நாடு முழுவதும் மே 31 வரை லாக்டவுன் நீட்டிப்பு.. மத்திய உள்துறை அமைச்சகம் உத்தரவு

டெல்லி: கொரோனா பரவுவதைத் தடுக்க நாடு முழுவதும் அமல்படுத்தப்பட்ட லாக்டவுன் மே 31-ந் தேதி வரை நீட்டிக்கப்படும் என்று தேசிய பேரிடர் மேலாண்மை வாரியம் அறிவித்துள்ளது. இது தொடர்பான வழிகாட்டுதல்களை மத்திய உள்துறை அமைச்சகம் வெளியிட்டுள்ளது.

கொரோனா பரவுவதைத் தடுக்க நாடு முழுவதும் அமல்படுத்தப்பட்ட 3-வது கட்ட லாக்டவுன் இன்றுடன் நிறைவடைந்தது. இதனால் இந்த லாக்டவுன் நீட்டிக்கப்படும் என்று பிரதமர் மோடி ஏற்கனவே தெரிவித்திருந்தார்.

நாட்டு மக்களிடையே அண்மையில் உரையாற்றிய பிரதமர் மோடி, லாக்டவுன் நீட்டிக்கப்படும் என்றும் 4-வது கட்ட லாக்டவுன் புதிய வகையில் இருக்கும் என்றும் கூறினார். இதனிடையே தமிழகத்தில் மே 31-ந் தேதி வரை லாக்டவுன் நீட்டிக்கப்படும் என்று முதல்வர் எடப்பாடி பழனிசாமி அறிவித்துள்ளார்.

அத்துடன் லாக்டவுன் காலத்தில் நீடிக்கக் கூடிய கட்டுப்பாடுகள், புதிய கட்டுப்பாடுகள், தளர்வுகள் குறித்தும் முதல்வர் பழனிசாமி அறிவித்திருக்கிறார். இந்த நிலையில் மத்திய அரசும் லாக்டனை மே 31-ந் தேதி வரை நீட்டிக்க முடிவு செய்திருப்பதாக தகவல்கள் வெளியாகி வந்தது.'

தேசிய பேரிடர் மேலாண்மை வாரியமே இந்த அறிவிப்பை இன்று வெளியிட்டது. முதல் 2 லாக்டவுன்கள் குறித்த அறிவிப்பை பிரதமர் மோடி வெளியிட்டிருந்தார். 3-வது லாக்டவுன் நீட்டிப்பு அறிவிப்பை உள்துறை அமைச்சகம் வெளியிட்டிருந்தது.

இந்நிலையில் இன்று 4-வது லாக்டவுன் நீட்டிப்பை தேசிய பேரிடம் மேலாண்மை வாரியம் அறிவித்தது. இதனைத் தொடர்ந்து லாக்டவுன் நீட்டிப்புக்கான வழிகாட்டுதல்களை மத்திய உள்துறை அமைச்சகம் வெளியிட்டிருக்கிறது.

English summary

Sources said that Pan India lockdown will be extended till May 31.