நான்தான் ஜெயலலிதாவின் மகள்.. அப்பல்லோவில் பின்வழியாக சந்தித்தேன்.. குண்டை தூக்கி போடும் பெண்

Updated: Saturday, November 6, 2021, 17:09 [IST]

Subscribe to Oneindia Tamil

சென்னை: நான்தான் ஜெயலலிதாவின் உண்மையான மகள் என்பதை நேரம் வரும் போது நிரூபிப்பேன் என மைசூரை சேர்ந்த பெண் ஒருவர் கூறி பரபரப்பை ஏற்படுத்தியுள்ளார்.

அதிமுகவில் நிறைய மாற்றங்கள்

இவரது மறைவுக்கு பின்னர் அதிமுகவில் நிறைய மாற்றங்கள் ஏற்பட்டுள்ளன. இந்த நிலையில் ஜெயலலிதாவின் மகன் என்றும் மகள் என்றும் கூறி கொண்டு இருவர் அது தொடர்பான ஆவணங்களை தாக்கல் செய்து அது பொய் என நிரூபிக்கப்பட்டுள்ளது. இந்த நிலையில் மைசூரைச் சேர்ந்த பெண் ஒருவர் தான்தான் ஜெயலலிதாவின் மகள் என கூறி புதியதொரு குழப்பத்தை ஏற்படுத்தியுள்ளார்.

பிரேமா பேட்டி

சென்னை மெரினா கடற்கரையில் நேற்றைய தினம் ஜெயலலிதாவின் நினைவிடத்தில் பெண் ஒருவர் அஞ்சலி செலுத்தினார். அப்போது மறைந்த ஜெயலலிதாவின் மகள் நான்தான் என கூறி பரபரப்பை ஏற்படுத்தினார். இதுகுறித்து பிரேமா செய்தியாளர்களிடம் பேட்டி அளிக்கையில், நான் மைசூரில் இருந்தேன்.

வளர்த்த பெற்றோர்

சென்னை பல்லாவரத்தில் 30 ஆண்டுகளாக வசித்து வருகிறேன். நான் இங்கு வரக் கூடாது என்றுதான் இருந்தேன். ஆனால் அம்மாவின்நினைவு அதிகமாக வந்தது. அதனால் தீபாவளி அன்று அம்மாவிடம் ஆசிர்வாதம் வாங்கலாம் என வந்தேன். பார்வை நேரம் முடிந்து விட்டதால் அடுத்த நாள் வந்து அஞ்சலி செலுத்தினேன். என்னை வளர்த்த பெற்றோர் உயிரிழந்துவிட்டனர்.

ஜெயலலிதாவின் மகள்

என்னை என் அம்மா ஜெயலலிதா பேபி என செல்லமாக அழைப்பார். நான்தான் ஜெயலலிதாவின் மகள் என்பதை ஆதாரப்பூர்வமாக உரிய நேரத்தில் நிரூபிப்பேன். ஜெயலலிதா அப்பல்லோ மருத்துவமனையில் சிகிச்சை பெற்று வந்த போது நான் பின்வாசல் வழியாக சென்று அவரை சந்தித்தேன். ஜெயலலிதாவின் உதவியாளர் முத்துசாமி என்னை அழைத்துச் சென்றார். அப்போது எனக்கு அம்மா முத்தம் கொடுத்தார். போயஸ் கார்டன் இல்லத்திலும் அம்மாவை ஒரு முறை சந்தித்துள்ளேன் என பிரேமா கூறியது பெரும் பெரும் அதிர்வலைகளை ஏற்படுத்தியுள்ளது.