அமைச்சர் சேகர் பாபு கொடுத்த சர்ப்ரைஸ்.. கொஞ்சமும் எதிர்பார்க்காத கோவில் "குருக்கள்கள்".. நெகிழ்ச்சி

Updated: Monday, June 28, 2021, 19:31 [IST]

Subscribe to Oneindia Tamil

சென்னை: தமிழ்நாடு இந்து சமய அறநிலையத்துறை சார்பாக கோவில் பணியாளர்களுக்கு இலவச வேக்சின் கொடுக்கப்பட்ட சம்பவம் கோவில் ஊழியர்களிடம் பெரிய வரவேற்பை பெற்றுள்ளது.

தமிழ்நாட்டில் கொரோனா பரவல் குறைய தொடங்கி உள்ள நிலையில், கொஞ்சம் கொஞ்சமாக தளர்வுகள் அமல்படுத்தப்பட்டு வருகின்றன. கொரோனா பரவல் குறைவாக உள்ள சென்னை, காஞ்சிபுரம், செங்கல்பட்டு, திருவள்ளூர் ஆகிய 4 மாவட்டங்களில் அதிக தளர்வுகள் அமல்படுத்தப்பட்டு உள்ளன.

பொருளாதார நடவடிக்கைகளை மேற்கொள்ளவும், மக்கள் பணிகள் மேற்கொள்ள வசதியாகவும் இங்கு கூடுதல் தளர்வுகள் கொண்டு வரப்பட்டுள்ளன.

தளர்வு

சென்னை, காஞ்சிபுரம், செங்கல்பட்டு, திருவள்ளூர் ஆகிய 4 மாவட்டங்களில் கோவில்கள் திறக்கப்பட்டுள்ளன. பக்தர்கள் முழு கொரோனா விதிகளை பின்பற்றி, மாஸ்க் அணிந்து கோவில்களில் சாமி வழிபாடு செய்ய அனுமதிக்கப்பட்டுள்ளது. பூஜைகள் செய்யவும் அனுமதி அளிக்கப்பட்டுள்ளன.

எப்படி

இந்த நிலையில் சென்னையில் உள்ள 3500க்கும் அதிகமான கோவில்கள் இன்று இயங்குவதால் கொரோனா பரவும் அபாயமும் ஏற்பட்டுள்ளது. இந்த நிலையில் கோவில் பணியாளர்களின் பாதுகாப்பை உறுதி செய்யும் விதமாக தமிழ்நாடு இந்து சமய அறநிலையத்துறை சார்பாக கோவில் பணியாளர்களுக்கு இலவச வேக்சின் கொடுக்கப்பட்டது. இந்து சமய அறநிலையத்துறை சேகர் பாபு இந்த பணிகளை இன்று மேற்பார்வையிட்டார்.

வேக்சின்

சென்னை மண்டலத்திலுள்ள திருக்கோயிலில் பணியாற்றும் பணியாளர்களுக்கான கொரோனா தடுப்பூசி முகாம் தொடங்கி வைக்கப்பட்டது. தினசரி கோவில் பணியாளர்களுக்கு தனியாக தடுப்பூசி முகாம் நடத்தப்பட்டு, அவர்களுக்கு வேக்சின் கொடுக்கப்படும். மக்கள் பலரை கோவில் பணியாளர்கள் இனி சந்திப்பார்கள். இதனால் இவர்களிடடம் இருந்து மக்களுக்கோ, மக்களிடமே இருந்து இவர்களுக்கோ நோய் பரவும் அபாயம் உள்ளது.

வேக்சின்

இதை தடுக்கும் பொருட்டு இந்து சமய அறநிலையத்துறை ஊழியர்கள், கோவில் குருக்கள்கள், மற்ற கோவில் பணியாளர்கள் எல்லோருக்கும் வேக்சின் போட முடிவு செய்யப்பட்டுள்ளது. இந்து சமய அறநிலையத்துறை சேகர் பாபு திடீரென கோவில் ஊழியர்களுக்கு இப்படி வேக்சின் கொடுக்கும் முடிவை எடுத்தது பணியாளர்கள் இடையே வரவேற்பை பெற்றுள்ளது. திமுக எம்எல்ஏ உதயநிதி ஸ்டாலின் இந்த வேக்சின் முகாமை இன்று பார்வையிட்டது குறிப்பிடத்தக்கது.