தமிழகத்தில் ஆன்லைனில் பணம் கட்டி கேம் விளையாட சிறுவர்களுக்கு தடை

Updated: Sunday, February 9, 2025, 11:45 [IST]

Subscribe to Oneindia Tamil

சென்னை: தமிழகத்தில் ஆன்லைனில் பணம் கட்டி விளையாடும் விளையாட்டுகளை விளையாட சிறுவர்களுக்கு கட்டுப்பாடு விதிக்கப்பட்டுள்ளது.

இதுகுறித்து ஓய்வு பெற்ற ஐஏஎஸ் அதிகாரி நசிமுதீன் தலைமையிலான ஆன்லைன் கேமிங் ஆணையம் வெளியிட்ட அறிக்கையில் கூறியிருப்பதாவது: ஆன்லைன் விளையாட்டுகளை ஒழுங்குப்படுத்துவதற்காக சில கட்டுப்பாடுகள் விதிக்கப்பட்டுள்ளன.

18 வயதுக்குள்பட்டவர்களுக்கு ஆன்லைனில் பணம் கட்டி விளையாட தடை விதிக்கப்படுகிறது. நள்ளிரவு முதல் அதிகாலை 5 மணி வரை ஆன்லைன் கேமில் பயனர்களை அனுமதிக்கக் கூடாது.

பணம் கட்டும் ஆன்லைன் விளையாட்டுகளுக்கு ஆதார் சரிபார்ப்பு கட்டாயமாக்கப்பட வேண்டும். ஒவ்வொரு 30 நிமிடங்களுக்கு ஒரு முறையும் எச்சரிக்கை செய்தியை பயனர்களுக்கு அனுப்ப வேண்டும் என தெரிவித்துள்ளது.