சென்னையில் இனி 60 கிமீ வேகத்துக்கு மேல் வாகனம் ஓட்டக்கூடாது! உத்தரவுக்கு நெட்டிசன்கள் ரியாக்சன் என்ன

சென்னை: சென்னையில் நவம்பர் 4ம் தேதி முதல் வாகனங்களை எந்த வேகத்தில் ஓட்டம் வேண்டும் என சென்னை போக்குவரத்து போலீசார் இன்று புதிய அறிவிப்பை வெளியிட்டுள்ளனர். அதன்படி அதிகபட்ச வேகம் என்பது 60 கிமீ தான். டூவீலர் என்றால் 50 கிமீ வேகத்துக்கு மேல் ஓட்டக்கூடாது. இந்நிலையில் தான் இந்த உத்தரவு தொடர்பாக நெட்டிசன்களின் ரியாக்சன் வருமாறு:

சென்னையில் வாகன ஓட்டிகள் அதிக வேகத்தில் செல்வதால் அடிக்கடி விபத்துகள் ஏற்படுகின்றன. இதில் மக்கள் காயமடைவதோடு, சில நேரங்களில் உயிரிழப்புகளும் ஏற்பட்டு விடுகின்றன.

இதனை தடுக்கும் வகையில் தான் சென்னையில் வாகனங்கள் எவ்வளவு வேகத்தில் செல்ல வேண்டும் என்பதற்கான வேக வரம்பு புதிதாக நிர்ணயம் செய்யப்பட்டுள்ளது. இது வரும் 4ம் தேதி முதல் அமலுக்கு வர உள்ளது.

அதன்படி சென்னையில் வாகனங்களின் அதிகபட்ச வேகம் என்பது 60 கிமீட்டராக மட்டுமே நிர்ணயம் செய்யப்பட்டுள்ளது. வாகனங்கள் வாரியாக பார்த்தால் சென்னையில் இலகுரக வாகனங்கள் 60 கிலோமீட்டர் வேகத்திலும், கனரக வாகனங்கள் அதிகபட்சமாக 50 கிமீ வேகத்தில் செல்ல வேண்டும்.

இருசக்கர வாகனங்கள் என்றால் அதிகபட்ச வேகம் 50 கிமீட்டர் வேகத்திலும், ஆட்டோக்கள் என்றால் அதிகபட்சமாக 40 கிமீட்டர் வேகத்திலும் செல்ல வேண்டும். அதோடு குடியிருப்பு பகுதிகளில் அனைத்து வாகனங்களும் அதிகபட்சம் 30 கிமீ வேகத்தில் மட்டுமே செல்ல வேண்டும் என சென்னை மாநாகர போக்குவரத்து போலீசார் இன்று அறிவித்துள்ளனர்.

இதுபற்றி சென்னை மாநகர போக்குவரத்து போலீசார் எக்ஸ் பக்கத்தில் ட்வீட்டாக வெளியிட்டு இருந்தனர். இதை பார்த்த நெட்டிசன்கள் இந்த புதிய உத்தரவுக்கு கருத்து தெரிவித்து வருகின்றனர். பலரும் தங்களின் பாராட்டுகளை தமிழக அரசுக்கும், சென்னை போக்குவரத்து போலீசாருக்கும் தெரிவித்துள்ளனர். இதுதொடர்பாக நெட்டிசன்கள் எக்ஸ் பக்கத்தில் கூறியுள்தாவது:

இதுபற்றி ‛பாரத்' என்ற பயனாளர், ‛‛வர இருக்கும் மழைக்காலத்தில் இது ஒரு பெரிய முன்னேற்றமாக இருக்கும். இந்த அளவில் மட்டுமே அதிவேகமாக பயணிக்க கட்டுப்பாடு விதித்த விடியல் அரசுக்கு (திமுக அரசு) பாராட்டுகள். இதனால் போக்குவரத்து நெரிசல் இருக்காது'' என தெரிவித்துள்ளார்.

அதேபோல் ஆதி என்ற பயனாளர், ‛‛ரொம்ப ரொம்ப ரொம்ப நல்ல விஷயம் சார். தெருவில் குழந்தைகளை கூட்டிட்டு போக முடியாமல் சர் புர்னு பயம் காட்டுவார்கள். இனி குழந்தைகளை நிம்மதியாக தெருவில் கூட்டிட்டு போகலாம்'' என தெரிவித்துள்ளார்.

மேலும் ரிஷப் என்பவர், ‛‛இது ஒரு நல்ல முடிவு. பாராட்டுகள். இதனை கண்டிப்புடன் செயல்படுத்த வேண்டும்'' என தெரிவித்துள்ளார். அதேபோல், பாலாஜி என்பவர், ‛‛அனைத்து டிராபிக் சிக்னல்களிலும் இதுபற்றிய நோட்டீஸ் பலகை வைக்க வேண்டும்'' என தெரிவித்துள்ளார்.

English summary

The Chennai Traffic Police has issued a new notification today regarding the speed at which vehicles must drive in Chennai from November 4. Accordingly, the maximum speed is 60 kmph. A two-wheeler should not be driven more than 50 kmph. Netizens have welcomed this move.