ஜி 20 உச்சி மாநாடு: அணு ஆயுத அச்சுறுத்தலை ஏற்றுக்கொள்ள முடியாது.. வெளியிடப்பட்ட கூட்டறிக்கை

டெல்லி: ஜி20 உச்சி மாநாடு டெல்லியில் இன்று தொடங்கி நடந்து வருகிறது. இந்த மாநாட்டில் வெளியிடப்பட்ட கூட்டறிக்கையில், அணு ஆயுத அச்சுறுத்தலை ஏற்றுக்கொள்ள முடியாது என்று திட்டவட்டமாக அறிவிக்கப்பட்டது.

இந்தியாவில் ஜி20 உச்சி மாநாடு இன்று தொடங்கியது. நாளை வரை இந்த மாநாடு தலைநகர் டெல்லியில் நடக்கிறது. கடந்த ஆண்டு இந்தோனேசியா தலைமை வகித்த நிலையில், நடப்பு ஆண்டில் ஜி 20 உச்சி மாநாட்டுக்கு இந்தியா தலைமை வகிக்கிறது. இதன் காரணமாக உலக நாடுகளின் தலைவர்கள் டெல்லி வந்துள்ளனர்.

அமெரிக்க அதிபர் ஜோ பைடன், இங்கிலாது பிரதமர் ரிஷி சுனக், சிங்கப்பூர் பிரதமர், இந்தோனேசிய அதிபர், கனடா பிரதமர் உள்பட பல தலைவர்கள் ஜி 20 உச்சி மாநாட்டில் பங்கேற்றுள்ளனர். உலக நாடுகளின் தலைவர்கள் உள்பட ஜி20 தலைவர்கள், பிரதிநிதிகள் தங்குவதற்கு டெல்லியில் உள்ள சொகுசு ஹோட்டல்கள் முன்பதிவு செய்யப்பட்டுள்ளன.

ஜி20 உச்சி மாநாட்டில் கலந்து கொள்ளும் உலகத் தலைவர்களுக்கு சிறப்பான அனுபவத்தை வழங்கவும், இந்தியாவின் செழுமைமிக்க கலாசாரத்தை அவர்களுக்கு காட்டவும் பல்வேறு ஏற்பாடுகள் செய்யப்பட்டுள்ளது. இந்த நிலையில், ஜி20 உச்சி மாநாட்டின் கூட்டறிக்கை வெளியிடப்பட்டது.

உலக வர்த்தக அமைப்புகளுடன் இணைந்து பலமுனை வணிக கட்டமைப்பு ஏற்படுத்துவது இன்றியமையாதது. நாடுகளின் பிராந்திய ஒருமைப்பாடு, இறையாண்மையை அனைத்து நாடுகளும் மதிக்க வேண்டும். உக்ரைன் போர் விளைவாக உலகளவில் உணவு, எரிசக்தி பாதுகாப்புக்கு ஆபத்து ஏற்பட்டுள்ளது.

தற்போதைய காலக்கட்டம் போர்க்கானது அல்ல. உக்ரைனில் அமைதி நீடிக்க வேண்டும். அணு ஆயுத அச்சுறுத்தல் ஏற்றுக்கொள்ள முடியாது. உக்ரைன் போரால் ஏற்பட்டுள்ள பாதிப்புகளால் வளர்ச்சியடைந்த மற்றும் குறைந்த அளவு வளர்ந்த நாடுகளுக்கு பொருளாதார ரீதியாக பல்வேறு சிக்கல்கள் ஏற்பட்டுள்ளது.

English summary

The G20 summit is underway in Delhi today. The joint statement issued at this conference categorically declared that the threat of nuclear weapons is unacceptable.