கவுதமி, குஷ்பு வந்து சேர்ந்தாச்சு.. அடுத்து ஆக்‌ஷன் கிங் நடிகர் அர்ஜூன் பாஜக ஜோதியில் ஐக்கியமா?

Updated: Wednesday, March 10, 2021, 22:56 [IST]

Subscribe to Oneindia Tamil

சென்னை: சினிமா பிரபலங்களை வரிசை கட்டி இழுக்கும் ரேஸில் பாஜகதான் முதலிடத்தில் இருக்கிறது. கவுதமி, குஷ்பு, நமீதாவை தொடர்ந்து தற்போது ஆக்‌ஷன் கிங் நடிகர் அர்ஜூனையும் பாஜக இழுக்கிறதாம்.

பாஜகவில் சினிமா பிரபலங்கள்

அதேபோல் கூண்டோடு எம்.எல்.ஏக்களை ராஜினாமா செய்ய வைத்து ஆட்சியை கவிழ்ப்பதில் கை தேர்ந்த கட்சியாக இருக்கிறது பாஜக. மேலும் சினிமா பிரபலங்கள் யாராக இருந்தாலும் அள்ளிப் போட்டுக் கொள்வதில் தமிழக பாஜகதான் டாப்.

பாஜக நட்சத்திரங்கள்

ஏற்கனவே ராதாரவி, கங்கை அமரன், கவுதமி, குஷ்பு, ஆர்கே சுரேஷ், நமீதா, கஸ்தூரி ராஜா என ஏகப்பட்ட திரை நட்சத்திரங்கள் பாஜகவில் ஐக்கியமாகினர். இவர்களில் ஒன்றிரண்டுதான் இப்போது சீனிலேயே இருக்கின்றனர். மற்றவர்களை எல்லாம் பாஜக கண்டு கொள்வதும் இல்லை.

பாஜக தலைவர்களுடன் அர்ஜூன் சந்திப்பு

இந்த நிலையில் சென்னையில் பாஜக தலைவர்களை திடீரென நடிகர் அர்ஜூன் சந்தித்து பேசியுள்ளார். மத்திய உள்துறை இணை அமைச்சரும் தமிழக தேர்தல் பொறுப்பாளருமான கிஷண் ரெட்டி, தமிழக பாஜக தலைவர் முருகன் ஆகியோரை நேற்று நடிகர் அர்ஜூன் சந்தித்து பேசினார்.

அர்ஜூன் மீது பாலியல் சர்ச்சை புகார்

இதனால் நடிகர் அர்ஜூனும் பாஜகவில் இணையக் கூடும் என தகவல்கள் பரவுகின்றன. ஏற்கனவே மீ டூ விவகாரத்தில் நடிகர் அர்ஜூன் தம்மிடம் தவறாக நடந்ததாக கன்னட நடிகை ஸ்ருதி ஹரிஹரன் பரபரப்பு புகார் கூறியிருந்தார். அத்துடன் அர்ஜூனின் நண்பர்கள் தம்மை மிரட்டி வருவதாகவும் ஸ்ருதி ஹரிஹரன் கூறியிருந்தது குறிப்பிடத்தக்கது.