ஜம்மு காஷ்மீரில் என்கவுண்டர்.. 2 வீரர்கள் உயிரிழப்பு.. பயங்கரவாதிகள் 4 பேர் சுட்டுக்கொலை!

காஷ்மீர்: ஜம்மு காஷ்மீரின் குல்காம் மாவட்டத்தில் பாதுகாப்பு படையினருக்கும் பயங்கரவாதிகளுக்கும் துப்பாகிச்சூடு நடந்தது. இதில் இரண்டு வீரர்கள் பலியாகினர். யங்கரவாதிகள் 4 பேர் சுட்டுக்கொலை செய்யப்பட்டனர்.

ஜம்மு காஷ்மீரின் குல்காம் மாவட்டத்தில் இரண்டு இடங்களில் பயங்கரவாதிகள் நடமாட்டம் இருப்பதாக பாதுகாப்பு படையினருக்கு ரகசிய தகவல் கிடைத்தது. இந்த தகவலின் பேரில் பாதுகாப்பு படையினர் 2 குழுக்களாக பிரிந்து அங்கு தீவிர தேடுதல் வேட்டையில் ஈடுபட்டனர்.

அப்போது அங்க்குள்ள மோடெர்கம் என்ற் கிராமத்தில் உள்ள வீட்டில் பயங்கரவாதிகள் பதுங்கியிருந்ததை கண்டறிந்தனர். பாதுகாப்பு படையினரை பார்த்ததும் பயங்கரவாதிகள் துப்பாகிச்சூடு நடத்தினர். இதையடுத்து பதிலுக்கு பாதுகாப்பு படையினரும் துப்பாக்கிச்சூடு நடத்தினர். இரு தரப்பினருக்கும் இடையே பயங்கர துப்பாக்கிச்சண்டை நடைபெற்றது.

இதில் பாதுகாப்பு படை வீரர் ஒருவர் காயம் அடைந்தார். மருத்துவமனையில் அனுமதிக்கப்பட்ட நிலையில், சிகிச்சை பலனின்றி உயிரிழந்தார். அதேபோல ப்ரிசல் பகுதியில் நடைபெற்ற என்கவுண்டரிலும் பாதுகாப்பு படை வீரர் உயிரிழந்தார். பயங்கரவாதிகள் தரப்பில் 4 பேர் கொல்லப்பட்டனர். அப்பகுதியில் பயங்கரவாதிகள் மேலும் சிலர் பதுங்கியிருக்கலாம் என சந்தேகம் இருப்பதால் குறிப்பிட்ட இடத்தை சுற்றி வளைத்த போலீசார் தீவிர தேடுதல் வேட்டையில் ஈடுபட்டுள்ளன.ர்

தொடர்ந்து துப்பாக்கிச்சண்டை நடைபெற்று வருவதால் பயங்கரவாதிகளின் உடல் இன்னும் மீட்கப்படவில்லை. ஜம்மு காஷ்மீரின் குல்காம் பகுதியில் சமீப காலமாக பயங்கரவாதிகள் நடமாட்டம் அதிகரித்துள்ளதாக பாதுகாப்பு படை வட்டாரங்கள் கூறுகின்றன. கடந்த மாதம் தோடா மாவட்டத்தில் நடைபெற்ற என்கவுண்டரில் 3 பயங்கரவாதிகள் கொல்லப்பட்டனர். பயங்கரவாதிகளுக்கு எதிரான நடவடிக்கைகளையும் பாதுகாப்பு படையினர் தீவிரப்படுத்தியுள்ளனர்.

English summary

Gunfight between security forces and terrorists took place in Jammu and Kashmir's Kulgam district. Two soldiers were killed. 4 Yangaravadis were shot dead.