டிவி நடிகை சித்ரா வழக்கு.. சென்னை கோர்ட்டுக்கு மாற்றக் கோரி தந்தை மனு.. ஹேமந்த் மீது பரபரப்பு புகார்

சென்னை: சின்னத்திரை நடிகை சித்ரா மரண வழக்கை திருவள்ளூர் நீதிமன்றத்திற்கு இருந்து சென்னை கூடுதல் அமர்வு நீதிமன்றத்திற்கு மாற்றக் கோரி அவருடைய தந்தை காமராஜ் சென்னை உயர்நீதிமன்றத்தில் மனு தாக்கல் செய்துள்ளார்.

நடிகை சித்ரா கடந்த 2020 ஆம் ஆண்டு டிசம்பர் மாதம் 9 ஆம் தேதி ஒரு ஹோட்டலில் தூக்கிட்டு தற்கொலை செய்து கொண்டார். இந்த நிலையில் அவரது கணவர் ஹேமந்த்தான் காரணம் என சித்ராவின் தாய், தந்தை புகாரின் பேரில் அவர் கைது செய்யப்பட்டபோதும் விசாரணைக்கு ஒத்துழைக்கவில்லை என கூறப்பட்டது.

இந்த நிலையில் ஜாமீன் பெற்று கடந்த சில மாதங்களுக்கு முன்பு வெளியே வந்தார். பின்னர் அவரை சிலர் கொல்ல முயற்சிப்பதாக பரபரப்பு புகாரை அளித்திருந்தார். இந்த நிலையில் சித்ராவின் உடலை போஸ்ட்மார்டம் செய்த மருத்துவர்கள் சித்ரா தூக்கிட்டு தற்கொலை செய்து கொண்டார் என அறிக்கை அளித்துள்ளனர்.

ஆனால் சித்ராவின் தாயாரோ தூக்கிட்டு தற்கொலை செய்து கொண்டால் கண்கள் பிதுங்கி, மலம், சிறுநீர் கழித்திருப்பார். ஆனால் சித்ராவுக்கு அதெல்லாம் நடக்கவில்லை. அவரை ஹேமந்த் கொலை செய்து தூக்கில் மாட்டியுள்ளார் என புகார் அளித்திருந்தார். ஆனால் போஸ்ட்மார்டம் செய்த மருத்துவர்களோ சிலருக்கு மலம் வெளியேறும் , சிலருக்கு வெளியேறாது என்கிறார்கள்.

3 ஆண்டுகளாக இந்த வழக்கு திருவள்ளூர் நீதிமன்றத்தில் நடந்து வருகிறது. மேலும் சித்ராவுக்கும் ஹேமந்துக்கு பதிவு திருமணமாகி 6 மாதங்களே ஆனதால் இந்த வழக்கை திருவள்ளூர் கோட்டாட்சியர் விசாரணை நடத்தியுள்ளார். இந்த வழக்கு திருவள்ளூர் நீதிமன்றத்தில் நடந்து வருகிறது.

இந்த நிலையில் திருவள்ளூரில் உள்ள சித்ரா மரண வழக்கை சென்னை கூடுதல் அமர்வு நீதிமன்றத்திற்கு மாற்றக் கோரி சித்ராவின் தந்தை காமராஜ் உயர்நீதிமன்றத்தில் மனு தாக்கல் செய்துள்ளார். அந்த மனுவில் சித்ராவின் கணவர் ஹேமந்த் வழக்கை தாமதப்படுத்த வேண்டும் என்பதற்காகவே புதிய புதிய மனுக்களை தாக்கல் செய்து வருகிறார். எனது வயதை அடிப்படையாக கொண்டு இந்த வழக்கை சென்னை கூடுதல் நீதிமன்றத்திற்கு மாற்ற வேண்டும். அத்துடன் வழக்கை விரைந்து முடிக்க உத்தரவிட வேண்டும் என மனுத்தாக்கல் செய்துள்ளார்.

English summary

serial actress Chithra's father filed plea seeking his daughter case to be transferred to Chennai HC.