இது வேற லெவல் முடிவு.. தமிழ்நாட்டின் மிகப்பெரிய மாநகராட்சியாக உருவெடுக்கும் கோயம்புத்தூர்.. அசத்தல்

கோயம்புத்தூர்: கோவை மாநகராட்சி 257 சதுர கிலோ மீட்டரில் இருந்து 439 சதுர கிலோ மீட்டராக விரிவுபடுத்தப்படும் என்று அறிவிக்கப்பட்டு உள்ளது. அதேபோல் திருப்பூர் மாநகராட்சி 159 சதுர கிலோ மீட்டரில் இருந்து 303 சதுர கிலோ மீட்டராக விரிவுபடுத்தப்படும். விரிவாக்கத்திற்குப் பிறகு, தமிழ்நாட்டில் கோயம்புத்தூர் மிகப்பெரிய மாநகராட்சியாக இருக்கும் என்பது குறிப்பிடத்தக்கது.

அருகிலுள்ள பகுதிகள் மற்றும் கிராமங்களைச் சேர்ப்பதன் மூலம் கோயம்புத்தூர் CCMC ஐ விரிவுபடுத்த அரசாங்கம் திட்டமிட்டுள்ளது. ஐந்து மண்டலங்களில் தற்போது 100 வார்டுகளுக்கு மேல் உள்ளன. விரிவாக்கம் மூலம் வார்டுகள் மற்றும் மண்டலங்களின் எண்ணிக்கை அதிகரிக்கும். கோவை என்று மட்டுமில்லாமல்.. மாநிலம் முழுவதும் உள்ள மாநகராட்சி ஆணையர்கள் அந்தந்த மாநகராட்சி அமைப்புகளுடன் இணைக்கப்படக்கூடிய கிராமம் மற்றும் டவுன் பஞ்சாயத்துகளின் முன்மொழியப்பட்ட பட்டியலை சமர்ப்பிக்குமாறு கேட்டுக் கொள்ளப்பட்டனர்.

விரிவாக்கத்திற்குப் பிறகு, தமிழ்நாட்டில் கோயம்புத்தூர் மிகப்பெரிய மாநகராட்சியாக இருக்கும் என்பது குறிப்பிடத்தக்கது. நேற்று முதல்நாள் தமிழ்நாடு முழுக்க பல மாநகராட்சிகள், நகராட்சிகள் நேற்று விரிவாக்கம் செய்யப்பட்டன. அரியலூர் நகராட்சி, செங்கல்பட்டு நகராட்சி, மன்னார்குடி, திருவாரூர் மற்றும் விருதுநகர் நகராட்சிகள், பொன்னேரி, ஆரணி, திருவதிபுரம் & வந்தவாசி நகராட்சிகள் என்று பல மாநகராட்சி மற்றும் நகராட்சிகள் விரிவாக்கம் செய்யப்பட்டன. அதேபோல் திருநெல்வேலி முதல் திருப்பூர் மாநகராட்சி, சென்னைக்கு அருகில் உள்ள தாம்பரம் மற்றும் ஆவடி மாநகராட்சிகள் விரிவாக்கப்பட்டு உள்ளன. திருச்சி, மதுரை, கரூர், ஓசூர், மாநகராட்சிகள் விரிவாக்கப்பட்டு உள்ளன.

பரிந்துரை: இது போக நீலகிரியில் அமைந்து உள்ள ஊட்டி விரைவில் மாநகராட்சியாக தரம் உயர்த்தப்படும் என்று அறிவிக்கப்பட்டு உள்ளது.

இந்த நிலையில் ஸ்ரீபெரும்புதூர், மாமல்லபுரம், திருப்போரூர், திருக்கழுக்குன்றம், அவிநாசி, பெருந்துறை, கோத்தகிரி, சங்ககிரி, திருவையாறு, போளூர், செங்கம், சேத்துப்பட்டு, அன்னூர், சூலூர், வேலூர், மோகனூர், வள்ளியூர், மணச்சநல்லூர், ஹாரூர், திருவட்டாறு, உத்த குலசேகரம், இத்த குலசேகரம் ஆகிய ஊராட்சிகள் முன்மொழியப்பட்டுள்ளன. . பல்வேறு கிராம பஞ்சாயத்துகளை இணைத்து நகராட்சியாக தரம் உயர்த்த வேண்டும்.

இதில் விரைவில் முடிவு எடுக்கப்படும். கிராம பஞ்சாயத்துகள் டிசம்பரில் காலாவதியானதும், இணைப்பு முன்மொழிவுகள் நிறைவேற்றப்படும். டிசம்பர் 2024 அல்லது ஜனவரி 2025க்குள் இந்த விரிவாக்கத்திற்கான பணிகள் மொத்தமாக முடிவு அடையும் என எதிர்பார்க்கப்படுகிறது.

முன்னதாக உதகமண்டலம் பேரூராட்சியை மாநகராட்சியாக தரம் உயர்த்தும் தீர்மானம் நிறைவேற்றப்பட்டது. நீலகிரி மாவட்டத்தின் உள்கட்டமைப்பு வளர்ச்சியில் ஏற்பட்டுள்ள பெரும் எழுச்சியால், இந்த விரிவாக்கம் சுற்றுச்சூழல் பாதிப்பை ஏற்படுத்தும் என மக்கள் பலர் எதிர்ப்பு தெரிவித்துள்ளனர். குடிமக்கள் உரிமை ஆர்வலர்கள் மற்றும் சுற்றுச்சூழல் ஆர்வலர்கள் மத்தியில் கடும் எதிர்ப்பு சந்தித்துள்ளது. . ஊட்டிக்கு சூழலியல் பிரச்சனைகளை இது ஏற்படுத்தும் என்று அறிவிக்கப்பட்டு உள்ளது.

ஊட்டி கவுன்சில தீர்மானத்தில் ஊட்டி தற்போது 36 வார்டுகளை உள்ளடக்கியதாக மொத்தம் 30.67 சதுர கி.மீ கொண்டதாக உள்ளது. 2011 பதிவுகளின்படி, 88,430 மக்கள் வசிக்கின்றனர். இருப்பினும், 2024 ஆம் ஆண்டில் மக்கள் தொகை 1.23 லட்சத்துக்கும் அதிகமாக உயர்ந்துள்ளதாக மதிப்பிடப்படுகிறது.

இது போக சென்னைக்கு அருகில் உள்ள தாம்பரம் மற்றும் ஆவடி மாநகராட்சிகள் விரிவாக்கப்பட்டு உள்ளன. 37 கிராம பஞ்சாயத்துகளை இணைக்கும் வகையில், அவற்றின் எல்லைகளை விரிவுபடுத்த முடிவு செய்யப்பட்டு உள்ளது. மேடவாக்கம், கோவிலம்பாக்கம், கவுல்பஜார், முடிச்சூர், திருவேற்காடு, பூந்தமல்லி, திருநின்றவூர் போன்ற பல பகுதிகள் இதனால் பயன் அடைய போகின்றன. டிசம்பர் 2024 அல்லது ஜனவரி 2025க்குள் இந்த விரிவாக்கத்திற்கான பணிகள் மொத்தமாக முடிவு அடையும் என எதிர்பார்க்கப்படுகிறது.

English summary

After expansion, Coimbatore will be the largest Corporation by size in Tamil Nadu