இந்தியாவில் 1 லட்சத்தை நெருங்கும் ஒருநாள் பாதிப்பு- 24 மணி நேரத்தில் 97,894 பேருக்கு கொரோனா

Updated: Thursday, September 17, 2020, 9:37 [IST]

Subscribe to Oneindia Tamil

டெல்லி: இந்தியாவில் ஒருநாள் கொரோனா பாதிப்பு 1 லட்சத்தை நெருங்கியுள்ளது. இந்தியாவில் கடந்த 24 மணிநேரத்தில் மொத்தம் 97,894 பேருக்கு கொரோனா தொற்று உறுதி செய்யப்பட்டுள்ளது.

உலக நாடுகளில் கொரோனா பாதிப்பு எண்ணிக்கை 3 கோடியை தாண்டியுள்ளது. உலகம் முழுவதும் மொத்த கொரோனா பாதிப்பு எண்ணிக்கை 3,00,22,236.

உயிரிழப்பு 10 லட்சம்

உலகம் முழுவதுமான கொரோனா மரணங்களின் எண்ணிக்கை 10 லட்சத்தைத் தொடுகிறது. மொத்த கொரோனா உயிரிழப்பு எண்ணிக்கை 9,44,623. கொரோனாவால் பாதிக்கப்பட்டு உலகம் முழுவதும் குணமடைந்தோர் எண்ணிக்கை 2,17,76,101.

இந்தியாவில் அதி உச்சம்

உலக நாடுகளில் அமெரிக்காவில் ஒருநாள் கொரோனா பாதிப்பு 38,002; 2-வது இடத்தில் உள்ள இந்தியாவில் ஒருநாள் கொரோனா பாதிப்பு எண்ணிக்கை 97,894. இதனால் இந்தியாவில் மொத்த கொரோனா பாதிப்பு எண்ணிக்கை 51,15,893 ஆக உயர்ந்துள்ளது.

இந்தியாவில் குணமடைந்தோர்

இந்தியாவில் 24 மணிநேரத்தில் கொரோனாவால் 1,132 பேர் உயிரிழந்துள்ளனர். இந்தியாவின் மொத்த கொரோனா மரணங்கள் எண்ணிக்கை 83,198 ஆக அதிகரித்துள்ளது. இந்தியாவில் ஒரே நாளில் மொத்தம் 82,922 பேர் கொரோனா பாதிப்பில் இருந்து குணமடைந்துள்ளனர். இந்தியாவில் கொரோனாவால் குணமடைந்தோர் எண்ணிக்கை 40,25,080

மகாராஷ்டிராவில் அதிகம்

இந்திய மாநிலங்களில் மகாராஷ்டிராதான் தொடர்ந்து கொரோனா பாதிப்பில் முதலிடத்தில் இருக்கிறது. மகாராஷ்டிராவில் ஒரே நாளில் 23,365 பேருக்கு கொரோனா உறுதியானது. இதனால் மகாராஷ்டிராவில் மொத்த கொரோனா பாதிப்பு எண்ணிக்கை 11,21,221. இது உலக நாடுகளில் ரஷ்யாவின் பாதிப்பை விட மிக அதிகமாகும்.

2-வது இடத்தில் கர்நாடகா

ஒருநாள் பாதிப்பில் கர்நாடகா 2-வதாக உள்ளது. கர்நாடகாவில் கடந்த 24 மணிநேரத்தில் 9,725 பேருக்கு கொரோனா தொற்று உறுதி செய்யப்பட்டது. இம்மாநிலத்தில் மொத்தம் 4,84,990 பேருக்கு கொரோனா பாதிப்பு. இதற்கு அடுத்ததாக ஆந்திராவில் 8,835 பேர், உத்தரப்பிரதேசத்தில் 6,229 பேர், தமிழகத்தில் 5,652 பேருக்கு 24 மணிநேரத்தில் கொரோனா தொற்று உறுதி செய்யப்பட்டுள்ளது.