டெல்லி: பாஜகவை மிரட்டும் கெஜ்ரிவால் தேர்தல் அறிக்கை-மாணவருக்கு பேருந்தில் இலவசம்- மெட்ரோவில் சலுகை!

Updated: Monday, January 27, 2025, 14:41 [IST]

Subscribe to Oneindia Tamil

டெல்லி: டெல்லி யூனியன் பிரதேச சட்டசபை தேர்தலுக்காக 15 வாக்குறுதிகளுடனான தேர்தல் அறிக்கையை ஆளும் ஆம் ஆத்மி கட்சி இன்று வெளியிட்டுள்ளது. டெல்லியில் ஆம் ஆத்மி கட்சியின் ஒருங்கிணைப்பாளரும் முன்னாள் முதல்வருமான அரவிந்த் கெஜ்ரிவால் இந்த தேர்தல் அறிக்கையை வெளியிட்டார். டெல்லியில் மீண்டும் ஆம் ஆத்மி ஆட்சி அமைத்தால் மாணவர்களுக்கு இலவச பேருந்து பயணம், மெட்ரோ ரயில்களில் சலுகைகளில் பயணம் செய்ய நடவடிக்கை மேற்கொள்ளப்படும் என வாக்குறுதி அளிக்கப்பட்டுள்ளது.

டெல்லி யூனியன் சட்டசபை தேர்தல் களத்தில் ஆளும் ஆம் ஆத்மி, பாஜக மற்றும் காங்கிரஸ் கட்சிகள் வாக்குறுதிகளை வாரி வழங்கி இருக்கின்றன. ஆளும் ஆம் ஆத்மி கட்சியானது, பெண்களுக்கு மாதம் ரூ. 2,100 வழங்குவோம் 60 வயதுக்கு மேற்பட்ட மூத்த குடிமக்களுக்கு இலவச மருத்துவம் வழங்கும் சஞ்சீவனி யோஜனா திட்டம், ஆட்டோ ஓட்டுநர்களின் மகள்களின் திருமணத்துக்கு ரூ. 1 லட்சம் நிதி உதவி மற்றும் ரூ. 10 லட்சத்துக்கான ஆயுள் காப்பீடு வழங்குவோம் என்பது உள்ளிட்ட வாக்குறுதிகளை அளித்திருக்கிறது.

delhi election 2025 delhi assembly election 2025

இந்த நிலையில் டெல்லியில் இன்று ஆம் ஆத்மி கட்சியின் தேர்தல் அறிக்கையை அரவிந்த் கெஜ்ரிவால் வெளியிட்டார். 15 அம்ச வாக்குறுதிகளுடன் இந்த தேர்தல் அறிக்கை வெளியிடப்பட்டுள்ளது.