ஆஹா! குட் நியூஸ்! புதிய வழித்தடத்தில் 5 வந்தே பாரத் ரயில்கள் இயக்கம்! உங்கள் ரூட் இருக்கானு பாருங்க!

டெல்லி: இந்தியாவில் 5 புதிய வந்தே பாரத் எக்ஸ்பிரஸ் ரயில்களை இந்திய ரயில்வே தொடங்கவுள்ளது. அவை என்னென்ன வழித்தடங்கள் என்பதை தெரிந்து கொள்ளுங்கள்.

இந்தியாவில் பல மாநிலங்கள் மற்றும் நகரங்களை உள்ளடக்கிய வந்தே பாரத் ரயில்கள் 15 வழித்தடங்களில் இயக்கப்பட்டு வருகிறது. இது மக்களிடையே பெரும் வரவேற்பை ஏற்படுத்தியுள்ளது.

வந்தே பாரத் எக்ஸ்பிரஸ் என்ற பெயரில் உள்நாட்டில் தயாரிக்கப்பட்ட அதிவேக ரயில்களளை ரயில்வே அமைச்சகம் கடந்த 2019 ஆம் ஆண்டு முதல் அறிமுகம் செய்தது. இந்த ரயிலில் என்ஜினானது தனியாக இல்லாமல் ரயிலின் மற்ற பெட்டிகளுடனேயே இணைந்திருக்கும்.

ரயிலில் ஆட்டோமேட்டிக் டோர்ஸ், குளிர்சாதன வசதி, வைஃபை வசதி, ஜிபிஎஸ், ஆடியோ, வீடியோ, பயோ டாய்லெட்டுகள் என பல அதிநவீன வசதிகள் உள்ளன. இவை சென்னையில் உள்ள பெரம்பூர் ஐசிஎஃப் தொழிற்சாலையில் தயாரிக்கப்படுகின்றன. முதல் சேவை டெல்லி- வாரணாசி வழித்தடத்தில் தொடங்கியது. இந்த ரயில்கள் மணிக்கு 180 கி.மீ வேகத்தில் செல்லும்.

ஒரு டம்ளர் தண்ணீரை வழிய வழிய வைத்தாலும் சிந்தாமல் சிதறாமல் இருக்கும் அளவுக்கு ஸ்மூத்தாக இந்த ரயில் செல்லும். அதே நேரத்தில் வேகமும் அதிகமாக இருக்கும். அண்மையில்தான் காசர்கோடு - திருவனந்தபுரம் இடையே ரயில் சேவை தொடங்கப்பட்டது. இந்த நிலையில் மேலும் 5 வந்தே பாரத் ரயில்களை சேர்க்க திட்டமிடப்பட்டுள்ளது.

இந்த 5 ரயில்களில் முதல் ரயில் பூரி - ஹவுரா வழித்தடத்தில் தொடங்க திட்டமிடப்பட்டுள்ளது. இது இந்த மாதம் தொடங்கப்படும். ஒடிசாவில் முதல் ரயிலையும், தென்கிழக்கு ரயில்வேயின் இரண்டாவது ரயிலையும் தொடர்ந்து, புதிய ஜல்பைகுரி - குவஹாத்தி வழித்தடத்தில் அதிவேக ரயில் தொடங்கப்படும். வடகிழக்கு இந்தியாவில் இயக்கப்படும் ரயிலின் முதல் யூனிட் இதுவாகும். இதைத் தொடர்ந்து, பாட்னா - ராஞ்சி வழித்தடத்தில் அதிநவீன ரயிலை இயக்க அரசு திட்டமிட்டுள்ளது.

இந்த வெளியீட்டின் மூலம், போஹார் அதன் முதல் வந்தே பாரத் ஆகும். ஹவுரா - பூரி வழித்தடத்தில் வந்தே பாரத் விரைவு ரயிலின் வெற்றிகரமான சோதனை ஓட்டத்திற்குப் பிறகு, ஒடிசா அரசு புவனேஸ்வர் - ஹைதராபாத், பூரி - ராய்ப்பூர் மற்றும் பூரி - ஹவுரா வழித்தடங்களில் மேலும் அரை - அதிவேக ரயில்களை சேர்க்க வலியுறுத்தியுள்ளது.

பூரி-ஹவுரா வந்தே பாரத் எக்ஸ்பிரஸ் மேற்கு வங்க மாநிலம் ஹவுராவில் இருந்து காலை 5:50 மணிக்கு புறப்பட்டு ஒடிசாவில் உள்ள பூரியை 11:50 மணிக்கு வந்தடையும் என தகவல்கள் தெரிவிக்கின்றன. வந்தே பாரத் மதியம் 2 மணிக்கு பூரியில் இருந்து புறப்பட்டு இரவு 7:30 மணிக்கு ஹவுராவை வந்தடையும்.

குர்தா சாலை சந்திப்பு, புவனேஸ்வர், கட்டாக், ஜாஜ்பூர் கியோஞ்சர் சாலை, பத்ரக், பாலசோர் மற்றும் ஹல்டியா நிலையங்கள் அனைத்தும் பூரி - ஹவுரா ரயிலின் நிறுத்தங்களாக இருக்கும் என்று கூறப்படுகிறது. சேர் காருக்கு ரூ. 1,590 (உணவு உட்பட ரூ. 308) மற்றும் எக்சிகியூட்டிவ் வகுப்பிற்கு ரூ. 2,815 (கேட்டரிங் செய்ய ரூ. 369) என மதிப்பிடப்பட்டுள்ளது. ஒரு பயணி "உணவு இல்லை" என்பதைத் தேர்வு செய்தால், டிக்கெட் விலையில் கேட்டரிங் சேர்க்கப்படாது. இந்த 5 வழித்தடங்களிலும் வந்தே பாரத் ரயிலை வரவேற்க மக்கள் மகிழ்ச்சியாக இருக்கிறார்கள்.

English summary

Do you know 5 more new Vande Bharat trains are going to operate? Here are the list, which belongs to North India.