மீண்டும் கவனம் பெறும் கோயம்பேடு.. பஸ் ஸ்டாண்டை விடுங்க.. அதைவிட பெரிய மேட்டர் ஒன்று வருது!

சென்னை; சென்னையில் உள்ள கோயம்பேடு மற்றும் ஆவடியை இணைக்கும் புதிய மெட்ரோ வழித்தடத்திற்கான விரிவான திட்ட அறிக்கையை (டிபிஆர்) தயாரிப்பதற்கு RITES லிமிடெட் நிறுவனம் தேர்வாகி உள்ளது.

ஏறத்தாழ 16.07 கிமீ உயரமுள்ள இந்த மெட்ரோ ரயில் திருமங்கலம், முகப்பேர் மற்றும் அம்பத்தூர் வழியாக இந்த மெட்ரோ பாதை செல்லும். 116.1 கிமீ சென்னை மெட்ரோ இரண்டாம் கட்ட திட்டத்தின் ஒரு பகுதியாக தற்போது கட்டப்பட்டு வரும் சென்னை மெட்ரோவின் லைன்-5 (மாதவரம் - சோழிங்கநல்லூர்) இன் பகுதியாக இது கட்ட திட்டமிடப்பட்டுள்ளது.

2023 ஆம் ஆண்டின் மத்தியில் L&T இன்ஃப்ராஸ்ட்ரக்சர் இன்ஜினியரிங் மூலம் இறுதி செய்யப்பட்ட இந்த திட்டத்தின் விரிவான சாத்தியக்கூறு அறிக்கை தற்போது செயலுக்கு வர உள்ளது. 15 தற்காலிக உயர்நிலை நிலையங்களுடன் அமைக்கப்பட உள்ள அதன் கட்டுமானத்திற்கு ரூ. 6376.18 கோடி செலவாகும்.

மெட்ரோ வேலை: இது போக பல மாதங்களுக்குப் பிறகு, சென்னை மெட்ரோ ரயில் இறுதியாக சோழிங்கநல்லூர் மற்றும் சிப்காட் இடையிலான மீண்டும் பணியைத் தொடங்கி உள்ளது.

இந்தப் பாதையில் பணியை மேற்கொள்வதற்காக புதிய துணை ஒப்பந்ததாரர் சார்பான சில நாட்களுக்கு முன்புதான் இங்கே தொடக்க விழா நடதப்பட்டது. இங்கே முழு அளவிலான கட்டுமானப் பணிகள் விரைவில் தொடங்கப்படும் என்று CMRL அதிகாரிகள் தெரிவிக்கின்றனர்.

பல மாதங்களாக நிறுத்தப்பட்டிருந்த சென்னை மெட்ரோ ரயிலின் OMR இன் ஒரு பகுதியின் இரண்டாம் கட்ட திட்டத்திற்கான பணிகள் இறுதியாக மீண்டும் தொடங்கப்பட உள்ளன. ₹61,843 கோடி மதிப்பிலான இரண்டாம் கட்டத் திட்டத்தின் ஒரு பகுதியாக, மாதவரம் முதல் சிப்காட் (காரிடார் 3), லைட் ஹவுஸ் முதல் பூந்தமல்லி (காரிடார் 4) மற்றும் மாதவரம் முதல் சோழிங்கநல்லூர் (காரிடார் 5) ஆகிய மூன்று வழித்தடங்கள் தற்போது பல்வேறு கட்டப் பணிகளில் உள்ளன.

காரிடார் 3 நகரின் வடக்குப் பகுதிகளை உள்ளடக்கியது மட்டுமல்லாமல், OMR இன் கணிசமான பகுதி வழியாகவும், தரமணியிலிருந்து SIPCOT வரை செல்கிறது. சோழிங்கநல்லூர் முதல் சிப்காட் இடையே பணி சில காலத்திற்கு முன்பு தொடங்கப்பட்டாலும், பல்வேறு காரணங்களால் துணை ஒப்பந்ததாரரின் ஒப்பந்தம் ஒன்று நிறுத்தப்பட்டதால், பணியும் பின்னர் நிறுத்தப்பட்டது.

இந்தப் பாதையில் பணியை மேற்கொள்ளும் புதிய துணை ஒப்பந்ததாரர், சில நாட்களுக்கு முன்பு ஒரு சிறிய விழாவை நடத்தினார், மேலும் முழு அளவிலான கட்டுமானப் பணிகள் விரைவில் தொடங்கப்படும். அடுத்த சில நாட்களில் பைலிங் ரிக் போன்ற கூடுதல் உபகரணங்கள் வரும் வேலை வேகம் பெற சிறிது நேரம் எடுக்கும், ஆனால் அது தொடங்கிவிட்டது, இனி இந்த பாதையில் சிக்கல்களை எதிர்பார்க்கவில்லை என்று மெட்ரோ நிர்வாகம் தெரிவித்துள்ளது.

ஓஎம்ஆர்: இது போக சென்னை ஓஎம்ஆரில் மெட்ரோ நிலையங்களை அமைக்கும் பணிகள் தொடங்கி உள்ளன. 10 மெட்ரோ நிலையங்கள் இங்கே கட்டப்பட உள்ளன.

சென்னையின் ஐடி காரிடாரில் மெட்ரோ ரயில் பாதைக்கான பணிகள் வேகமாக நடந்து வருகின்றன. தரமணி மற்றும் சோழிங்கநல்லூர் இடையே 10 கிமீ நீளத்திற்கு 2-ம் கட்டத்தின் கீழ் 10 உயர்நிலை ரயில் நிலையம் கட்டும் பணி தொடங்கியுள்ளது. CMRL இதுவரை மொத்தம் உள்ள 449 தூண்களில் 191 தூண்களை கட்டியுள்ளது மற்றும் 450 'U' கர்டர்களில் 65 ஐ நிறுவியுள்ளது, அதற்கு மேல் பாதைகள் அமைக்கும் பணிகள் தொடங்கி உள்ளன., மேலும் இந்த பாதை அடுத்த ஆண்டு இறுதிக்குள் தயாராகிவிடும் என்று எதிர்பார்க்கப்படுகிறது.

சென்னையில் 2ம் கட்ட மெட்ரோ 3 வழித்தடங்களில் கொண்டு வரப்பட உள்ளது. 118.9 கிமீ தூரத்திற்கு இந்த மெட்ரோ பாதை கொண்டு வரப்பட உள்ளது. முதல் கட்டத்திற்கு ஆலந்தூர் எப்படி மையமாக இருந்ததோ இரண்டாம் கட்டத்திற்கு ஓஎம்ஆர் மையமாக இருக்கும். இந்த நிலையில்தான் ஓஎம்ஆர் சாலையில் அமைக்கப்படும் மெட்ரோ 2 பணிகள் முடிந்து 2027ல் இங்கே போக்குவரத்து தொடங்கும் என்று அறிவிக்கப்பட்டு உள்ளது. 2027க்குள் சிறுசேரி முதல் பெருங்குடியில் உள்ள நேரு நகர் வரை மெட்ரோ இயக்கப்படும் என்று அறிவிக்கப்பட்டு உள்ளது.

இதற்கான பணிகள் நடந்து வருகின்றன. இதில் 20-கிமீ நீளம் கொண்ட மாதவரம் முதல் சிப்காட் வரை - 45.4 கிமீ பணிகள் முடியும் தருவாயில் உள்ளன. இங்கு நேரு நகர், கந்தஞ்சாவடி, பெருங்குடி, தொரைப்பாக்கம், மேட்டுக்குப்பம், பிடிசி காலனி, ஒக்கியம்பேட்டை, காரப்பாக்கம், ஒக்கியம் தொரைப்பாக்கம், சோழிங்கநல்லூர், சோழிங்கநல்லூர் ஏரி I மெட்ரோ, சோழிங்கநல்லூர் ஏரி II மெட்ரோ, செம்மஞ்சேரி 1 மெட்ரோ, செம்மஞ்சேரி 2 மெட்ரோ, காந்தி நகர், நாவலூர் மெட்ரோ, சிறுசேரி, சிறுசேரி SIPCOT I மெட்ரோ மற்றும் சிறுசேரி SIPCOT II மெட்ரோ ஆகிய நிலையங்கள் இந்த பாதையில் அமைக்கப்படும். மாதவரம் முதல் சோழிங்கநல்லூர் வரையிலான 44.6 கிமீ நீளம் (காரிடார் 5) மற்றும் லைட் ஹவுஸ்-பூந்தமல்லி வரையிலான 26.1 கிமீ ஆகியவை இரண்டாம் கட்ட திட்டத்தில் உள்ள மற்ற இரண்டு வழித்தடங்களாகும்.

English summary

RITES Wins Chennai Metro Koyambedu – Avadi Line’s DPR Consultant Contract