"விஜய் செய்த GEN Z ட்ரிக்... அதையே காப்பி அடிக்க கூடாது!" - திமுகவுக்கு அட்வைஸ் கொடுத்த போஸ் வெங்கட்

சென்னை: தமிழ் சினிமாவில் நடிகராகவும், இயக்குநராகவும், அரசியல் களத்தில் திமுகவின் முக்கிய நிர்வாகிகளில் ஒருவராகவும் பிரபலமான போஸ் வெங்கட் சமீப காலமாக அளித்து வரும் பேட்டிகள் தொடர்ந்து கவனத்தை ஈர்த்து வருகின்றன. குறிப்பாக, தமிழக அரசியலில் ஏற்பட்ட மாற்றங்கள், இளைஞர்களின் வாக்கு மனநிலை, திமுகவின் தேர்தல் தோல்வி மற்றும் தலைமையிலான புதிய அரசியல் அலை குறித்து அவர் வெளிப்படையாக பேசி வருவது சமூக வலைதளங்களில் விவாதத்தை கிளப்பியுள்ளது.

ஏற்கனவே திமுகவின் தோல்விக்கான காரணங்கள் குறித்து பேசியிருந்த போஸ் வெங்கட், தற்போது GEN Z தலைமுறையினரை கவர்வது தொடர்பாக கூறிய கருத்துகள் மீண்டும் வைரலாகி வருகின்றன.

விஜய் GEN Z

அந்த பேட்டியில் பேசிய போஸ் வெங்கட், "விஜய் அரசியலுக்குள் வந்த விதத்தை யாரும் சாதாரணமாக எடுத்துக்கொள்ள முடியாது. குறிப்பாக GEN Z தலைமுறையினரின் மனநிலையை அவர் சரியாக புரிந்துகொண்டார். சமூக வலைதளங்கள், குறிப்பாக இன்ஸ்டாகிராம் போன்ற தளங்களை பயன்படுத்தி இளைஞர்களை தன்னுடன் இணைத்துக்கொண்டார் என்று விமர்சித்து விட்டு அதே நாமும் செய்யக்கூடாது என்று ஆதங்கத்தை தெரிவித்திருக்கிறார்

போஸ் வெங்கட் ஆதங்கம்

விஜயின் அணுகுமுறையைப் பற்றி பேசிய அவர், அதையே திமுக காப்பி செய்ய முயற்சிப்பது சரியான வழி அல்ல என்ற கருத்தையும் முன்வைத்தார்.

"விஜய் எப்படி செய்தாரோ அதையே நாமும் செய்ய வேண்டும் என்று நினைப்பது புத்திசாலித்தனம் அல்ல. திமுகவுக்கு அதன் சொந்த வரலாறு இருக்கிறது. அதன் கொள்கைகள் இருக்கின்றன. அந்த சிந்தனைகளையும், சமூகநீதிக் கருத்துகளையும் தான் இளம் தலைமுறையினரிடம் கொண்டு சேர்க்க வேண்டும்" என்று தெரிவித்தார்.

சர்ச்சை

இளைஞர்களை கவர்வதற்காக சில அரசியல் முயற்சிகள் மேற்கொள்ளப்படுவது குறித்து பேசும்போது, போஸ் வெங்கட் நேரடியாக தனது ஆதங்கத்தை வெளிப்படுத்தியுள்ளார்.

"GEN Z-ஐ கூட்டிட்டு வரணும் என்பதற்காக அவர்கள் விரும்பும் சினிமா பாடல்களை மேடைகளில் ஒலிக்க வைப்பது மட்டும் அரசியல் ஆகாது. அது ஆரோக்கியமான அரசியல் கலாச்சாரமும் இல்லை. இளைஞர்களை ஈர்க்க வேண்டுமென்றால் அவர்களிடம் பிரச்சினைகளைப் பேச வேண்டும். அவர்களின் எதிர்காலம் குறித்து திட்டங்களை சொல்ல வேண்டும்" என்றார்.

தொடர்ந்து பேசிய அவர், "அப்படியே ஏதாவது செய்திருந்தாலும் அதை காதும் காதும் வைத்தது போல அமைதியாக செய்திருக்க வேண்டும். ஆனால் அதை பெரிதாக விளம்பரப்படுத்தியதால் இப்போது எல்லோரும் கிண்டல் செய்யும் நிலை உருவாகிவிட்டது. அதுதான் வருத்தமாக இருக்கிறது" என்று கூறியுள்ளார்.

இந்த கருத்து தற்போது அரசியல் வட்டாரங்களிலும் சமூக வலைதளங்களிலும் அதிகம் பகிரப்பட்டு வருகிறது.

திமுக தோல்வி பற்றி கருத்து

சில நாட்களுக்கு முன்பு அளித்த மற்றொரு பேட்டியில், திமுக தோல்விக்கான காரணங்கள் குறித்து பேசிய போஸ் வெங்கட், "மக்கள் மத்தியில் மு.க.ஸ்டாலினுக்கு இன்னும் அன்பு இருக்கிறது. ஆனால் சில நிர்வாகிகளின் செயல்பாடுகள், அதிகார துஷ்பிரயோகம் குறித்த குற்றச்சாட்டுகள், ஆணவமான அணுகுமுறைகள் போன்றவை மக்களிடம் அதிருப்தியை உருவாக்கியிருக்கலாம்" என்று கூறியிருந்தார்.

அந்த தோல்வியை திமுகவினர் நேர்மையாக ஏற்றுக்கொண்டு சுயபரிசோதனை செய்ய வேண்டும் என்றும் அவர் வலியுறுத்தியிருந்தார்.

வீட்டிலேயே விஜய்க்கு ஆதரவு

அதேபோல், தேர்தல் முடிவுகள் வெளியான பிறகு தனது வீட்டிலேயே தன்னை கலாய்த்ததாக கூறியிருந்த போஸ் வெங்கட், தனது மகள் கூட "18 வயது ஆகியிருந்தால் நானும் விஜய்க்குத்தான் ஓட்டு போட்டிருப்பேன்" என்று கூறியதாக பகிர்ந்திருந்தார். அந்த கருத்தும் அப்போது சமூக வலைதளங்களில் பெரும் பேசுபொருளாக மாறியது.

போஸ் வெங்கட்டின் பேச்சு

அரசியலில் இருக்கும் ஒருவராக இருந்தாலும், தன் கட்சி குறித்த விமர்சனங்களையும் வெளிப்படையாக பகிர்ந்து வருவது போஸ் வெங்கட்டின் பேட்டிகளை கவனிக்க வைக்கிறது. குறிப்பாக, "விஜய் GEN Z-ஐ கவர் பண்ணிட்டார்; அதையே காப்பி அடிப்பது தீர்வு அல்ல" என்ற அவரது கருத்து தற்போது இணையத்தில் அதிகம் பகிரப்பட்டு வருகிறது.

English summary

Bose Venkat: Actor, filmmaker and DMK functionary Bose Venkat has once again sparked political debate with his latest remarks on Chief Minister Vijay, Gen Z voters and the future strategy of the DMK.Speaking in a recent interview, Bose Venkat acknowledged that Vijay’s political rise cannot be viewed as an ordinary phenomenon. According to him, one of Vijay’s biggest strengths was his ability to understand the mindset of Generation Z and connect with younger voters through modern communication platforms.He pointed out that social media, particularly Instagram and other digital platforms, played a significant role in helping Vijay build a strong connection with first-time and young voters. Bose Venkat noted that Vijay successfully positioned himself as a leader who understood the language, interests and expectations of the younger generation.However, he argued that simply replicating Vijay’s approach would not be the right strategy for the DMK. According to Bose Venkat, every political movement has its own identity, history and ideological foundation.He stated that the DMK should focus on communicating its long-standing principles, social justice policies and political philosophy to young people rather than attempting to imitate another leader’s campaign style.