திமுகவின் அறிவாலய சுவரை சும்மா தொட்டுதான் பாருங்க.. பாஜக அண்ணாமலைக்கு நடிகர் போஸ் வெங்கட் சவால்

Updated: Thursday, February 13, 2025, 9:41 [IST]

Subscribe to Oneindia Tamil

சென்னை: திமுகவின் தலைமையகமான அண்ணா அறிவாலயத்தின் ஒவ்வொரு செங்கல்லையும் உருவும் வரை விடமாட்டேன் என தமிழக பாஜக தலைவர் அண்ணாமலை பேசியதற்கு திமுக தரப்பில் கடும் கண்டனம் தெரிவிக்கப்பட்டு வருகிறது. திமுகவைச் சேர்ந்த நடிகர் போஸ்வெங்கட், அண்ணா அறிவாலயத்தின் சுவரை சும்மா தொட்டுதான் பாருங்க என்று அண்ணாமலைக்கு சவால் விடுத்துள்ளார்.

சென்னை திருவான்மியூரில் பாஜகவின் பட்ஜெட் விளக்க பொதுக் கூட்டம் நடைபெற்றது. இதில் பேசிய அண்ணாமலை, தமிழ்நாட்டு பாஜகவின் தலைவர் பதவியில் நான் தொடர முடியாது என்பது எனக்கு நன்றாகவே தெரியும். ஆனால் இந்த பதவியில் இருந்து செல்லும் போது திமுகவின் தலைமையகமாக அண்ணா அறிவாலயத்தில் உள்ள ஒவ்வொரு செங்கல்லையும் எடுக்காமல் விடமாட்டோன் என்றார்.

மேலும் தமிழ்நாட்டில் ஆளுநர் ஆர்.என்.ரவியும் இருக்க வேண்டும்; பாஜக தலைவராக அண்ணாமலையும் இருக்க வேண்டும் என முதல்வர் ஸ்டாலின் பேசியுள்ளார். ஒரு மனிதனுக்கு வாய்க்கொழுப்பு அதிகமாகிவிட்டால் அழிவு ஆரம்பம் என அர்த்தம்; ஆணவத்தின் உச்சத்தில்தான் முதல்வர் பேசுகிறார்; இன்னொரு கட்சித் தலைவர் யார் என்பது குறித்து முதல்வர் ஸ்டாலின் முடிவு செய்வாராம்.. உங்களுக்கு பின் உதயநிதி, இன்பநிதி என நீங்கள்தான் துண்டை போட்டு வைத்திருக்கிறீர்கள் என்றும் அண்ணாமலை காட்டமாக பேசினார்.

அத்துடன் . ஊழல் பெருச்சாளிகள் 35 அமைச்சர்கள் அடுத்த ஆண்டு சிறைக்குச் செல்வதை பார்ப்பதற்கு நான் இருப்பேன். இதில் எந்த சந்தேகமும் வேண்டாம் என்றும் அண்ணாமலை பேசினார்.

அறிவாலய சுவர் வெறும் செங்கலால் எழுப்பப்பட்டது அல்ல.. அது ஒவ்வொரு ஏழை தி. மு. க தொண்டனின் குருதி,நம்பிக்கை. நாளைய தலைமுறையின் அறிவுக்கூடம்.. வாருங்களேன் தோழர் அண்ணாமலை… /சும்மா தொட்டுத்தான் பாருங்களேன்.. / @annamalai_k
— Bose Venkat (@DirectorBose) February 12, 2025

அண்ணாமலையின் இந்த பேச்சுக்கு திமுக நடிகர் போஸ் வெங்கட் தமது எக்ஸ் பக்கத்தில் அளித்த பதில்: அறிவாலய சுவர் வெறும் செங்கலால் எழுப்பப்பட்டது அல்ல.. அது ஒவ்வொரு ஏழை தி. மு. க தொண்டனின் குருதி,நம்பிக்கை. நாளைய தலைமுறையின் அறிவுக்கூடம்.. வாருங்களேன் தோழர் அண்ணாமலை... /சும்மா தொட்டுத்தான் பாருங்களேன்.. / . இவ்வாறு அண்ணாமலைக்கு நடிகர் போஸ் வெங்கட் சவால் விடுத்துள்ளார்.