SIR: செங்கல்பட்டு மாவட்ட மக்களுக்கு ஷாக்! 25% வாக்காளர்கள் நீக்கம்! தமிழ்நாட்டிலேயே 2ஆவது டாப்!

Updated: Friday, December 19, 2025, 16:22 [IST]

Subscribe to Oneindia Tamil

சென்னை: தமிழ்நாட்டில் நடைபெற்ற SIR பணிகளுக்குப் பிறகு வரைவு வாக்காளர் பட்டியல் இன்று வெளியானது. செங்கல்பட்டு மாவட்டத்தில் மிக அதிக எண்ணிக்கையிலான வாக்காளர்கள் நீக்கப்பட்டுள்ளனர். செங்கல்பட்டு மாவட்டத்தில் மொத்தமாக இருந்த 27,87,362 வாக்காளர்களில் 7,01,871 வாக்காளர்களின் பெயர்கள் நீக்கப்பட்டுள்ளன.

தமிழ்நாட்டில் வாக்காளர் பட்டியல் சிறப்பு தீவிர திருத்தப் பணிகள் (எஸ்ஐஆர்) கடந்த மாதம் தொடங்கியது. இதனையடுத்து இதற்கான பணிகளில் அரசு அலுவலர்கள் மும்முரமாக ஈடுபட்டனர். இம்மாதம் 14ம் தேதி வரை இதற்கான படிவங்களை பூர்த்தி செய்து வழங்கலாம் என தேர்தல் ஆணையம் அறிவித்திருந்தது. அதன்படி, அனைத்து மாவட்டங்களிலும் கடந்த 14 ஆம் தேதியோடு எஸ்ஐஆர் படிவங்கள் பூர்த்தி செய்து கொடுக்கப்பட்டன.

SIR Chengalpattu Tops List as Over 7 Lakh Voters Removed from Draft Electoral Roll

தகுதியான வாக்காளர்கள் புலம் பெயர்ந்தவர்கள், இறப்பு, இடம் மாற்றம் என பல்வேறு பிரிவுகளாக பிரிக்கப்பட்டு வாக்காளர் சரிபார்ப்பு பணி நடைபெற்றது. இரண்டு மாதங்கள் நடைபெற்ற இந்த பணி முழுவதுமாக முடிக்கப்பட்டு தற்போது தொகுதி வாரியாக வரைவு வாக்காளர் பட்டியல் வெளியிடப்பட்டுள்ளது.

செங்கல்பட்டு மாவட்டத்தில் தாம்பரம், பல்லாவரம், சோழிங்கநல்லூர், மதுராந்தகம், செய்யூர், செங்கல்பட்டு, திருப்போரூர் ஆகிய 7 சட்டப்பேரவை தொகுதிகள் உள்ளன. செங்கல்பட்டு மாவட்டத்தில் மொத்தமுள்ள 27,87,362 வாக்காளர்களில் 7,01,871 வாக்காளர்களின் பெயர்கள் நீக்கப்பட்டுள்ளன. இரட்டைப் பதிவு, இறந்தவர்கள் மற்றும் இடம்பெயர்ந்த வாக்காளர்களின் பெயர்கள் நீக்கப்பட்டதால், வாக்காளர் எண்ணிக்கை 20,85,491 ஆகக் குறைந்துள்ளது. இதன் மூலமாக மொத்த வாக்காளர்களில் 25% குறைந்துள்ளது.

சோழிங்கநல்லூர் தொகுதி மொத்த வாக்காளர் எண்ணிக்கை 7,02,450, நீக்கம் - 2,18,444, இறுதி வாக்காளர் எண்ணிக்கை- 4,84,005.

பல்லாவரம் மொத்த வாக்காளர் எண்ணிக்கை - 4,44,498, நீக்கம்- 1,49,789, இறுதி வாக்காளர் எண்ணிக்கை - 2,94,712.

தாம்பரம் மொத்த வாக்காளர் எண்ணிக்கை - 4,15,483, நீக்கம் - 1,21,137, இறுதி வாக்காளர் எண்ணிக்கை - 2,94,346.

செங்கல்பட்டு மொத்த வாக்காளர் எண்ணிக்கை - 4,45,500, நீக்கம்- 1,06,270, இறுதி வாக்காளர் எண்ணிக்கை - 3,39,231.

திருப்போரூர் மொத்த வாக்காளர் எண்ணிக்கை - 3,19,534, நீக்கம் - 47,558, இறுதி வாக்காளர் எண்ணிக்கை - 2,71,976.

செய்யூர் மொத்த வாக்காளர் எண்ணிக்கை - 2,28,255, நீக்கம் - 32,394, இறுதி வாக்காளர் எண்ணிக்கை - 1,95,861.

மதுராந்தகம் மொத்த வாக்காளர் எண்ணிக்கை - 2,31,642, நீக்கம் - 26,309, இறுதி வாக்காளர் எண்ணிக்கை 2,05,333.

அதிகபட்சமாக, சோழிங்கநல்லூர் சட்டசபை தொகுதியில் 2,18,444 வாக்காளர்கள் நீக்கப்பட்டுள்ளனர். இதன் மூலம் சோழிங்கநல்லூரின் மொத்த வாக்காளர்கள் எண்ணிக்கை 7,02,450-லிருந்து 4,84,005 ஆகக் குறைந்துள்ளது.