மோடியின் வீடியோக்களுக்கு அதிகரிக்கும் டிஸ்லைக்குகள்.. பாஜகவுக்கு வந்த புதுதலைவலி
டெல்லி: பிரதமர் மோடியின் வீடியோக்களுக்கு டிஸ்லைக்குகள் அதிகரிப்பது பாரதிய ஜனதாவுக்கு புதிய தலைவலியாக உருவெடுத்திருக்கிறது.
பாரதிய ஜனதாவுக்கு எதிராக ஒவ்வொரு மாநிலத்திலும் ஒவ்வொருவிதமான எதிர்ப்பு வெளிப்படுத்தப்பட்டு வருகிறது. பிரதமர் மோடியின் தமிழக வருகையின் போது கறுப்பு பலூன்கள் பறக்கவிடப்பட்டன.
பின்னர் கோ பேக் மோடி என்கிற ஹேஷ்டேக்குகள் டிரெண்டிங்காகின. தமிழகத்தைப் பின்பற்றி மேற்கு வங்கம் உள்ளிட்ட மாநிலங்களும் இதேபோல் சமூக வலைதளங்களில் ஹேஷ்டேக்குகளை டிரெண்டிங் செய்தன.
தற்போது பாஜகவை எதிர்க்கும் வகையில் பிரதமர் மோடியின் லைவ் வீடியோக்களுக்கு டிஸ்லைக்குகளை க்ளிக் செய்வதை அதிகரித்திருக்கின்றனர். அண்மையில் மோடியின் மன்கி பாத் ரேடியோ நிகழ்ச்சியில் இருந்து இந்த ஸ்டைல் பின்பற்றப்படுகிறது.
இதனால் கடுப்பாகிப் போன பாஜக, லைக்-டிஸ்லைக்குகள் ஆப்ஷனில் மாற்றம் கொண்டு வந்தன. இதன்பின்னர் அமெரிக்கா- இந்தியா உச்சிமாநாட்டில் பிரதமர் மோடி பேசினார். இந்த வீடியோவுக்கு பல லட்சம் டிஸ்லைக்குகள் குவிய உலக அளவில் இதுவும் செய்தியாகிப் போனது.
இதையடுத்து இளம் ஐபிஎஸ் அதிகாரிகளுடனான மோடியின் ஆலோசனையின் போது லைக்- டிஸ்லைக் ஆப்ஷனே இல்லாமல் பார்த்து கொண்டது பாஜக. ஒவ்வொருநாளும் புதுபுதுவிதமாக வரும் இத்தகைய எதிர்ப்புகளை எதிர்கொள்ளும் வியூகத்தை எதிர்கொள்ள பாஜகவும் தயாராகவே இருக்கிறது.
Click it and Unblock the Notifications
Sign in with Google