கல்லூரி மாணவர்களுக்கு தமிழக அரசின் ரூ 25 ஆயிரம் உதவித்தொகை! விண்ணப்பிப்பது எப்படி?

Updated: Saturday, November 15, 2025, 10:34 [IST]

Subscribe to Oneindia Tamil

சென்னை: தமிழக அரசு "தமிழ்நாடு தொல்குடியினர் ஆய்வு உதவித்தொகை திட்டத்தை அறிமுகப்படுத்தியுள்ளது. இந்த திட்டத்தின் கீழ் பழங்குடியினர் குறித்து ஆய்வு செய்யும் இளங்கலை, முதுகலை, முனைவர் பட்டம் படிக்கும் மாணவர்களுக்கு மாதம் ரூ 25 ஆயிரம் வரை உதவித் தொகை வழங்கப்படும்.

தமிழக அரசு மாணவர்களின் கல்வி, ஆய்வுத் துறையை ஊக்குவிப்பதற்காக பல்வேறு நலத்திட்டங்களை நடைமுறைப்படுத்தி வருகிறது. அதில் ஒன்றாக 2024 ஆம் ஆண்டு தமிழ்நாடு தொல்குடியினர் ஆய்வு உதவித்தொகை திட்டம் (Tamil Nadu Fellowship for Tribal Research - TNFTR) அறிமுகமானது.

இந்த திட்டத்தின் மூலம் பழங்குடியினரின் வாழ்க்கை வரலாறு, அவர்களது வாழ்க்கை முறைகள், பண்பாடு, உரிமைகள் உள்ளிட்டவைகளை ஆய்வு செய்யும் மாணவர்களுக்கு மாதாந்திர நிதியுதவி வழங்கப்படும்.

ஆதிதிராவிடர் மற்றும் பழங்குடியினர் நலத்துறை மேற்கொள்ளும் இந்த திட்டத்தில், பழங்குடியினர் தொடர்பான ஆய்வுத்துறையை விரிவுபடுத்தும் நோக்கில் மாணவர்கள் தேர்வு செய்யப்படுகிறார்கள்.

ஆண்டுதோறும் 70 மாணவர்களுக்கு மட்டுமே இந்த உதவித் தொகை வழங்கப்படும். இந்த உதவித் தொகையை பெற யாரெல்லாம் விண்ணப்பிக்கலாம் என்பதை தெரிந்து கொள்ளலாம்.