ஜனநாயகன் படம்.. வெளியேறிய விநியோகஸ்தர்கள்.. எல்லாம் போச்சே.. அப்படியே ஸ்டன் ஆகி நின்ற விஜய்
சென்னை: நடிகர் விஜய், தனது தமிழக வெற்றிக் கழகம் (TVK) கட்சியைத் தொடங்கிய பிறகு, அவரைச் சுற்றிப் பல மாற்றங்கள் நிகழ்ந்து வருகின்றன. அவரது அரசியல் பிரவேசம் குறித்து ரசிகர்கள் முதலில் ஆரவாரம் செய்தாலும், திரையுலகில் அவருக்கு புதிய சவால்கள் உருவெடுத்துள்ளன. ஜனநாயகன் படம் அவரின் கடைசி படம் என்று சொல்லப்பட்டாலும் கூட.. அதற்கு எதிர்பார்த்த வரவேற்பு இன்னும் கிடைக்கவில்லை. இது அவரது சினிமா எதிர்காலத்தைக் குறித்த ஒரு புதிய விவாதத்தை ஏற்படுத்தியுள்ளது.
விஜய்யின் வரவிருக்கும் திரைப்படம் 'ஜனநாயகன்'. இந்த படம் தெலுங்கில் வெளியான பாலய்யா படத்தின் ரீமேக். படத்தின் கதையில் பல மாற்றங்களுடன் இந்த படத்தை எடுத்துள்ளனர். இப் படத்தின் மீது முன்னர் மிகப்பெரிய எதிர்பார்ப்பு நிலவியது. குறிப்பாக சென்னை மற்றும் செங்கல்பட்டு பகுதிகளில் உள்ள விநியோகஸ்தர்கள், இப்படம் மிகப்பெரிய வெற்றியைப் பெறும் என மிகுந்த நம்பிக்கையுடன் இருந்தனர். விஜய்யின் முந்தைய படங்களுக்கு எப்போதுமே வலுவான தொடக்க வசூல் கிடைத்ததைக் கருத்தில் கொண்டு, இந்தப் படமும் சாதனை படைக்கும் என அவர்கள் எதிர்பார்த்தனர்.
ஜனநாயகன் படத்தின் எதிர்பார்ப்பு குறைந்தது
ஆனால், விஜய்யின் அரசியல் வருகைக்குப் பிந்தைய சூழல் முற்றிலும் மாறிவிட்டது. விஜய்யின் அரசியல் நகர்வுகள் படத்தின் வரவேற்பையும் வசூலையும் பாதிக்கலாம் என அஞ்சிய சென்னை மற்றும் செங்கல்பட்டு விநியோகஸ்தர்கள், ஒப்பந்தத்திலிருந்து பின்வாங்கினர். இதனால் தயாரிப்பாளர் KVN மற்ற விநியோகஸ்தர்களுடன் மீண்டும் பேச்சுவார்த்தை நடத்தி வருகிறார். முந்தைய மதிப்பைவிட மூன்று முதல் நான்கு கோடி ரூபாய் வரை குறைவான தொகைக்கு ஒப்பந்தம் செய்யப்படலாம் எனத் தகவல்கள் தெரிவிக்கின்றன.
விஜய்க்கு ஷாக்
இந்த திடீர் மாற்றம் விஜய்யை மிகுந்த மனவருத்தத்திற்கு உள்ளாக்கியுள்ளது. தனது வாழ்க்கையில் சினிமா தனக்கு அன்பு, புகழ் மற்றும் ஒரு பெரும் ரசிகர் பட்டாளத்தை வழங்கியது என்பதை அவர் நினைத்துப் பார்த்தார். அரசியல் பிரவேசம் தனது படங்களுக்கான மரியாதையையும் வியாபாரத்தையும் நேரடியாகக் குறைக்கும் என்று அவர் ஒருபோதும் நினைத்ததில்லை. 'ஜனநாயகன்' ஜனவரியில் வெளியாகத் திட்டமிடப்பட்டுள்ள நிலையில், குறுகிய காலமே இருப்பதும், படத்தின் மீதான ஆர்வம் குறைவதும் அவருக்கு கவலையை அளிக்கிறது.
தனது அரசியல் பயணம் முழுமையாகத் தொடங்குவதற்கு முன்பே சினிமா வாழ்க்கை பாதிக்கப்படுவதை அவர் விரும்பவில்லை. வருங்காலம் குறித்து கவலைப்பட்ட விஜய், என்ன செய்யலாம் என்பது பற்றி தீவிரமாகச் சிந்தித்தார். அமைதியாக இருப்பதனாலோ அல்லது பேட்டிகள் மட்டுமே கொடுப்பதனாலோ அல்லாமல், மக்களை நேரடியாகச் சந்திப்பதன் மூலம் படத்தின் மீதான எதிர்பார்ப்பை தானே உருவாக்க வேண்டும் என்ற புதிய யோசனையை அவர் கண்டறிந்தார்.
ஜனநாயகன் போச்சு
இதன் விளைவாக, பிரம்மாண்டமான ரோடுஷோ பாணியிலான விளம்பரங்களுக்கு அவர் திட்டமிட்டார். ஆனால் தமிழ்நாட்டில் அவருக்கு ரோடு ஷோ நடத்த வாய்ப்பே கிடைக்காது. புதுச்சேரியில் இதற்காக ரோடு ஷோ செய்ய முயன்றார். ஆனால் அங்கும் அவருக்கு வாய்ப்பு வழங்கப்படவில்லை. ஒரு சிறப்பு பிரச்சார வாகனத்தில் நகர் நகரமாகப் பயணித்து ரசிகர்களை வாழ்த்துவதற்கு அவர் முடிவு செய்தார். திரையரங்குகள், வணிக வளாகங்கள் மற்றும் முக்கிய இடங்களில் மக்களைச் சந்தித்து, பல ஆண்டுகளாக அவர்கள் நேசித்த அதே சினிமா விஜய் தான் என்பதை மக்களுக்கு உணர்த்த அவர் விரும்பினார். ஆனால் அதற்கு வாய்ப்பு கிடைக்கவில்லை .
இதனால் ஜனநாயகன் படத்தை ப்ரோமோஷன் செய்ய என்ன செய்யலாம்.. வேறு ஏதாவது ப்ரோமோஷன் பாணிகளை மேற்கொள்ளலாமா என்று விஜய் ஆலோசனைகளை மேற்கொண்டு வருகிறாராம்.
Click it and Unblock the Notifications
Sign in with Google