எஸ்பி வேலுமணிக்கு செக்.. அன்பரசன் டூ நந்தகுமார்... சென்னையில் ரெய்டு நடக்கும் 15 இடங்கள்.. விவரம்

Updated: Tuesday, August 10, 2021, 13:21 [IST]

Subscribe to Oneindia Tamil

சென்னை : அதிமுக முன்னாள் அமைச்சர் எஸ்.பி.வேலுமணி தனக்கு நெருக்கமானவர்களுக்கு ரூ.811 கோடி ஒப்பந்தங்களை ஒதுக்கியதாக புகார் எழுந்துள்ளது.இது தொடர்பாக லஞ்ச ஒழிப்புத்துறையினர் தமிழகம் முழுவதும் பல்வேறு இடங்களில் சோதனை நடத்தி வருகின்றனர். சென்னையில் மட்டும் 15 இடங்களில் ரெய்டு நடக்கிறது.

Recommended Video

சிக்கினார் SP Velumani | DVAC Raid பரபர பின்னணி | Oneindia Tamil

அதிமுக முன்னாள் அமைச்சர் எஸ்.பி.வேலுமணி, கடந்த ஆட்சியில் உள்ளாட்சி துறை அமைச்சராக இருந்தார். அவர் அமைச்சராக இருந்த காலத்தில் 2014 முதல் 2018 வரை கோவை மாநகராட்சியில் 346.81 கோடிக்கு ஒப்பந்தங்களும், சென்னை மாநகராட்சியில் ரூ.464.02 கோடி ஒப்பந்தங்களும் நெருக்கமானவர்களுக்கு அளித்ததாக திமுக சார்பில் ஆர்எஸ் பாரதி எம்பி புகார் அளித்திருந்தார்.

இந்த புகாரின் பேரில் லஞ்ச ஒழிப்புத்துறை முதல் தகவல் அறிக்கை பதிவு செய்துள்ளது..எஸ்பி வேலுமணி உள்பட 17 பேர் மீது வழக்கு பதிவு செய்யப்பட்டுள்ளது. இந்த வழக்கு தொடர்பாக எஸ்பி வேலுமணியின் வீடு, எம்எல்ஏ விடுதி, ஆடிட்டர் இல்லம் மற்றும் அவருக்கு நெருக்கமான இடங்கள் என 52க்கும் மேற்பட்ட இடங்களில் லஞ்ச ஒழிப்பு துறை போலீசார் இன்றுகாலை முதலே சோதனை நடத்தி வருகிறார்கள்.

அன்பரசன் வீடு

சென்னையில் மட்டும் 15 இடங்களில் லஞ்ச ஒழிப்பு துறை போலீசார் சோதனையில் ஈடுபட்டுள்ளனர். அதன் விவரங்களை இப்போது பார்ப்போம். சென்னை எம்ஆர்சி நகரில் உள்ள டிஆர் அன்பரசன் என்பவரது வீட்டில் சோதனை நடந்து வருகிறது. இதேபோல் கோடம்பாக்கத்தில் உள்ள ஆலயம் பவுண்டேசனில் ரெய்டு நடக்கிறது.

கன்ஸ்ட்ரோமால் குட்ஸ்

சென்னை ஆழ்வார்பேட்டையில் உள்ள நமதுஅம்மா அலுவலகம், அதே ஆழ்வார்பேட்டையில் உள்ள கேசிபி இன்ஜினியரிங் பிரைவேட் லிமிடெட் நிறுவனம் ஆகியவற்றிலும் லஞ்ச ஒழிப்பு துறை சோதனை மேற்கொண்டு வருகிறது. சென்னை மயிலாப்பூரில் உள்ள constromall goods பிரைவேட் லிமிடெட் நிறுவனத்தின் அலுவலகங்களிலும், ஆழ்வார்பேட்டையில் உள்ள ar.es.ps infra பிரைவேட் லிமிடெட் நிறுவனத்திலும், தேனாம்பேட்டையில் உள்ள ஆலம் கோல்டு மற்றும் டைமண்ட்ஸ் பிரைவேட் லிமிடெட் நிறுவனத்திலும் சோதனை நடந்து வருகிறது.

எஸ்பி பில்டர்ஸ்

தேனாம்பேட்டையில் உள்ள ராஜாமணி ராகவாச்சாரி என்பவரது வீட்டிலும். அரும்பாக்கத்தில் உள்ள கிருஷ்ணசாமி முத்துகுமாரசாமி என்பவரது வீட்டிலும், மேற்கு முகப்பேரில் உள்ள எஸ்பி பில்டர்ஸ் நிறுவனர் ஆர் முருகேசன் அலுவலகத்திலும், வேளச்சேரி ராம்நகரில் உள்ள சந்திரசேகர் என்பவரது வீட்டிலும் வருமான வரித்துறை சோதனை நடத்தி வருகிறது.

சென்னை மாநகராட்சி பொறியாளர்

அடையாறு காந்தி நகரில் உள்ள சென்னை மாநகராட்சி தலைமை பொறியாளர் நந்தகுமாரின் இல்லம், வில்லிவாக்கம் நேதாஜி நகரில் உள்ள சென்னை தலைமை பொறியாளர் புகழேந்தி, சென்னை திருநீர்மலையில் உள்ளள கேபிஆர் இன்ஜினிரியர்ஸ் பிரைவேட் லிமிடெட் நிறுவனம், வில்லிவாக்கத்தில் உள்ள பென்னி என்பவரது வீடு, மாதவரம் பால்பண்ணை காலணியில் உள்ள தாமஸ் அய்யாதுரை என்பவரது வீடு உள்ளிட்ட மொத்தம் 15 இடங்களில் சென்னை லஞ்ச ஒழிப்புதுறை ரெய்டு நடத்தி வருகிறது.