்டு கட்சி நாளை சென்னையில் முற்றுகை போராட்டத்தை அறிவித்து உள்ளது.

இதுகுறித்து மார்க்சிஸ்ட் கம்யூனிஸ்டு கட்சி மாநில செய்தியாளர் கே.பாலகிருஷ்ணன் வெளியிட்டு உள்ள அறிக்கையில், "வர­லாறு காணாத மழை வெள்­ளத்­தால் பாதிக்­கப்­பட்ட சென்னை, திரு­வள்­ளூர், செங்கல்பட்டு, காஞ்­சி­பு­ரம், தூத்­துக்­குடி, திரு­நெல்­வேலி, தென்­காசி, கன்னியாகுமரி ஆகிய மாவட்ட மக்­க­ளுக்கு தமிழ்­நாடு அர­சின் சார்­பில் ஏற்­க­னவே பல்­வேறு நிவா­ரண உத­வி­கள் அறி­விக்­கப்­பட்டு வழங்கி வரும் நிலை­யில் தற்­போது கூடு­த­லாக தமி­ழக அர­சின் நிதி­யி­லி­ருந்து ரூ. 1000 கோடி நிவா­ரண உத­வி­கள் வழங்­கப்­ப­டும் என முத­ல­மைச்­சர் அறிவித்து உள்ளார்.

ஒன்­றிய அரசு நிதி ஏதும் வழங்­காத நிலை­யில் முத­ல­மைச்­ச­ரின் இந்த அறி­விப்பு பாராட்­டுக்­கு­ரி­யது. மார்க்­சிஸ்ட் கம்­யூ­னிஸ்ட் கட்­சி­யின் தமிழ்நாடு மாநி­லச் செயற்­குழு இத­னை­ வ­ர­வேற்­கி­றது. மிக்­ஜம் புய­லால் சென்னை மற்­றும் அரு­காமை மாவட்­டங்­கள் கடு­மை­யான பாதிப்­பு­க­ளைச் சந்­தித்­தன. இந்த பாதிப்­பு­க­ளி­லி­ருந்து மீள்­வ­தற்­குள் தென்­மா­வட்­டங்­களில் பெய்த அதி கன­ம­ழை­யின் கார­ண­மாக தூத்­துக்­குடி, திரு­நெல்­வேலி, தென்­காசி, கன்­னி­யா­கு­மரி ஆகிய மாவட்­டங்­கள் பெரும் பாதிப்­புகளுக்கு உள்ளாகின.

அனைத்­தை­யும் இழந்து மக்­கள் நிர்க்­க­தி­யான நிலைக்­குத் தள்ளப்பட்டனர். தமி­ழக அர­சின் சார்­பில் மேற்­கொள்­ளப்­பட்ட துரித நடவடிக்கைகள் மற்­றும் நிவா­ரண உத­வி­கள் மக்­கள் இயல்பு வாழ்க்கைக்கு திரும்ப பேரு­த­வி­யாக அமைந்­தன. ஒன்­றிய அரசு, தமி­ழக அர­சின் கோரிக்­கையை ஏற்று கூடு­தல் நிதி ஒதுக்­கும் பட்­சத்­தில் நிவாரண உத­வி­களை, உத­வித் தொகை­களை மேலும் அதி­க­ரித்­திட ஏற்­ப­டும்.

ஒரு ரூபாய் கூட ஒதுக்­காத மோடி அரசு: தமி­ழக முத­ல­மைச்­சர், பிர­த­மரை நேரில் சந்­தித்து வெள்­ளப்­பா­திப்­பு­க­ளுக்கு நிவா­ர­ணம் மற்­றும் மறு கட்ட மைப்பு பணி­களை சீர் செய்­திட ரூ. 21 ஆயி­ரம் கோடி தேசிய பேரி­டர் மேலாண்மை நிதி­யி­லி­ருந்து ஒதுக்­கிட வேண்­டு­மென வலி­யு­றுத்­தி­னார். ஆனால், இது­கா­றும் ஒன்­றிய பா.ஜ.க. அரசு தமி­ழ­கத்­திற்கு ஒரு ரூபாய் கூட ஒதுக்­கா­மல் தமி­ழ­கத்­தை­யும், தமி­ழக மக்­க­ளை­யும் வஞ்­சித்து வரு­கி­றது.

ஒன்­றிய பா.ஜ.க. அரசு தமி­ழ­கத்­தின் மீது கொண்­டுள்ள வஞ்­ச­கப் போக்கை கைவிட்டு, வெள்­ளப் பாதிப்­பு­களுக்கு தமிழ்­நாடு அரசு கோரி­யுள்ள ரூ.21 ஆயி­ரம் கோடி நிதி­யினை உட­ன­டி­யாக வழங்­கிட வேண்­டு­மென மார்க்சிஸ்ட் கம்­யூ­னிஸ்ட் கட்­சி­யின் தமிழ்­நாடு மாநி­லச் செயற்­குழு வலியுறுத்துகிறது. இந்த கோரிக்­கையை வலி­யு­றுத்தி மார்க்­சிஸ்ட் கம்யூனிஸ்டு கட்­சி­யின் சார்­பில் ஜன­வரி 3 அன்று சென்­னை­யில் சாஸ்­திரி பவன் முன்பு நடை­பெ­றும் முற்­று­கைப் போராட்­டத்­திற்கு அனைத்­துத் தரப்பு மக்­க­ளும், ஜன­நா­யக இயக்­கங்­க­ளும் கலந்து கொண்டு பேரா­த­ரவு அளிக்க வேண்­டு­மென மார்க்­சிஸ்ட் கம்­யூ­னிஸ்ட் கட்சி வேண்­டு­கோள் விடுக்­கி­றது." என்று குறிப்பிட்டு உள்ளது.

English summary

Marxist Communist has announced a blockade tomorrow in Chennai to demand that the central government abandons the deceitful policy of Tamil Nadu and provide flood relief funds to Tamil Nadu.