இயக்குநர் ஜனநாதன் இறப்பு ஒரு கெட்டியான துக்கம்- கவிஞர் வைரமுத்து

சென்னை: இயக்குநர் ஜனநாதன் இறப்பு ஒரு கெட்டியான துக்கம் என்று கவிஞர் வைரமுத்து இரங்கல் தெரிவித்துள்ளார்.

திரைப்பட இயக்குநர் ஜனநாதன் மறைவுக்கு இரங்கல் தெரிவித்து கவிஞர் வைரமுத்து ட்விட்டரில் பதிவிட்டுள்ளதாவது:

இயக்குநர் ஜனநாதன் இறப்பு
ஒரு கெட்டியான துக்கம்.

அவருக்கு நானெழுதிய
'காதல் வந்தால் சொல்லியனுப்பு'
மறக்கவியலாது.

செலுலாய்டு புத்தகத்தின்
ஓர் இலக்கியப் பக்கம்
கிழிந்துவிட்டது என்பேனா?

வானவில்லில் முற்போக்குச் சிவப்பு
அழிந்துபட்டது என்பேனா?

வருந்துகிறேன்;இரங்குகிறேன்.
#jananathan

இவ்வாறு வைரமுத்து பதிவிட்டுள்ளார்.

English summary

Writer Vairamuthu has Condoled demise of the Film Director Jananathan.