திருச்செந்தூர் முருகன் சூரசம்ஹாரம் LIVE: அரோகரா சரண கோஷங்கள் விண்ணதிர சூரனை வதம் செய்தார் வேலவன்!

Updated: Thursday, November 7, 2024, 17:56 [IST]

Subscribe to Oneindia Tamil

சென்னை: கந்த சஷ்டி திருவிழாவின் முக்கிய நிகழ்வான சூரசம்ஹாரம் நிகழ்வு முருகப் பெருமான் திருத்தலங்களில் இன்று நடைபெறுகிறது. அறுபடை வீடுகளில் 2-ம் படை வீடான திருச்செந்தூர் சுப்பிரமணியசுவாமி திருக்கோவிலில் நடைபெறும் சூரசம்ஹார நிகழ்ச்சியை காண்பதற்காக லட்சக்கணக்கான பக்தர்கள் கடல் அலைபோல குவிந்துள்ளனர்.

சூரசம்ஹார நிகழ்வின் லைவ் அப்டேட்டுகளை இந்தப் பக்கத்தில் காணலாம்

soorasamharam tiruchendur murugan soorasamharam

Nov 07, 2024, 6:40 pm IST

கோவிலுக்கு திரும்பினார்

கடற்கரையில் இருந்து சூரசம்ஹாரம் முடிவடைந்த பின்னர் வள்ளி, தெய்வானை தெய்வங்களுடன் கோவிலுக்கு திரும்பினார் முருகப் பெருமான்.

Nov 07, 2024, 6:39 pm IST

வள்ளி தெய்வானையுடன் முருகன் திருக்கோலம்

சூரசம்ஹார வதம் நிகழ்வுக்குப் பின்னர் வள்ளி, தெய்வானையுடன் எழுந்தருளி காட்சி அளித்தார் முருகப் பெருமான்

Nov 07, 2024, 5:51 pm IST

திருக்கல்யாணம்

தேவர்களை சிறைமீட்டு அசுரர்களை வதம் செய்து அழித்த முருகப் பெருமானுக்கு இந்திரன் மகன் தெய்வானையை மணம் முடித்து தருகிற புராண நிகழ்வு நாளை 'திருக்கல்யாண' நிகழ்வாக நடைபெறும். திருப்பரங்குன்றத்தில் முருகன்- தெய்வானை திருமணம் நடந்தது என்கிறது புராணம்

Nov 07, 2024, 5:42 pm IST

சேவலும் மயிலுமாக முருகனை வலம் வரும் அசுரர்கள்

வதம் செய்யப்பட்ட பின்னர் முருகனிடம் சேவலாகவும் மயிலாகவும் அடைக்கலமான அசுரர்கள் வீரன் வெற்றிவேலை வலம் வந்து கொண்டிருக்கின்றனர்

Nov 07, 2024, 5:30 pm IST

சேவலும் மயிலுமாக மாறிய அசுரர்கள்

தீமைகளுடன் வலம் வந்த அசுரர்கள் அழிக்கப்பட்டு முருகனின் சேவலும் மயிலுமாக மாறிவிட்டதாக புராணம் கூறுகிறது

Nov 07, 2024, 5:28 pm IST

அசுரர்களை அழித்த முருகன் திரும்புகிறார்

திருச்செந்தூர் கடலோரத்தில் அசுரர்களை அழித்த முருகப் பெருமான் சந்தோஷ மண்டபத்துக்கு திரும்பிக் கொண்டிருக்கிறார்

Nov 07, 2024, 5:25 pm IST

சூரபத்மனை வதம் செய்தார் திருச்செந்தூர் செந்தில் ஆண்டவர்

கந்த சஷ்டிப் பெருவிழாவின் சிகரமான சூரபத்மன் எனும் அசுரனை வதம் செய்தார் திருச்செந்தூர் வாழ் செந்தில் ஆண்டவர்.. பக்தர்கள் விண்ணதிர அரோகரா சரண கோஷங்கள் எழுப்பினர்

Nov 07, 2024, 5:23 pm IST

ஆணவ வடிவம் சூரபத்மனை வதம் செய்தார் முருகப் பெருமான்

சிக்கலில் பெற்ற சக்திவேலால் ஆணவ வடிவிலான அசுரன் சூரபத்மனை வதம் செய்தார் திருச்செந்தூர் முருகப் பெருமான்

Nov 07, 2024, 5:20 pm IST

சூரபத்மனை வதம் செய்கிறார் முருகப் பெருமான்

அசுரன் சூரபத்மனை வதம் செய்ய முருகனின் வீரவேல் புறப்பட்டது

Nov 07, 2024, 5:19 pm IST

முருகப் பெருமான் எதிரே சூரபத்மன் எனும் அசுரன்

யுத்த களத்திலே முருகப் பெருமானை எதிர்கொண்டு நிற்கிறான் அசுரன் 'ஆணவத்தின்' வெளிப்பாடு சூரபத்மன்

Nov 07, 2024, 5:18 pm IST

முருகனை நோக்கி முன்னேறும் சூரன்

யுத்த களத்தில் நம் ஜெயந்திநாதனை நோக்கி முன்னேறுகிறான் அசுரன் சூரன்

Nov 07, 2024, 5:13 pm IST

சூரனை அழிக்க புறப்பட்ட செந்தில் ஆண்டவர்

சூரன் எனும் அசுரர்குலத் தலைவனை வதம் செய்ய வீரவேல், வெற்றிவேலுடன் புறப்பட்டார் செந்தில்நாதன் ஆண்டவர்

Nov 07, 2024, 5:10 pm IST

சிங்கமுகனை வதம் செய்தது முருகனின் ஞானவேல்

சிங்க முக அசுரனை வதம் செய்தது முருகப் பெருமானின் வீரவேல்

Nov 07, 2024, 5:08 pm IST

முருகனுடன் மோத முன்வரும் சிங்கமுகத்தான்

முருகப் பெருமானுடன் மோதுவதற்காக மூர்க்கமாக நிற்கிறான் சிங்க முகத்தான் அசுரன்

Nov 07, 2024, 5:04 pm IST

ஆசையின் வடிவம் சிங்கமுக அசுரன்

தராகனை போல சிங்கமுக அசுரனும் முருகனை வலம் வந்து தமது பலத்தைக் காட்டுகிறார்

Nov 07, 2024, 5:02 pm IST

கூட்ட நெரிசலில் மயக்கம்

கூட்ட நெரிசலில் ஒருசிலர் மயக்கம் அடைந்தனர்.

Nov 07, 2024, 4:56 pm IST

சிங்க முக அசுரனை அழிக்க புறப்பட்டார் முருகன்

யானை முகத்தான் அசுரன் தலையை கொய்த ஞானவேல் முருகன், சிங்க முக அசுரனை வதம் செய்ய புறப்பட்டார்

Nov 07, 2024, 4:55 pm IST

தாரகனை வீழ்த்தியது முருகனின் ஞானவேல்

தாரகன் அசுரனின் தலையை கொய்த ஞானவேல் வெற்றியுடன் மீண்டும் முருகனிடம் திரும்பி வந்தது

Nov 07, 2024, 4:52 pm IST

தாரகனைத் தொடர்ந்து சிங்கமுகத்தானை வதம் செய்வார்

யானை முகத்தான் தாரகனை வதம் செய்த பின்னர் சிங்க முகத்தான் அசுரனை வதம் செய்வார் முருகப் பெருமான்

Nov 07, 2024, 4:51 pm IST

தாரகன் ஆர்ப்பரிக்க முருகன் அமைதி காக்க

அசுரன் தாரகன் ஆர்ப்பாட்டத்துடன் முருகப் பெருமானை சுற்றி வர ஞானவேலுடன் முருகப் பெருமானோ அமைதி வடிவாய் ஞானத்தின் உச்சமாய் நிற்கிறார்

Nov 07, 2024, 4:49 pm IST

வாளும் கேடயமுமாக அசுரன்

அசுரன் தாரகன், வாளும் கேடயமுமாக முருகப் பெருமானை சுற்றி சுற்றி மமதையுடன் வலம் வருகிறான்

Nov 07, 2024, 4:48 pm IST

முருகப் பெருமானை நெருங்கும் தாரகன்

யானை தலையை ஆட்டியபடி முருகப் பெருமானை சுற்றியபடியே' நானே உயர்ந்தவன்' என்ற மாயையுடன் அசுரன் தாரகன் வலம் வருகிறான்

Nov 07, 2024, 4:43 pm IST

முதலில் தாரகனை அழிக்கும் முருகன்

தாமே எல்லாம் என்கிற 'மயையான' தாரகனை அழிக்கிறார் முருகப் பெருமான்

Nov 07, 2024, 4:32 pm IST

விண்ணதிர சரண கோஷம்

திருச்செந்தூர் கடற்பரப்பில் லட்சக்கணக்கான பக்தர்கள் ஒரு சேர அரோகரா சரண கோஷங்களை விண்ணதிர எழுப்புகின்றனர்

Nov 07, 2024, 4:30 pm IST

அரோகரா கோஷத்தால் அதிர்வு

முருக பக்தர்களின் அரோகரா சரண கோஷங்களால் அதிர்ந்தது திருச்செந்தூர் திருத்தலம்

Nov 07, 2024, 4:28 pm IST

கடற்கரை நோக்கி வருகிறார் முருகப் பெருமான்

சூரனை வதம்செய்ய வேலேந்தி சேவலை கொடியாக்கி வீறு கொண்டு வருகிறார் முருகப் பெருமான்

Nov 07, 2024, 4:21 pm IST

சரண கோஷங்களுடன் புறப்பட்ட முருகன்

சூரசம்ஹாரம் செய்ய கடற்கரை நோக்கி சரண கோஷங்களுடன் படைவாரங்களுடன் புறப்பட்டார் முருகப் பெருமன்

Nov 07, 2024, 4:21 pm IST

மண்டபத்தில் இருந்து எழுந்தருளும் முருகப் பெருமான்

மண்டபத்தில் இருந்து முருகப் பெருமாள் எழுந்தருளுகிறார்

Nov 07, 2024, 4:10 pm IST

கடற்கரையில் எழுந்தருளுகிறார் முருகன்

சற்று நேரத்தில் திருச்செந்தூர் கடற்கரையில் முருகப் பெருமான் எழுந்தருள இருக்கிறார்

Nov 07, 2024, 3:55 pm IST

அமைச்சர் மற்றும் அதிகாரிகள் பங்கேற்பு

சூரசம்ஹார நிகழ்வில் அமைச்சர் சேகர்பாபு மற்றும் மாவட்ட ஆட்சியர் உள்ளிட்ட அரசு அதிகாரிகள் பங்கேற்றுள்ளனர்

2:12 PM, 7 Nov

மாலை 4 மணிக்கு சூரசம்ஹாரம்

திருச்செந்தூரில் மாலை 4 மனிக்கு சூரசம்ஹார நிகழ்ச்சி தொடங்குகிறது

2:14 PM, 7 Nov

வல்லக்கோட்டையில் ரத்து

காஞ்சிபுரம் மாவட்டம் வல்லக்கோட்டை முருகன் கோவிலில் குடமுழுக்கு விழாவை முன்னிட்டு சூரனை வதம் செய்யும் சூரசம்ஹாரம் நிகழ்ச்சி இன்று ரத்து செய்யப்பட்டுள்ளது

2:15 PM, 7 Nov

வடபழனியில் பலத்த பாதுகாப்பு

வடபழனி முருகன் கோவிலில் பல்லாயிரக்கணக்கான பக்தர்கள் திரண்டிருப்பதால் பலத்த பாதுகாப்பு ஏற்பாடுகள் செய்யப்பட்டுள்ளன.

2:16 PM, 7 Nov

பழமுதிர்சோலை முருகன் கோவில்

அழகர்கோவில் மலையில் உள்ள பழமுதிர் சோலை சோலைமலை முருகன் கோவிலில் மாலை 3.30 மணிக்கு சூரசம்ஹாரம் நிகழ்ச்சி தொடங்குகிறது

2:18 PM, 7 Nov

சூரசம்ஹாரம் நிகழ்வுகள் என்ன?

முதலில் வேல் வாங்கும் நிகழ்ச்சி நடைபெறும்; பின்னர் சூரனை வதம் செய்யும் நிகழ்ச்சி பக்தர்களின் அரோகரா சரணகோஷத்துடன் நடைபெறும்

2:19 PM, 7 Nov

கந்தனை வணங்குவோம்

ஓம் கருணைக் கடலே கந்தா போற்றி..! தமிழ்க் கடவுள் ஆறுமுகப் பெருமானின் ஆறுபடை வீடுகளில் ஒன்றான திருச்செந்தூரில், தீயவை அழித்து நன்மையை விதைக்கின்ற விதமாக இன்று நடைபெறுகின்ற சூரசம்ஹார நிகழ்வைப் போற்றி, வேலுண்டு வினையில்லை என்றபடி கந்தனை வணங்குவோம்..! வெற்றிவேல்..! வீரவேல்..!- மத்திய இணை அமைச்சர் எல்.முருகன்

2:20 PM, 7 Nov

ஆளுநர் ரவி ட்வீட்

சூரசம்ஹார வைபவத்தில் அனைவருக்கும் மனமார்ந்த வாழ்த்துக்கள். இந்த நாளில் முருகப்பெருமான் நம் அனைவருக்கும் நல்ல ஆரோக்கியம், வளம் மற்றும் அளவற்ற மகிழ்ச்சியைப் பெருக்கி, அறியாமையின் நிழலில் இருந்து வெளிவரும் துணிச்சல், வலிமை, ஞானம் ஆகியவற்றை வழங்கி, நமக்குள்ளும் நம்மை சுற்றியும் பீடித்துள்ள தீய சக்திகளை வீழ்த்தி, தர்மத்தையும் நியாயத்தையும் உறுதிப்படுத்த அருள்புரிவராக. வெற்றிவேல் முருகனுக்கு அரோகரா! - தமிழ்நாடு ஆளுநர் ஆர்.என்.ரவி

சூரசம்ஹார வைபவத்தில் அனைவருக்கும் மனமார்ந்த வாழ்த்துக்கள். இந்த நாளில் முருகப்பெருமான் நம் அனைவருக்கும் நல்ல ஆரோக்கியம், வளம் மற்றும் அளவற்ற மகிழ்ச்சியைப் பெருக்கி, அறியாமையின் நிழலில் இருந்து வெளிவரும் துணிச்சல், வலிமை, ஞானம் ஆகியவற்றை வழங்கி, நமக்குள்ளும் நம்மை சுற்றியும்… pic.twitter.com/vXMTYfF9MS
— RAJ BHAVAN, TAMIL NADU (@rajbhavan_tn) November 7, 2024

2:21 PM, 7 Nov

சூரசம்ஹாரம் என்பது என்ன?

அசுரர் குலத்தைச் சேர்ந்த சூரபத்மனை முருகப் பெருமான் அழித்ததன் நினைவாக சூரசம்ஹார நிகழ்வு 'ஆன்மீக' நிகழ்வாக முருகப் பெருமான் திருக்கோவில்களில் நடைபெறுகிறது.

2:24 PM, 7 Nov

திருக்கல்யாண நிகழ்வு

தேவர்களை கொடுமைபடுத்திய அசுரர்களை அழித்த முருகனுக்கு இந்திரன் தன் மகள் தேவயானையை திருமணம் செய்து தருகிற திருக்கல்யாண நிகழ்வு நாளை முருகப் பெருமான் ஆலயங்களில் நடைபெறும்

2:30 PM, 7 Nov

திருச்செந்தூரில் என்ன நிகழ்வு?

திருச்செந்தூர் முருகன் கோவிலில் சுவாமி ஜெயந்திநாதர் சூரசம்ஹாரத்துக்கு மாலை 4.30 மணிக்கு எழுந்தருளி கடற்கரையில் சூரபத்மனை வதம் செய்கிறார். இதுதான் சூரசம்ஹாரம். இந்த நிகழ்ச்சிக்குப் பின்னர் ஜெயந்திநாதர், கிரிப்பிரகாரத்தில் வலம் வந்து கோவிலில் சாயாபிஷேகம் நடைபெறும்.

2:57 PM, 7 Nov

காலை முதலே மக்கள் வெள்ளம்

திருச்செந்தூரில் காலை முதலே மக்கள் பெருவெள்ளமாக கூடி உள்ளனர். திருச்செந்தூரில் காலை முதலே பொதுமக்களுக்கு அன்னதானம் வழங்கப்பட்டும் வருகிறது.

3:04 PM, 7 Nov

வயலூர் முருகன் கோவிலில்

திருப்பணிகள் நடைபெறுவதால் வயலூர் முருகன் கோவிலில் சூரசம்ஹாரம் நிகழ்வு இன்று நடைபெறவில்லை

3:07 PM, 7 Nov

சிறப்பு ரயில்கள்

தாம்பரம் – திருநெல்வேலி ; திருச்செந்தூர் – சென்னை எழும்பூர் இடையே சிறப்பு ரயில்கள் இயக்கம். இன்று இரவு 10.15 மணிக்கு திருச்செந்தூரில் இருந்து சிறப்பு ரயில் புறப்படும். திருச்செந்தூர்- திருநெல்வேலி- திருச்செந்தூர் இடையே முன்பதிவு இல்லாத ரயில் சேவையும் இயக்கப்படுகிறது. திருச்செந்தூரில் இருந்து இன்று இரவு 8.50 மணிக்குப் புறப்பட்டு திருநெல்வேலியை இரவு 10.15 மணிக்கு இந்த முன்பதிவு இல்லாத சிறப்பு ரயில் சென்றடையும்.

3:23 PM, 7 Nov