சென்னையில் மழை வெள்ளத்தில் பாதிக்கப்பட்ட மக்களுக்கு சுடச்சுட உணவு

Updated: Saturday, December 5, 2020, 16:10 [IST]

Subscribe to Oneindia Tamil

சென்னை: மழை, வெள்ளத்தில் பாதிக்கப்பட்ட சென்னை குடிசை பகுதிவாழ் மக்கள் 23 லட்சம் பேருக்கு நாளை தொடங்கி வரும் 13ஆம் தேதி வரை சுடச்சுட இலவச உணவு வழங்க தமிழக அரசு திட்டமிட்டுள்ளது.

Dec 05, 2020, 4:08 pm IST

சென்னையில் குடிசை பகுதியில் வசிக்கும் மக்களுக்கு சுடச்சுட இலவச உணவு. மழை வெள்ளத்தினால் பாதிக்கப்பட்ட மக்களுக்கு இலவச உணவு திட்டம். தமிழக முதல்வர் எடப்பாடி பழனிச்சாமி அறிவிப்பு. டிசம்பர் 6ஆம் தேதி முதல் 13ஆம் தேதி வரை இலவச உணவு வழங்கப்படும்

Dec 05, 2020, 4:08 pm IST

சென்னையில் குடிசை பகுதியில் வசிக்கும் மக்களுக்கு சுடச்சுட இலவச உணவு . மழை வெள்ளத்தினால் பாதிக்கப்பட்ட மக்களுக்கு இலவச உணவு திட்டம். தமிழக முதல்வர் எடப்பாடி பழனிச்சாமி அறிவிப்பு. டிசம்பர் 6ஆம் தேதி முதல் 13ஆம் தேதி வரை இலவச உணவு வழங்கப்படும்.

Dec 05, 2020, 4:07 pm IST

சேலத்தில் இருந்து மதிய உணவு கூட சாப்பிடாமல் கடலூர் சென்றடைந்தார் ஸ்டாலின். கடந்த மார்ச் மாதத்துக்கு பிறகு களப்பணியில் மீண்டும் தீவிரம் காட்டத் தொடங்கியுள்ளார் ஸ்டாலின் .

Dec 05, 2020, 4:06 pm IST

கடலூர் மாவட்டத்தில் புயல்-மழையால் பாதிக்கப்பட்ட பகுதிகளை ஸ்டாலின் பார்வையிடுகிறார். சேலத்தில் இருந்து சென்னை திரும்பாமல் நாகை, கடலூர் மாவட்டங்களுக்கு சுற்றுப்பயணம்.

Dec 05, 2020, 2:20 pm IST

புயல் மழையால் உயிரிழந்தவர்களின் குடும்பங்களுக்கு தலா ரூ. 10 லட்சம் நிவாரணம். முதல்வர் எடப்பாடி பழனிச்சாமி நிவாரணம் அறிவிப்பு. உயிரிழந்த கால்நடைகளின் உரிமையாளர்களுக்கும் நிவாரணம் அறிவிப்பு.

Dec 05, 2020, 1:19 pm IST

புயல் சேத பகுதிகளை ஆய்வு செய்ய மத்திய குழுவினர் சென்னை வருகை. டிசம்பர் 8ஆம் தேதி வரை மத்திய குழுவினர் ஆய்வு செய்கின்றனர். முதல்வர் பழனிச்சாமியுடன் மத்தியக்குழுவினர் இன்று சந்திப்பு.

Dec 05, 2020, 1:09 pm IST

கடலூர் மாவட்டத்தில் புயல்-மழையால் பாதிக்கப்பட்ட பகுதிகளை பார்வையிடுகிறார் ஸ்டாலின். சேலம் மாவட்ட நிகழ்ச்சிகளை முடித்துக்கொண்டு கடலூர் செல்கிறார் மு.க.ஸ்டாலின்.

Dec 05, 2020, 12:43 pm IST

காற்றழுத்த தாழ்வு மண்டலம் ஆழ்ந்த காற்றழுத்த தாழ்வு பகுதியாக மாறியது - வானிலை மையம். காற்றழுத்த தாழ்வு மண்டலம் 12 மணிநேரத்தில் வலுவிழக்கும் - வானிலை மையம். டெல்டா மாவட்டங்களில் கனமழைக்கு வாய்ப்பு - வானிலை மையம். சென்னையில் 2 நாட்களுக்கு மிதமான மழைக்கு வாய்ப்பு - வானிலை மையம்.

Dec 05, 2020, 7:19 am IST

காஞ்சிபுரத்தில் மின்சாரம் பாய்ந்து மின் ஊழியர் உள்பட இருவர் பலி. ஈஞ்சம்பாக்கத்தில் உயர் மின் அழுத்த கம்பியை சரி செய்த போது இருவர் பலி. மின்வாரிய ஊழியர் பாக்கியநாதன், அவருக்கு உதவிய தயாளன் ஆகியோர் பலி.

Dec 05, 2020, 6:56 am IST

தமிழகத்தில் 7 மாவட்டங்களில் கனமழை பெய்யும்- வானிலை மையம்

Dec 05, 2020, 6:51 am IST

ஆழ்ந்த காற்றழுத்த தாழ்வு மண்டலம் வலுவிழந்து காற்றழுத்த தாழ்வு மண்டலமானது- வானிலை மையம். காற்றழுத்த தாழ்வு மண்டலம் மன்னார் வளைகுடா பகுதியில்நிலை கொண்டுள்ளது.

Nov 28, 2020, 7:05 am IST

செங்கல்பட்டு மாவட்டத்தில் பெரிய ஏரியான மதுராந்தகம் ஏரி முழுகொள்ளளவான 23.3 அடியை எட்டியது. மதுராந்தகம் ஏரிக்கு விநாடிக்கு 500 கனஅடி நீர் வந்து கொண்டிருக்கும் நிலையில் தண்ணீர் திறக்கப்படவில்லை.

Nov 27, 2020, 11:24 pm IST

வங்கக்கடலில் குறைந்த காற்றழுத்த தாழ்வு பகுதி 36 மணி நேரத்தில் உருவாகும். காற்றழுத்த தாழ்வு பகுதி தமிழகம் மற்றும் புதுவை கடற்பகுதிகளை நெருங்கும். டிசம்பர் 2 மற்றும் 3 ஆம் தேதிகளில் தமிழகத்தில் ஓரிரு இடங்களில் அதீத கனமழைக்கு வாய்ப்பு. காற்றழுத்த தாழ்வு மண்டலம் தமிழக பகுதியை நோக்கி நகரும் - இந்திய வானிலை மையம்

Nov 27, 2020, 9:03 pm IST

நிவர் புயலில் உயிரிழந்தோரின் குடும்பங்களுக்கு தலா ரூ.10 லட்சம் நிதியுதவி. தமிழக முதல்வர் எடப்பாடி பழனிச்சாமி அறிவிப்பு. புயல் மற்றும் கன மழை காரணமாக இது வரை 4 பேர் உயிரிழந்துள்ளனர். புயலின்போது 61 மாடுகளும், 5 எருதுகளும், 65 கன்றுகளும், 114 ஆடுகளும் உயிரிழந்துள்ளன. கால்நடைகளை இழந்தவர்களுக்கு அரசு இழப்பீடு அறிவிப்பு

Nov 27, 2020, 5:43 pm IST

திருவள்ளூர் மாவட்டம் பூண்டி நீர் தேக்கத்தில் இருந்து உபரி நீர் திறக்கப்பட்டுள்ளது. கொசஸ்தலை ஆற்றின் கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது. விநாடிக்கு 10ஆயிரம் கன அடி வரை உபரிநீர் திறக்கப்பட உள்ளதாக அதிகாரிகள் தகவல்.

Nov 27, 2020, 5:10 pm IST

தென்கிழக்கு வங்கக்கடலில் அடுத்த 48 மணி நேரத்தில் புதிய காற்றழுத்த தாழ்வு பகுதி. புதிய காற்றழுத்த தாழ்வு மண்டலத்தால் டிசம்பர் 1 முதல் 3 வரை மழைக்கு வாய்ப்பு. காற்றழுத்த தாழ்வு பகுதி 24 மணி நேரத்தில் காற்றழுத்த தாழ்வு மண்டலமாக மாறும் - வானிலை மையம்.

Nov 27, 2020, 2:31 pm IST

நாகப்பட்டினத்தை நோக்கிச் செல்லும் புரேவி புயல்? மழையே இல்லாத டெல்டா மாவட்டங்களுக்கு பலனை கொடுக்குமா. நிவர் புயல் வடமாவட்டங்களின் தண்ணீர் பஞ்சத்தை சரி கட்டியது. அது போல் புரேவியும் எந்த சேதாரத்தையும் ஏற்படுத்தாமல் டெல்டாவுக்கு நீர் ஆதாரத்தை அதிகரிக்குமா.

Nov 27, 2020, 2:27 pm IST

இன்று மாலை 5 மணிக்கு பூண்டி ஏரி திறப்பு. பூண்டி ஏரியில் இருந்து இன்று மாலை வினாடிக்கு 10 ஆயிரம் கன அடி நீர் திறப்பு. பூண்டி ஏரியில் இருந்து கொசஸ்தலை ஆற்றில் இன்று மாலை தண்ணீர் திறக்கப்படுகிறது. கொசஸ்தலை ஆற்றின் கரையோர மக்களுக்கு வெள்ள அபாய எச்சரிக்கை.

Nov 27, 2020, 12:34 pm IST

தென்கிழக்கு வங்கக்கடலில் 48 மணி நேரத்தில் புதிய காற்றழுத்த தாழ்வு பகுதி உருவாகிறது. புதிய காற்றழுத்த தாழ்வு மண்டலம் தமிழக பகுதியை நோக்கி வரும். டிச. 1 முதல் 3 வரை மழை பெய்ய வாய்ப்பு என சென்னை வானிலை ஆய்வு மையம் தகவல்.

Nov 27, 2020, 11:24 am IST

திருவண்ணாமலை தண்டரை அணைக்கட்டில் இருந்து 6 ஆயிரம் கனஅடி நீர் திறப்பு. செய்யாறு ஆற்றில் உள்ள தண்டரை அணைக்கட்டில் இருந்து 6 ஆயிரம் கனஅடி நீர் திறப்பு. செய்யாறு பாயும் கரையோரம் உள்ள இருபதுக்கும் மேற்பட்ட கிராமங்களுக்கு வெள்ள அபாய எச்சரிக்கை.

Nov 27, 2020, 11:23 am IST

வேகமாக நிரம்பி வரும் காஞ்சிபுரம் மாவட்டத்தின் மிகப்பெரிய ஏரியான தென்னேரி ஏரி. உபரி நீர் வெளியேறுவதால் 30க்கும் மேற்பட்ட கிராமங்களுக்கு வெள்ள அபாய எச்சரிக்கை.

Nov 27, 2020, 8:02 am IST

விருதுநகரில் திடீர் என பலத்த காற்றுடன் கொட்டி தீர்த்த கன மழை. சுமார் ஒரு மணி நேரத்துக்கு மேலாக பலத்த காற்றுடன் பெய்த கனமழையால் சாலையில் வெள்ளம். பாதுகாப்பு கருதி முன்னெச்சரிக்கையாக விருதுநகரில் மின்விநியோகம் நிறுத்தம்.

Nov 27, 2020, 7:08 am IST

பாலாற்றில் 40 ஆயிரம் கனஅடி நீர் திறக்கப்பட்டுள்ளதால் 40 கிராமங்கள் வெள்ள அபாயம். காஞ்சிபுரம் மாவட்டத்தில் 40 கிராமங்களுக்கு வெள்ள அபாய எச்சரிக்கை. பாலாற்றங்கரையோர மக்கள் பாதுகாப்பான இடங்களுக்கு செல்ல அறிவுறுத்தல்.

Nov 26, 2020, 11:23 pm IST

திருவண்ணாமலை மாவட்டம் ஆரணி ஆற்றில் கரைபுரண்டோடும் வெள்ளம். ஆரணி கமண்டல நாகநதி ஆற்றில் கரைபுரண்டோடும் வெள்ளம். நீண்ட ஆண்டுகளுக்கு பிறகு ஆரணி கமண்டல நாகநதி ஆற்றில் பாயும் வெள்ளம்

நிவர் புயலால் கனமழை பெய்ததை அடுத்து நீர் நிலைகள் நிரம்பி வரும் நிலையில் திருவண்ணாமலை மாவட்டம் ஆரணியில் பாயும் கமண்டல நாக நதி ஆற்றில் வெள்ளம் கரைபுரண்டோடுகிறது. நீண்ட ஆண்டுகளுக்கு பிறகு ஏற்பட்ட வெள்ள நீரை பார்க்க மக்கள் குவிந்தார்கள். #Flood #thiruvannamalai pic.twitter.com/IwQ3Y6qJ5F
— Oneindia Tamil (@thatsTamil) November 26, 2020

Nov 26, 2020, 8:08 pm IST

சென்னையில் கடுங்குளிர் வீசுகிறது. புயல் கரையை கடந்த நிலையில் காலை முதலே குளிர்ந்த காற்று வீசி வருகிறது. சென்னையின் பிற பகுதிகளில் மழை இல்லாத நிலையிலும் கடுங்குளிர் நிலவுகிறது. மலை பிரதேசங்களில் வசிப்பது போன்று உள்ளது. இந்த திடீர் மாற்றத்திற்கு என்ன காரணம் என தெரியவில்லா.

Nov 26, 2020, 7:54 pm IST

மதுரை சுற்றுவட்டார பகுதிகளில் சூறாவளி காற்றுடன் கனமழை பெய்கிறது. அரை மணி நேரமாக கனமழை பெய்வதால் மின்சாரம் நிறுத்தப்பட்டுள்ளது.

Nov 26, 2020, 7:10 pm IST

திருச்சி மாவட்டத்தின் பல்வேறு இடங்களில் கடந்த அரைமணி நேரமாக கனமழை பெய்து வருகிறது

Nov 26, 2020, 7:01 pm IST

வேலூரில் 10 செ.மீ. மழை பதிவு. வேலூரில் கடந்த 4 மணி நேரத்தில் 10 செ.மீ. மழை. மழையே இல்லாத வேலூரில் கனமழையை கொடுத்த நிவர். காலை 9 மணி முதல் மதியம் 1 மணி வரை 10 செ.மீ. மழை பதிவு

Nov 26, 2020, 7:01 pm IST

வேலூர் பாலாற்றில் இருந்து காஞ்சிபுரம் பாலாற்றிற்கு தண்ணீர் வரத்து அதிகரிப்பு. 10000 கனஅடி நீர் வந்து கொண்டிருப்பதால் கடும் வெள்ளப்பெருக்கு ஏற்பட்டுள்ளது. காஞ்சிபுரம் பாலாற்று கரையோரங்களில் இருக்கும் மக்களுக்கு ஆட்சியர் எச்சரிக்கை. கரையோர மக்கள் பாதுகாப்பாக இருக்கும்படி மாவட்ட ஆட்சியர் மகேஸ்வரி ரவிகுமார் எச்சரிக்கை

Nov 26, 2020, 5:35 pm IST

வேலூரில் மோர்தானா அணைக்கு நீர்வரத்து அதிகரிப்பு- கரையோர மக்களுக்கு வெள்ள அபாய எச்சரிக்கை

10:16 AM, 23 Nov

புயல் வேகம்

நிவர் புயல் தீவிர புயலாக மணிக்கு 117 கி.மீ வேகத்தில் கரையை கடக்க வாய்ப்பு உள்ளது. புயலால் சென்னையில் கன மழை பெய்யும்

10:17 AM, 23 Nov

டெல்டா மாவட்ட மழை

நாளை டெல்டா மாவட்டங்களில் தீவிரமாக மழை பெய்யும். நாளை புயல் வலிமை பெறும் என்பதால், பலத்த மழை சேதங்களை ஏற்படுத்த வாய்ப்புள்ளது

10:18 AM, 23 Nov

சேதம் இருக்காது

கஜா போல நிவர் சேதத்தை ஏற்படுத்தாது. அரசு போதிய முன்னெச்சரிக்கை நடவடிக்கைகளை எடுத்துள்ளது - அமைச்சர் ஜெயக்குமார் பேட்டி.

10:57 AM, 23 Nov

புயல் கூண்டு

தென்கிழக்கு வங்கக்கடலில் உருவாகியுள்ள காற்றழுத்த தாழ்வு நிலை காரணமாக கடலூர் துறைமுகத்தில் மூன்றாம் எண் புயல் எச்சரிக்கை கூண்டு ஏற்றப்பட்டுள்ளது

11:03 AM, 23 Nov

புதுச்சேரி புயல் கூண்டு

நிவர் புயல் காரணமாக புதுச்சேரி மற்றும் காரைக்காலில் 3-ம் எண் புயல் எச்சரிக்கை கூண்டு ஏற்றப்பட்டுள்ளது. கடல் சீற்றம் காரணமாக புதுச்சேரியில் மீனவர்கள் கடலுக்குள் செல்லவேண்டாம் என எச்சரிக்கை மீன்வளத்துறை எச்சரிக்கை விடுத்துள்ளதால் 1000-க்கும் மேற்பட்ட விசைப்படகுகள் தேங்காய் திட்டு துறைமுக பகுதியில் நிறுத்தி வைப்பு.

11:48 AM, 23 Nov

தமிழ்நாடு வெதர்மேன் கணிப்பு

நிவர் புயல் தமிழ்நாட்டிற்கானதுதான், ஆனால் அது எங்கு கடக்கப் போகிறது என்பதை தீர்மானிக்க முடியவில்லை வலுவான புயலாக (மணிக்கு 130-140 கிமீ) அல்லது மிதமான புயலாக (மணிக்கு 80-100 கிமீ) கரையை கடக்குமா? என்பது இன்று இரவு தெளிவாக தெரியும்.

Cyclone Nivar is for Tamil Nadu, but where exactly it is going to cross is a tricky one to decide

1. Scenario 1 or 2 - ?
2. Strong cyclone (130-140 km/hr) or Moderate cyclone (80-100 km/hr)- ?
— Pradeep John (Tamil Nadu Weatherman) (@praddy06) November 23, 2020

12:28 PM, 23 Nov

நிவார் புயல் எவ்வளவு வேகத்தில் வந்தாலும் எதிர்கொள்ள மின்துறை தயார். 1.5 லட்சம் மின்கம்பங்கள் தயார் நிலையில் உள்ளது. புயல் கரையை கடக்கும் போது மின்சாரம் துண்டிக்கப்படும்: அமைச்சர் தங்கமணி.

12:38 PM, 23 Nov

வங்கக் கடலில் குறைந்த காற்றழுத்த தாழ்வு மண்டலத்தின் தாக்கத்தை காட்டும் செயற்கைக்கோள் புகைப்படம்

12:46 PM, 23 Nov

நிவர் புயல் அதி தீவிர புயலாக கரையை கடக்கும்- சென்னை வானிலை ஆய்வு மையம்

12:46 PM, 23 Nov

நாளை மறுநாள் புயல் கரையை கடக்கும் என்று சென்னை வானிலை ஆய்வு மையம் தகவல்

12:55 PM, 23 Nov

இதே வேகத்தில் நிவர் புயல் நகர்ந்தால் காரைக்கால்- கடலூர் இடையே கரையை கடக்கும்- வெதர்மேன். புயலின் வேகத்தில் தாமதமானால் புதுவை- சென்னை இடையே கரையை கடக்கும்.

Lets narrow down the scenarios for Cyclone Nivar

If Delay the cyclone crosses between Pondy to Chennai

If No Delay then cyclone crosses between Karaikkal to Cuddalore.
— Pradeep John (Tamil Nadu Weatherman) (@praddy06) November 23, 2020

1:19 PM, 23 Nov

சென்னையில் இன்று மாலை முதல் ஒரு வாரத்திற்கு லேசானது முதல் கனமழை வரை பெய்யும். நார்வே வானிலை மையம் தகவல். சென்னையில் இன்று மாலை முதல் நாளை வரை மிதமான மழைக்கு வாய்ப்பு- நார்வே வானிலை மையம். நாளை மறுநாள் சென்னையில் மிக அதிக கனமழை பெய்யும்- நார்வே ரிப்போர்ட். 26-ஆம் தேதி இரவும், வெள்ளிக்கிழமையும் கனமழை பெய்யும். 28-ஆம் தேதி முதல் 30-ஆம் தேதி வரை லேசான மழையும் ஆங்காங்கே கனமழையும் பெய்யும்.

1:31 PM, 23 Nov

புயல் முன்னெச்சரிக்கை நடவடிக்கை குறித்து முதல்வர் எடப்பாடி பழனிச்சாமி ஆலோசனை. தலைமைச் செயலகத்தில், மூத்த அமைச்சர்கள் மற்றும் அதிகாரிகளுடன் எடப்பாடி பழனிச்சாமி ஆலோசனை.

2:21 PM, 23 Nov

கடலூர், சிதம்பரத்திற்கு விரைந்த தேசிய பேரிடர் மீட்பு படை குழு. முன்னெச்சரிக்கையாக மொத்தம் 6 குழுக்கள் விரைந்துள்ளன.

3:52 PM, 23 Nov

நிவர் புயல் எதிரொலியால் தமிழகத்தில் ரயில் சேவைகள் ரத்து. முன்னெச்சரிக்கை நடவடிக்கையாக ரயில் சேவைகள் ரத்து- தெற்கு ரயில்வே அறிவிப்பு.

4:39 PM, 23 Nov

நாளை தீவிர புயலாக வலுப்பெறும் நிவர் புயல்- சென்னை வானிலை மையம். தமிழகம் மற்றும்புதுவையில் நாளை முதல் 26 ஆம் தேதி வரை கனமழை பெய்யும். டெல்டா மாவட்டங்கள், வடகடலோர மாவட்டங்கள், வடமாவட்டங்களில் கனமழை பெய்யும். வடமேற்கு திசையில் நகரும் நிவர் புயலானது மாமல்லபுரம்- காரைக்கால் இடையே கரையை கடக்கும். 25ஆம் தேதி பிற்பகலில் கரையை கடக்கும். தென்மேற்கு வங்கக் கடலில் நிலை கொண்டுள்ள காற்றழுத்த தாழ்வு மண்டலம் 520 கி.மீ. தூரத்தில் உள்ளது. புயல் கரையை கடக்கும் போது 100- 110 கி.மீ. வேகத்தில் காற்று வீசும். புயல் கரையை கடக்கும் போது சில சமயங்களில் 120 கி.மீ. வேகத்திலும் காற்று வீசும். புயல் காரணமாக வடகடலோர மாவட்டங்களில் 45- 55 கி.மீ. வரை காற்று வீசும். சென்னையில் 24, 25 ஆம் தேதிகளில் கனமழை பெய்யும். நாகை, திருவாரூர், தஞ்சை மாவட்டங்களில் அதிக கனமழை பெய்யும். 25-ஆம் தேதி வரை மீனவர்கள் கடலுக்குள் செல்ல வேண்டாம்.

4:46 PM, 23 Nov

நிவர் புயல்... தஞ்சாவூர், திருவாரூர், நாகப்பட்டினத்தில் தமிழக பாஜகவின் வேல்யாத்திரை ரத்து

5:10 PM, 23 Nov

நிவர் புயல் பாதிக்கப்படும் பகுதிகளுக்கு அத்தியாவசிய உணவுப்பொருட்கள் அனுப்பி வைப்பு. ரேசன் கடைகளுக்கு உணவுப் பொருட்கள் அனுப்பி வைப்பு - அமைச்சர் காமராஜ். தாழ்வான பகுதிகளான 4713 பகுதிகளில் உள்ள ரேசன் கடைகளுக்கு பொருட்கள் அனுப்பி வைப்பு. புயல் முன்னெச்சரிக்கை நடவடிக்கையாக உணவுப்பொருட்கள் அனுப்பி வைக்கப்பட்டுள்ளது.

5:22 PM, 23 Nov

நிவர் புயலை எதிர்கொள்ள கடலூர் தயார் - மாவட்ட ஆட்சியர் சந்திரசேகர் சகாமுரி. உணவுப்பொருட்கள், பால்பொருட்கள் இருப்பு வைக்கப்பட்டு உள்ளன - கடலூர் மாவட்ட ஆட்சியர். 120 பேர் கொண்ட பேரிடர் குழுவினர் தயாராக உள்ளனர் - ஆட்சியர். போர்கால அடிப்படையில் நடவடிக்கை எடுக்கப்படும் - மாவட்ட ஆட்சியர்.

6:29 PM, 23 Nov

நிவர் புயல் முன்னெச்சரிக்கை காரணமாக முன்காப்பீடு செய்ய விவசாயிகளுக்கு அறிவுறுத்தல். விவசாயிகள் தங்களுடைய பயிர்களை 2 நாட்களுக்குள் காப்பீடு செய்ய வேண்டும் - வேளாண்துறை செயலர். நிவர் புயல் காரைக்கால் அருகே கரையை கடக்கும் என அறிவிப்பு.

6:29 PM, 23 Nov

வேளாண்மை பயிர்களான சம்பா நெற்பயிர், சிறுதானிய பயிர்களுக்கு காப்பீடு செய்யலாம். தக்காளி, பூண்டு, இஞ்சி, கொத்தமல்லி மற்றும் முட்டைகோஸ் செடிகளுக்கும் காப்பீடு செய்யலாம். வெங்காயம், உருளை, சிவப்பு மிளகாய், கேரட், கத்தரி, வெண்டை செடிகளுக்கும் காப்பீடு செய்யலாம்.

7:19 PM, 23 Nov

நிவர் புயல் முன்னெச்சரிக்கையாக பேருந்து போக்குவரத்து ரத்து - முதல்வர் அறிவிப்பு. 7 மாவட்டங்களில் பொது பேருந்து போக்குவரத்து ரத்து செய்யப்பட்டுள்ளது. 2 நாட்களுக்கு பொதுமக்கள் வீடுகளை விட்டு வெளியே வர வேண்டாம் என முதல்வர் அறிவுறுத்தல். புதுக்கோட்டை, நாகை, திருவாரூர்,கடலூர் மாவட்டங்களில் போக்குவரத்து ரத்து. விழுப்புரம், செங்கல்பட்டு மாவட்டங்களிலும் போக்குவரத்து ரத்து செய்யப்பட்டுள்ளது. அத்தியாவசிய பொருட்களை பத்திரப்படுத்தி வைத்துக்கொள்ள முதல்வர் அறிவுறுத்தல் ரேசன் அட்டை, ஆதார்கார்டு உள்ளிட்டவைகளை பத்திரப்படுத்தவும் முதல்வர் உத்தரவு

9:53 PM, 23 Nov

சென்னையை நெருங்கி வருகிறது நிவர் புயல் - வானிலை மையம். சென்னைக்கு 420 கிமீ தொலைவில் புயல் மையம் கொண்டுள்ளது. சென்னையில் பல பகுதிகளில் கனமழை பெய்கிறது. சென்னையின் நகர் பகுதிகள், புறநகர் பகுதிளிலும் கனமழை பெய்கிறது. நிவர் புயல் புதன்கிழமை கரையை கடக்கும் என வானிலை மையம் அறிவிப்பு

10:23 PM, 23 Nov

வங்கக்கடலில் காற்றழுத்த தாழ்வு மண்டலம் ஆழ்ந்த தாழ்வு மண்டலமாக மாறியது - வானிலை மையம். காற்றழுத்த தாழ்வு மண்டலம் தீவிர புயலாக மாறும். கடந்த 6 மணி நேரத்தில் மணிக்கு 11கிமீ வேகத்தில் புயல் நகர்ந்து வருகிறது. புதுச்சேரியில் இருந்து 320 கிமீ தொலைவில் நிவர் புயல் மையம் கொண்டுள்ளது. காரைக்கால் - மாமல்லபுரம் இடையே புதுச்சேரியை ஒட்டிய பகுதியில் நிவர் புயல் கரையை கடக்கும்

6:22 AM, 24 Nov

வங்கக்கடலில் உருவாகியுள்ள காற்றழுத்த தாழ்வு மண்டலம் இன்று புயலாக மாற வாய்ப்பு. நிவர் புயல் காரைக்கால் மாமல்லபுரம் இடையே நாளை கரையை கடக்கும் என வானிலை மையம் தகவல்.

6:32 AM, 24 Nov

நிவர் புயல் கரையை கடக்கும் போது அரசு பேருந்து சேவை நிறுத்தம். புதுக்கோட்டை, நாகப்பட்டினம், தஞ்சாவூர் , கடலூர், செங்கல்பட்டு மாவட்டங்களில் பேருந்து சேவை நிறுத்தம்.

8:02 AM, 24 Nov

வங்க கடலில் சற்று நேரத்தில் உருவாகிறது நிவர் புயல்- 4 மாவட்டங்களுக்கு கனமழை எச்சரிக்கை

8:03 AM, 24 Nov

சென்னை, செங்கல்பட்டில் விடிய விடிய கனமழை- புதுச்சேரியில் மழை தொடங்கியது

8:04 AM, 24 Nov