பாரத் பயோடெக்கின் கோவாக்சின் 77.8% பாதுகாப்பானது- 3-ம் கட்ட பரிசோதனை முடிவு!

Updated: Saturday, July 3, 2021, 21:20 [IST]

Subscribe to Oneindia Tamil

டெல்லி: பாரத் பயொடெக் நிறுவனத்தின் கோவாக்சின் 77.8% பாதுகாப்பானது என 3-வது கட்ட பரிசோதனையில் உறுதி செய்யப்பட்டுள்ளது.

கொரோனா தடுப்பூசிகள்

சீரம் நிறுவனத்தின் கோவிஷீல்டு, பாரத் பயடோக்கின் கோவாக்சின் தடுப்பூசிகள் பயன்படுத்தப்பட்டு வருகின்றன. இவை அல்லாமல் ஸ்புட்னிக்V, மாடர்னா ஆகிய தடுப்பூசிகளும் பயன்படுத்தப்பட உள்ளன.

சைகோவ் டி

சைடஸ் கேடிலா நிறுவனத்தின் சைகோவ்-டி கொரோனா தடுப்பூசிக்கு அனுமதி கோரப்பட்டுள்ளது. இந்த நிலையில் கோவாக்சின் தடுப்பூசியின் 3-ம் கட்ட பரிசோதனை முடிவுகள் இன்று வெளியிடப்பட்டுள்ளது.

3-ம் பரிசோதனை

இதில் கோவாக்சின் 77.8% பாதுகாப்பானது என தெரிவிக்கப்பட்டுள்ளது. 19 வயது முதல் 98 வயது வரையிலானவர்களுக்கு கோவாக்சின் செலுத்தப்பட்டு பரிசோதனைகள் நடத்தப்பட்டது. 25 ஆயிரம் பேருக்கு கோவாக்சின் செலுத்தப்பட்டது.

பாதுகாப்பானது

இந்த சோதனையின் முடிவில் கோவாக்சின் 77.8% பலன் தரக் கூடியது என உறுதி செய்யப்பட்டிருக்கிறது. கடுமையான பாதிப்புள்ள கொரோனா நோயாளிகளுக்கு 93.4% பலன் தருகிறது கோவாக்சின். தற்போது உலகை அச்சுறுத்தி வரும் புதிய டெல்டா வகை கொரோனஸுக்கு எதிராக 65% செயல்படக் கூடியது கோவாக்சின் என பாரத் பயோட் நிறுவனம் தெரிவித்துள்ளது.