சென்னை அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

இது லிஸ்ட்லயே இல்லையே.. பாஜகவிலிருந்து மக்கள் நீதி மய்யம் கட்சிக்கு ஒரே ஜம்ப்! யார் இந்த முனியசாமி?

Google Oneindia Tamil News

சென்னை: தமிழக பாஜகவில் முக்கிய பொறுப்பில் இருந்த வி முனியசாமி அக்கட்சிக்கு முழுக்கு போட்டு நடிகர் கமல்ஹாசன் முன்னிலையில் மக்கள் நீதிமய்யத்தில் இணைந்துள்ளார். இவர் யார்? என்பது பற்றிய முக்கிய தகவல் வெளியாகி உள்ளது.

தமிழகத்தில் தற்போது ஒவ்வொரு அரசியல் கட்சி பிரமுகர்களும் கட்சி மாறி வருகின்றனர். குறிப்பாக அதிமுக, பாஜகவில் இருந்து நிர்வாகிகள் பிரிந்து வேறு கட்சிகளுக்கு சென்று வருகின்றனர். இதேபோல் பிற கட்சியில் இருப்பவர்கள் அதிமுக, பாஜகவில் இணைந்து வருகின்றனர்.

2024ல் நாடாளுமன்ற தேர்தல் நடைபெற உள்ளது. இதனால் தற்போதே திமுக, அதிமுக, பாஜக, காங்கிரஸ் உள்பட அனைத்து கட்சிகளும் நாடாளுமன்ற தேர்தலுக்கு தயாராகி வருகின்றன.

கொரோனாவை உருவாக்கிய சீனா-அம்பலமானது குட்டு..கம்யூனிஸ்டுகள் இந்தியாவின் சாபக்கேடு..பாஜக கடும் அட்டாக் கொரோனாவை உருவாக்கிய சீனா-அம்பலமானது குட்டு..கம்யூனிஸ்டுகள் இந்தியாவின் சாபக்கேடு..பாஜக கடும் அட்டாக்

பாஜகவில் விலகிய நிர்வாகி

பாஜகவில் விலகிய நிர்வாகி

இதனால் வரும் நாட்களில் கட்சி மாறுபவர்களின் எண்ணிக்கை இன்னும் அதிகரிக்கலாம் என கூறப்படுகிறது. இந்நிலையில் தான் பாஜகவின் மாநில நிர்வாகியான வி முனியசாமி அக்கட்சியில் இருந்து விலகி உள்ளார். பாஜகவில் தமிழக பொருளாதார அணியின் மாநில துணை தலைவராக பொறுப்பு வகித்த வந்த நிலையில் அவர் விலகி உள்ளார்.

மக்கள் நீதிமய்யத்தில்...

மக்கள் நீதிமய்யத்தில்...

பாஜகவில் இருந்து விலகிய வி முனியசாமி கமல்ஹாசன் முன்னிலையில் மக்கள் நீதி மய்யத்தில் இணைந்துள்ளார். நாடாளுமன்ற தேர்தலில் கவனம் செலுத்தும் வகையில் மக்கள் நீதி மய்யம் பணிகளை துவங்கி ஆலோசித்து வருகிறது. இந்நிலையில் தான் நேற்று மக்கள் நீதி மய்யம் கட்சியின் செயற்குழு கூட்டம் அந்த கட்சியின் தலைமை அலுவலகத்தில் நடந்தது. இந்த கூட்டத்தில் மக்கள் நீதி மய்யத்தின் தலைவர் கமல்ஹாசன் பங்கேற்றார். இந்த வேளையில் வி முனியசாமி, மக்கள் நீதி மய்யத்தில் இணைந்தார்.

ட்விட்டரில் உறுதி

ட்விட்டரில் உறுதி

இதுதொடர்பாக மக்கள் நீதி மய்யத்தின் ட்விட்டர் பதிவில் கூறப்பட்டுள்ளது. அதில், ‛‛பாஜக மாநில துணைத் தலைவர் (பொருளாதாரம்) வி முனியசாமி, மக்கள் நீதி மய்யம் கட்சியின் தலைவர் கமல்ஹாசன் முன்னிலையில் கட்சியில் இணைந்துள்ளார். இந்நிகழ்வின்போது மக்கள் நீதி மய்யம் துணைத் தலைவர்கள் ஏ.ஜி.மவுரியா, ஆர்.தங்கவேலு, மதுரை மண்டல செயலாளர் அழகர் ஆகியோர் உடனிருந்தனர்'' என தெரிவிக்கப்பட்டுள்ளது.

கூட்டணி அமைத்து போட்டி

கூட்டணி அமைத்து போட்டி

கடந்த 2019ல் நடந்த நாடாளுமன்ற தேர்தல், கடந்த ஆண்டு நடந்த சட்டசபை தேர்தலில் மக்கள் நீதிமய்யம் போட்டியிட்டாலும் வெற்றியை பதிவு செய்யவில்லை. இதனால் 2024 நாடாளுமன்ற தேர்தலில் எப்படியாவது வெற்றியை பதிவு செய்ய வேண்டும் என்ற முனைப்பில் கமல்ஹாசன் திட்டமிட்டு செயல்பட்டு வருகிறார். மக்கள் நீதி மய்யம் கூட்டணி அமைத்து நாடாளுமன்ற தேர்தலில் களமிறங்கலாம் என கூறப்படும் நிலையில் அந்த கூட்டணி திமுகவுடன் இருக்கலாம் என தகவல்கள் பரவி வருகின்றன. இருப்பினும் கூட்டணி யாருடன் என்பது பற்றி கமல்ஹாசன் தரப்பிலும், திமுக தரப்பிலும் இதுவரை எதுவும் கூறப்படவில்லை என்பது குறிப்பிடத்தக்கது.

English summary
V Muniyaswamy, who was an important member of the Tamil Nadu BJP, has joined the Makkal Needhi Maiyam in the presence of actor Kamal Haasan. who is this V Muniyaswamy? Important information has been released.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X