ரூ.150 கோடி மதிப்பில் கிராமப்புற விஷன் கேர் திட்டம்.. பீகாரில் தொடங்கி வைத்த கௌதம் அதானி!
பாட்னா: பீகாரில் ஆண்டுக்கு 3.3 லட்சம் அறுவை சிகிச்சைகளை மேற்கொள்ளும் திறன் கொண்ட ரூ.150 கோடி மதிப்பிலான கிராமப்புற கண் மருத்துவத் திட்டத்தை பிரபல தொழிலதிபர் கவுதம் அதானி தொடங்கி வைத்தார்; மேலும், இத்திட்டத்தை நாடு முழுவதும் விரிவுபடுத்த கூடுதலாக ரூ.500 கோடியை ஒதுக்கவும் கவுதம் அதானி உறுதியளித்துள்ளார்.
அதானி குழுமத் தலைவர் கௌதம் அதானி, பீகாரில் புதிய திட்டத்தைத் தொடங்கி வைத்துள்ளார். கிராமப்புற மக்களுக்கான பெரிய அளவிலான கண் மருத்துவ சேவை திட்டமான விஷன் கேர் என்ற திட்டத்தை தொடங்கியுள்ளார். மலிவான விலையில் சிகிச்சைகள் வழங்குவது இந்த திட்டத்தின் முக்கிய நோக்கமாகும்.
3.3 லட்சம் அறுவை சிகிச்சைகள்
இந்த விஷன் கேர் திட்டத்தின் கீழ் ஆண்டுதோறும் 1,000 கண் நிபுணர்களுக்குப் பயிற்சி அளிக்கப்படும். சுமார் 3.3 லட்சம் அறுவை சிகிச்சைகள் மேற்கொள்ளப்படும். ACE மற்றும் ATOM என இரண்டு அமைப்புகள் நிதியுதவிடன் இது செயல்படுத்தப்படுகிறது.. 200 படுக்கைகள் கொண்ட ஒரு புதிய மருத்துவமனையும் இதில் அடங்கும்.
இந்தச் சிறப்பான முயற்சி நேற்று தொடங்கியது. ₹150 கோடி ஆரம்ப முதலீட்டில் இது செயல்படும். உலகின் மிகப்பெரிய கிராமப்புற கண் மருத்துவ சுற்றுச்சூழலை உருவாக்குவதே இலக்கு என்று தெரிவிக்கப்பட்டுள்ளது. பாட்னாவில் இருந்து 70 கி.மீ. தொலைவில் மாஸ்டிச்சக்கில் இந்த திட்டத்திற்கு அடிக்கல் நாட்டப்பட்டது. பிரீத்தி அதானி, மிருதுஞ்சய் திவாரி ஆகியோர் நிகழ்வில் உடனிருந்தனர்.
அகாண்ட் ஜோதி அறக்கட்டளையுடன் இணைந்து, புதிய மையங்கள் உருவாகும். 'அதானி சென்டர் ஃபார் ஐ (ACE)', 'அதானி பயிற்சி இன் ஆப்தல்மிக் மெடிசின் (ATOM)' என இவை பெயரிடப்படும். ஆண்டுக்கு 3.3 லட்சம் கண் அறுவை சிகிச்சைகளை மேற்கொள்ள இந்த திட்டம் உதவும். 1,000 நிபுணர்களுக்குப் பயிற்சி அளிப்பதிலும் பெரிதும் இது துணைபுரியும்.
புதிய கண் மருத்துவ திட்டத்தின் முக்கிய அம்சங்கள்
ACE மையமானது மேம்பட்ட கண் சிகிச்சை மற்றும் அறுவை சிகிச்சைகளை வழங்கும். இது மலிவான விலையில் சேவைகளை அளிக்கும். சிக்கலான நோய்கள் உள்ளவர்களுக்கு சிறப்பு கவனம் செலுத்தப்படும். கிராமப்புற நோயாளிகளுக்கும் இது பெரிதும் உதவும்.
ATOM மையம் மருத்துவப் பயிற்சி அளிப்பதில் கவனம் செலுத்தும். ஒளியியல் நிபுணர்கள், கண் மருத்துவ உதவியாளர்கள் பயிற்சி பெறுவர். சமூக சுகாதாரப் பணியாளர்களுக்கும் இங்கு பயிற்சி அளிக்கப்படும். இதன் மூலம் கிராமப்புற சுகாதாரக் கட்டமைப்பு வலுப்படுத்தப்படும்.
பீகார் கிராமங்களுக்கு கண் சிகிச்சை எளிதாக பாமர மக்களுக்கும் இந்த திட்டத்தின் கீழ் கொண்டு சேர்க்கப்பட உள்ளது. தொலைதூரக் கிராமங்களுக்கும் சேவைகள் சென்றடைவது மேம்படுத்தப்பட்டது. கௌதம் அதானி இந்நிகழ்வில் பேசுகையில் கூறியதாவது:-
'சேவைதான் சாதனை' என்ற தத்துவத்தைப் இந்தத் திட்டம் பிரதிபலிக்கிறது. சமூகத்திற்காக உதவும் நிறுவனங்களை உருவாக்குவதே நீண்டகால அர்ப்பணிப்பாகும். கண்பார்வையை மீட்டெடுப்பது மருத்துவச் சிகிச்சை மட்டுமல்ல. அது கண்ணியம், தன்னம்பிக்கை, நம்பிக்கையை மீட்டெடுக்கும் வழி" இவ்வாறு கூறினார்.
விரிவாக்கத் திட்டத்தின் கீழ், கௌதம் அதானி ரூ.500 கோடி கூடுதலாக அளிக்க உள்ளார். "அதானி அகாண்ட் ஜோதி அறக்கட்டளை" இதன்மூலம் உருவாக்கப்படும். இந்தியாவின் சேவை குறைவாக உள்ள பகுதிகளில் இது உதவும். மலிவு விலையில் கண் சிகிச்சை முயற்சிகள் மேம்படுத்தப்படும். இந்த திட்டத்திற்கான மொத்த முதலீடு ரூ.700 கோடியைத் தாண்டும் என எதிர்பார்க்கப்படுகிறது.
செயல்பாட்டுச் செலவுகளும் இதில் அடங்கும். அதானி அறக்கட்டளை 200 படுக்கைகள் கொண்ட மருத்துவமனையை அமைக்க உள்ளது. பீகார் மாநிலம் பாகல்பூர் மாவட்டத்தில் பிர்பைண்டியில் அமையவுள்ளது. இது அனல் மின் நிலையத்திற்கு அருகில் இருக்கும். கிழக்கு பீகார் மக்களுக்கு எளிதில் மருத்துவ சேவைகள் இதன் மூலம் கிடைக்கும்.
அதானி குழுமம் பீகாரில் தொடர்ச்சியாக முதலீடுகளை விரிவுபடுத்தி வருகிறது. இதுவரை ரூ.40,000 கோடி மதிப்பிலான முதலீடுகள் செய்யப்பட்டுள்ளன. திட்டமிடப்பட்ட முதலீடுகளும் இத்தொகையில் அடங்கும். பிர்பைண்டி அனல் மின் திட்டம் இதில் ஒரு முக்கிய பகுதி. வடக்கு பீகாரில் ஸ்மார்ட் மீட்டர் பொருத்தும் பணி நடைபெறுகிறது. அதானி எனர்ஜி சொல்யூஷன்ஸ் லிமிடெட் இந்த பணியை மேற்கொள்கிறது. கயா, நாலந்தாவில் நகர எரிவாயு விநியோக நெட்வொர்க்குகள் செயல்படுத்தப்படுகின்றன. இந்தியன் ஆயில் அதானி காஸ் பிரைவேட் லிமிடெட் இதைச் செய்கிறது.
அகாண்ட் ஜோதி கண் மருத்துவமனை 2005 இல் தொடங்கப்பட்டது. 30 படுக்கைகள் கொண்ட சிறிய வசதியாக இது இருந்தது. இன்று முன்னணி கிராமப்புற கண் சிகிச்சை நிறுவனமாக வளர்ந்துள்ளது. 14 லட்சத்திற்கும் அதிகமான பார்வை மீட்டெடுக்கும் அறுவை சிகிச்சைகளை வெற்றிகரமாக நடத்தியுள்ளது. இந்த முயற்சி இந்திய அரசின் பார்வைத்திறன் கட்டுப்பாட்டு திட்டத்துடன் இணைகிறது. கிராமப்புற இந்தியா முழுவதும் மலிவு விலையில் கண் சிகிச்சை கிடைப்பதே இதன் நோக்கமாகும்.
Click it and Unblock the Notifications
Sign in with Google