உயிலை விடுங்க.. திருமணம் ஆகாத கிறிஸ்துவ மகள் தந்தையிடம் பராமரிப்பு தொகை கேட்க முடியாது: கேரளா கோர்ட்

சென்னை: அப்பா சொத்து மகன்களுக்கே என்றிருந்த நிலைமை மறைந்து, தற்போது சட்ட விதிமுறைகளில் நிறைய மாற்றங்கள் கொண்டுவரப்பட்டு, அமல்படுத்தப்பட்டும் உள்ளன. எந்தெந்த சூழலில் அவர்கள் தங்கள் தந்தையின் சொத்தில் உரிமை கோர முடியாது என்பதுடன், அப்பாவின் சொத்தில் மகள்களுக்கும் உரிமை உள்ளது என்பதை சட்ட விதிகள் தெளிவாக கூறுகின்றன. இந்நிலையில், கேரளா ஹைகோர்ட்டில் நடந்த வழக்கு ஒன்றில் நீதிபதிகள் தந்துள்ள தீர்ப்பானது பலரது கவனத்தையும் பெற்று வருகிறது.

தற்போதுள்ள நடைமுறையில் உள்ள சட்டங்களின்படி, 2005ம் ஆண்டில், இந்து வாரிசுச் சட்டத்தில் (1956), மகள்களுக்கும் அவர்களின் தந்தையின் சொத்தில் சமமான பங்கு இருப்பதாக சட்டப்பூர்வ உரிமை உறுதி செய்து திருத்தம் செய்யப்பட்டது.

இந்த சட்டத்தின்படி, அப்பாவின் சொத்தில் மகன்களை போலவே மகள்களுக்கும் சம உரிமை உண்டு.. கடந்த 2005ல் செய்யப்பட்ட இந்த திருத்தமானது, தந்தையின் சொத்தின் மீது மகள்களுக்குள்ள உரிமைகளை மேலும் வலுப்படுத்தியது.. அத்துடன், உரிமைகள் பற்றி நிலவிய குழப்பத்தையும் ஒரேடியாக நீக்கியது.

அப்பாவின் சொத்து யாருக்கு

ஆனால், அப்பாவின் சொத்து, அவர் சுயமாக சம்பாதித்த சொத்தாக இருக்கும் பட்சத்தில், மகள் அதனை உரிமை கோர முடியாது.. அப்பாவ தன்னுடைய சொந்த சம்பாத்தியத்தில் நிலம் வாங்கி, வீடு கட்டியிருந்தால் அல்லது சொத்துக்களைப் வாங்கி இருந்தால், மகனுக்கோ, அல்லது மகனுக்கோ என அவர் விரும்பியவருக்கு மட்டுமே அதை எழுதி வைக்க முடியும்.. அல்லது பரிசளிக்க வழங்க முடியும்..

மற்றபடி, தன்னுடைய சொத்தில் ஒரு பகுதியை மகளுக்கு வழங்க தந்தை மறுத்துவிட்டால், அவரின் முடிவை எதிர்த்து மகளால் எந்த நடவடிக்கையும் எடுக்க முடியாது. இதுதான் தற்போதுள்ள சட்டநடைமுறையாகும்.

பராமரிப்பு தொகை கேட்ட மகள்

இந்நிலையில், 65 வயது அப்பாவிடமிருந்து தனக்கு பராமரிப்பு தொகை (maintenance) வேண்டும் என்று கேட்டு, இளம்பெண் கேரள குடும்ப நீதிமன்றத்தை நாடி மனு தாக்கல் செய்தார்.உடனே குடும்ப நீதிமன்றமும், இந்த மனுவை விசாரித்து, தனியாக வாழும் அவரது மனைவிக்கு மாதம் ரூ.20,000 பராமரிப்பு தொகையும், மற்றும் 27 வயது திருமணம் ஆகாத மகளுக்கு ரூ.10,000 பராமரிப்பு தொகை வழங்க வேண்டும் என்றும் உத்தரவிட்டது.

உடனே 65 வயது தந்தை, அந்த உத்தரவுக்கு எதிராக,கேரளா ஹைகோர்ட்டில் மனு தாக்கல் செய்தார். அந்த மனுவில், "என்னுடைய மகள் மனு தாக்கல் செய்யப்பட்ட நேரத்தில் மேஜராக இருந்ததால், பராமரிப்பு தொகைக்கு தகுதியில்லை.. என்னை விட்டு பிரிந்து சென்றது என்னுடைய மனைவிதான்.. எனக்கு போதுமான வருமானம் இருப்பற்காகவே பராமரிப்பு கேட்க முடியாது. எனவே, குடும்ப நீதிமன்றம் பிறப்பித்த உத்தரவை ரத்து செய்ய வேண்டும்" என்று கேட்டுக் கொண்டிருந்தார்.

தந்தை சொத்து மகளுக்கு

நீதிபதி டாக்டர் கௌசர் எடப்பகத் தலைமையிலான அமர்வு, இது தொடர்பான வழக்கை விசாரித்தது.. இறுதியில், இந்த வழக்கில், திருமணம் ஆகாத கிறிஸ்தவ மகளுக்கான பராமரிப்பு தொகை வழங்கப்பட முடியாது என்று தீர்ப்பை தந்துள்ளது..

அப்போது நீதிமன்ற அமர்வு மத அடிப்படையிலான தனிப்பட்ட சட்டங்களை (Personal Laws) மேற்கோள் காட்டி விளக்கும்போது சொன்னதாவது“ஹிந்து தத்தெடுப்பு மற்றும் பராமரிப்பு சட்டத்தின் (HAMA) பிரிவு 20(3) படி, தந்தைக்கு தனது திருமணம் ஆகாத மகளுக்கு பராமரிப்பு வழங்கும் சிவில் கடமை (civil liability) உள்ளது.

அதேபோல், இஸ்லாமிய தனிச்சட்டங்களிலும், தந்தை தனது திருமணம் ஆகாத மகளுக்குப் பராமரிப்பு வழங்கும் கடமை உண்டு.ஆனால், கிறிஸ்தவர்கள் தொடர்பான எந்த தனிச்சட்டத்திலும், மகள் தந்தையிடம் பராமரிப்பு கோர அனுமதிக்கும் விதி இல்லை. எனவே, குடும்ப நீதிமன்றம் வழங்கிய மகளுக்கான பராமரிப்பு உத்தரவு நிலைத்திருக்க முடியாது.

மனைவிக்கு கணவன் கடமை

அதே நேரத்தில், மனைவிக்கான பராமரிப்பு தொகையை மறுக்கும் மனுதாரரின் வாதத்தை நீதிமன்றம் ஏற்காது.. ஒரு தாயின் பெற்றோர் கடமை (parental obligation) என்பது, திருமணப் பொறுப்பை விட விரிவானது..எனவே மனைவிக்கு மாதம் ரூ.20,000 பராமரிப்பு தொகையும், கல்விச்செலவுக்கான ஒருமுறை ரூ.30,000 தொகையும் வழங்கிடுமாறு குடும்ப நீதிமன்ற பிறப்பித்த உத்தரவை உயர்நீதிமன்றம் ஏற்கிறது என்று கூறியிருக்கிறது.

திருமணமாகாத கிறிஸ்தவ மகள், தந்தையிடம் இருந்து பராமரிப்பு கோர முடியாது என்று கேரள உயர்நீதிமன்றம் வழங்கியிருக்கும் இந்த தீர்ப்பானது பலரது கவனத்தையும் பெற்று வருகிறது.

English summary

The Kerala High Court ruled that unmarried daughters cannot claim maintenance from their fathers, while confirming rights for married women. This decision highlights the complexities surrounding inheritance laws in India.