ஜிமெயில்... யூடியூப்...கூகுள் ட்ரைவ்... சேவை உலகம் முழுவதும் பாதிப்பு!!
டெல்லி: இந்தியாவில் ஜி மெயில் சேவை சிலருக்கு முடங்கியது. உலகம் முழுவதும் இந்தப் பிரச்சனை நீடித்து வருகிறது. சிலருக்கு மட்டுமே இந்த சேவை கிடைத்து வருகிறது. சிலருக்கு பிரச்சனை இருந்து வருவதாக சமூக ஊடகங்களில் பதிவிட்டுள்ளனர்.
பலரும் தங்களது பதிவில், இமெயில் அனுப்ப முடியவில்லை ஆவணங்களும் இணைக்க முடியவில்லை என்று குறிப்பிட்டுள்ளனர். இதைத் தொடர்ந்து சமூக வலைதளங்களில் இந்த தகவல் டிரண்ட் ஆனது.
இன்று காலை முதல் ஜி மெயில் சேவை உலகம் முழுவதும் பாதிக்கப்பட்டது. இதன் பாதிப்பு யூடியூப், கூகுள் டிரைவ் உள்ளிட்ட கூகுள் சேவைகளிலும் எதிரொலித்தது. இதனால் காலை நேரத்தில் முக்கிய வேலைகளை தங்களால் செய்து கொள்ள முடியாமல் பலரும் தவித்தனர். சமூக வலைதளங்களில் தங்களது பிரச்சனைகளை பதிவிட்டனர். சிலர் மெயில் லாக் இன் செய்ய முடியவில்லை என்றும், சிலர் ஆவணங்களை இணைக்க முடியவில்லை என்றும் பதிவிட்டு இருந்தனர்.
சிலர் மட்டுமே தங்களுக்கு இந்த பிரச்சனை இருப்பதாகவும், சிலர் தங்களுக்கு இந்தப் பிரச்சனை இல்லை என்றும் பதிவிட்டு இருந்தனர். பலரும் தற்போது வீட்டில் இருந்து வேலை செய்வதால் என்ன செய்வது என்று தெரியாமல் திகைத்தனர். இதன் நீட்சியாக இதன் பாதிப்பு, கூகுள் டிரைவ், யூடியூப் ஆகியவற்றிலும் பிரதிபலித்தது என்று சிலர் பதிவிட்டு இருந்தனர். கூகுள் டிரைவில் ஆவணங்களை இணைக்க முடியவில்லை என்று சிலர் குறிப்பிட்டு இருந்தனர். இந்தியாவிலும் இந்த பாதிப்பு இருந்தது.
இதற்கு பதில் அளித்து இருந்த ஜி சூட் நிறுவனம், ''இதுகுறித்து விசாரித்து வருகிறோம் 8/20/20, மதியம் 1:39 மணிக்கு இதுகுறித்த தகவலையும், எப்போது சரி செய்யப்படும் என்ற தகவலையும் தெரிவிப்போம்'' என்று தெரிவித்துள்ளனர். Service interruptionஅல்லது "service outage'' பிரச்சனையாக இருக்கலாம் என்று கூகுள் தெரிவித்துள்ளது.
இந்தப் பிரச்சனை இன்று காலை 11 மணிக்கு துவங்கியதாக பதிவிடப்பட்டுள்ளது. சிலருக்கு மெயில்கள் கிடைப்பதிலும் சிக்கல் ஏற்பட்டுள்ளது. உலகின் எந்தெந்த பகுதிகளில் இந்த சேவை பாதிக்கப்பட்டது என்பதைக் காட்டும் வரைபடத்தில், ஐரோப்பியாவின் சில பகுதிகள், அமெரிக்கா, இந்தியா, பிலிப்பைன்ஸ், நியூசிலாந்து என மொத்தம் 42 நாடுகளில் இந்த பாதிப்பு இருப்பதாக காட்டப்பட்டு உள்ளது.
Click it and Unblock the Notifications
Sign in with Google